பொலிசாரின் சமிஞ்சையை மீறினால் குறைந்த பலப் பிரயோகமே பயன்படுத்த முடியும் – சி.வி.விக்னேஸ்வரன்

குளோபல் தமிழ்ச் செய்தியாளர் யாழ்ப்பாணம்.

பொலிசார் தமது சமிஞையை மீறி  இரு இளைஞர்களும் பயணித்தார்கள் என்றபடியால் துப்பாக்கிச் சூட்டில் ஈடுபட்டிருந்தார்களேயானால் இவ்வாறான சந்தர்ப்பங்களில் ஆகக் குறைந்த பலப் பிரயோகமே நடத்தபப்ட்டு இருக்க வேண்டும் என வடமாகாண முதலமைச்சர் சி.வி.விக்னேஸ்வரன் குறிப்பிட்டு உள்ளார்.

வடமாகாண முதலமைச்சர் ஊடகங்களுக்கு அனுப்பி வைத்த செய்திக்குறிப்பிலையே அவ்வாறு குறிபிட்டு உள்ளார்.  மேலும் அதில் குறிப்பிடப்பட்டு இருப்பதாவது ,

இரு பல்கலைக்கழகமாணவர்களின் அநியாயமானஅகாலமரணம் ஆழ்ந்ததுயரத்தை எல்லோர் மனதிலும் ஏற்படுத்தியுள்ளது. எந்தச் சூழலில் எதற்காக அவர்கள் மீது துப்பாக்கிப் பிரயோகம் நடத்தப்பட்டது என்பதை நாங்கள் ஆய்ந்தறிந்துகொள்ளவேண்டும். பொலிசார் தமது சமிஞ்சையை மீறி இரு இளைஞர்களும் பயணித்தார்கள் என்றபடியால் துப்பாக்கிச் சூட்டில் ஈடுபட்டிருந்தார்களேயானால் இவ்வாறானசந்தர்ப்பங்களில் ஆகக் குறைந்தபலப் பிரயோகம்  நடாத்தப்படவேண்டும் என்ற நிபந்தனையைமீறிவிட்டார்கள் போன்றே தெரிகின்றது.

இது பற்றி நீதவான் ஆராய்ந்தறிந்து அறிக்கை சமர்ப்பார் என்று நம்புகின்றேன். நான் வெளிநாட்டில் இருப்பதால் அவரின் அறிக்கை வந்துள்ளதோ என்பதை அறியேன். அவரின் அறிக்கையைப் பரிசீலித்த பின்னரே சட்டத்திற்கும் ஒழுங்கிற்கும் பொறுப்பான   என்ற வகையில் நான் எனது கருத்தை வழங்க முடியும். எனினும் இவ்வாறான செயல்கள் இனி மேலாவது நடைபெறாது பார்த்துக் கொள்ளல் எமது கடமையாகின்றது.

இறந்தவர்களின் உற்றார் உறவினர்களுக்கு எனது ஆழ்ந்த அனுதாபங்களைத் தெரிவித்துக் கொள்கின்றேன். அதேநேரத்தில் இத் துன்பச் சூழலில் எமது இளைஞர் யுவதிகள் உள்ளடங்கலான அனைவரும் பொறுமை காக்க வேண்டுகின்றேன். எமது உணர்ச்சிகளுக்கு ஊக்கமளிப்பதால் ஏற்படும் பின் விளைவுகளைநாங்கள் எம் மனதில் நிறுத்தியேநடவடிக்கைகளில் ஈடுபடவேண்டும்.என மேலும் குறிப்பிடப்பட்டு உள்ளது.