உலகம் பிரதான செய்திகள்

பிலிப்பைன்சில் போதைமருந்து வர்த்தகத்தில் ஈடுபட்டதாக தடுத்து வைக்கப்பட்ட மேயர் சிறைச்சாலையில் சுட்டுக் கொலை

philipines
போதை மருந்து வர்த்தகத்தில் ஈடுபட்டதாக தெரிவிக்கப்பட்டு கைதாகி சிறையில் இருந்த பிலிப்பைன்ஸ் நாட்டு மேயர் ஒருவர், அவரது சிறை அறையிலேயே சுட்டுக் கொல்லப்பட்டுள்ளார். சிறையில் சட்டபூர்வமற்ற ஆயுதங்களை தேடியபோது, அதிகாரிகளை நோக்கி  அல்புயேரா நகர மேயர் ரோலான்டோ எஸ்பிநோசா துப்பாக்கிப்பிரயோகம் மேற்கொண்டதாகவும்   அவரும், அவருடன் இருந்தவரும் சுட்டு கொல்லப்பட்டதாகவும் காவல்துறையினர் தெரிவித்துள்ளனனர்.

போதை மருந்து வர்த்தக ஒழிப்பு நடவடிக்கையின் ஒரு பகுதியாக, அதில் ஈடுபட்டுள்ளோhர் என பிலிப்பைன்ஸ் ஜனாதிபதி  ரொட்ரிகோ டுடெர்டேவினால் கடந்த  ஓகஸ்ட் மாதம் வெளியிட்ட 150க்கும் மேற்பட்ட அதிகாரிகளின் பெயர்களில்  எஸ்பிநோசாவின் பெயரும் காணப்படடதனைத் தொடர்ந்து தான் கொல்லப்படக்கூடும் என்ற அச்சம் காரணமாக  அவர் காவல்துறையிடம் சரணடைந்திருந்தார்.

இதேவேளை மற்றுமொரு நகர மேயரும் பிலிப்பைன்ஸின் தென் பகுதியில் காவல்துறையினரோடு இடம்பெற்ற  துப்பாக்கிச்சூட்டில் கொல்லப்பட்டார் எனவும் தெரிவிக்கப்பட்டுள்ளது.

Add Comment

Click here to post a comment

Leave a Reply




Subscribe to Blog via Email

Enter your email address to subscribe to this blog and receive notifications of new posts by email.

Join 10 other subscribers