கணக்காய்வாளர் நாயகத்தின் அதிகாரம் வலுப்படுத்தப்பட வேண்டும் – லக்ஸ்மன் யாபா

குளோபல் தமிழ்ச் செய்தியாளர்

கணக்காய்வாளர் நாயகத்தின் அதிகாரங்கள் மேலும் வலுப்படுத்தப்பட வேண்டும் என நிதி ராஜாங்க அமைச்சர் லக்ஷ்மன் யாபா அபேவர்தன தெரிவித்துள்ளார். மாத்தறையில் நேற்றைய தினம் இடம்பெற்ற நிகழ்வொன்றில் கலந்துகொண்டு உரையாற்றியபோது  இதனைத் தெரிவித்த அவர் கணக்காய்வாளர் நாயகத்தின் அதிகாரங்கள் அதிகரிக்கப்பட வேண்டும் என்ற நிலைப்பாடையே ஜனாதிபதி கொண்டுள்ளார் எனவும் தெரிவித்துள்ளார்.

கணக்காய்வாளர் என்பவர் நாடாளுமன்றத்துக்கு மட்டுமே பொறுப்புக்கூற வேண்டியவராவார் எனவும், அமைச்சர்கள் எவருக்கும் பொறுப்புக்கூறவேண்டிய அவசியம் கிடையாது எனவும் சுட்டிக்காட்டியுள்ள அவர் கணக்காய்வாளர் நாயகத்தின் அதிகாரங்களை அதிகரிப்பதற்கு ஸ்ரீலங்கா சுதந்திரக் கட்சி பூரண ஆதரவளிக்கும் எனவும் தெரிவித்துள்ளார்.