ஐ.நா மனித உரிமைப் பேரவை அமர்வுகளை இலக்கு வைத்து இராணுவத்தினர் கைது செய்யப்படுகின்றனர்

ஐக்கிய நாடுகள் மனித உரிமைப் பேரவை அமர்வுகளை இலக்கு வைத்து அரசாங்கம் இராணுவத்தினரை கைது செய்து வருவதாக  கூட்டு எதிர்க்கட்சியின் பாராளுமன்ற உறுப்பினர் கெஹலிய ரம்புக்வெல்ல தெரிவித்துள்ளார். பாரியளவிலான குற்றச் செயல்கள் தொடர்பில் ஏதேனும் ஓர் வழியில் நடவடிக்கை எடுக்கப்பட்டு வருவதாக காண்பிக்கும் நோக்கில் சில இராணுவ புலனாய்வு பிரிவு உத்தியோகத்தர்கள் கைது செய்யப்பட்டுள்ளதாகத் தெரிவித்துள்ள அவர் இதன் ஒர் கட்டமாகவே ஊடகவியலாளர் கீத் நொயார் தாக்குதல் தொடர்பில் இராணுவ அதிகாரிகள் கைது செய்யப்பட்டுள்ளதாகத் தெரிவித்துள்ளார்.

குற்றவாளிகள் கைது செய்யப்படுவதில் தவறில்லை என்ற போதிலும் சரியான சட்ட விதிகள் பின்பற்றப்பட வேண்டுமென குறிப்பிட்டுள்ள அவர் அரசாங்கம் சட்டவிரோத கைதுகளை மேற்கொண்டு வருவதாகத் தெரிவித்துள்ளார்.