Home இலங்கை இராணுவ வசமுள்ள திணைக்கள காணிகளை விடுவிக்க கோரி கண்டன பேரணி

இராணுவ வசமுள்ள திணைக்கள காணிகளை விடுவிக்க கோரி கண்டன பேரணி

by admin

கிளிநொச்சி மாவட்டத்தில் இராணுவத்தின் வசமுள்ள  திணைக்கள காணிகளை விடுவிக்க கோரி  மாவட்ட விவசாய சம்மேளனத்தினால் கண்டனப் பேரணி ஒன்று இன்று 27-03-2017 முன்னெடுக்கப்பட்டுள்ளது. காலை ஒன்பது மணியளவில் வட்டக்கச்சி பண்ணைக்கு முன்பாக ஆரம்பிக்கப்பட்ட கண்டனப் பேரணி சிறிது தூரம்  ஊர்வலமாக வந்து பின்னர் அங்கிருந்து வாகனங்களில் கிளிநொச்சி  நகருக்கு சென்று  மாவட்ட செயலகம் வரை ஊர்வலமாக சென்று ஜனாதிபதி மற்றும் பிரதமர்  ஆகியோருக்கான  மகஜர்கள் மாவட்ட அரச அதிபரிடம்  கையளிக்கப்பட்டது.

இப்போராட்டத்தில் வடமாகாண விவசாய அமைச்சர் ஐங்கரநேசன், வடமாகாண சபை உறுப்பினர் சு.பசுபதிப்பிள்ளை, பாராளுமன்ற உறுப்பினர் சிவஞானம் சிறிதரன், மற்றும் விவசாயிகள், சிவில் அமைப்புக்கள் என பெருமளவானோர் கலந்து கொண்டனர்.

கண்டனப் பேரணியில் கலந்துகொண்டவர்கள் பாட்டாளிக்கு பாடை கட்டாதே,பண்பட்ட நிலத்தை பாழாக்காதே, இளைஞர்கள் தெருவில் இராணுவம் பண்ணையில் > பண்ணையினை மீண்டும் விவசாயத் திணைக்களத்திடம் ஒப்படை, போன்ற வாசகங்கள் எழுதப்பட்ட பதாதைகளையும் ஏந்தியிருந்தனர்.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More