இலங்கை பிரதான செய்திகள்

பயங்கரவாதத் தடைச் சட்டம் நீக்கப்பட வேண்டும் – சர்வதேச மன்னிப்புச் சபை


பயங்கரவாதத் தடைச் சட்டம் நீக்கப்பட வேண்டுமென சர்வதேச மன்னிப்புச் சபை கோரியுள்ளது. யுத்தம் நிறைவடைந்து எட்டாண்டுகள் பூர்த்தியாவதனை முன்னிட்டு வெளியிட்டுள்ள விசேட அறிக்கையில் இந்த கோரிக்கை முன்வைக்கப்பட்டுள்ளது.

சர்வதேச தர நிர்ணயங்களை பின்பற்றக்கூடிய வகையில் பயங்கரவாத எதிர்ப்புச் சட்டம் உருவாக்கப்பட வேண்டியது அவசியமானது என தெரிவிக்கப்பட்டுள்ளது. பயங்கரவாதத் தடைச் சட்டம் ,  மனித உரிமை மீறல்களுக்கு துணை நிற்கும் வகையில் அமைந்துள்ளதாகவும் இரண்டு ஆண்டுகள் ஆட்சி நடத்தி வரும் அரசாங்கம் பயங்கரவாதத் தடைச் சட்டத்தை ரத்து செய்ய இன்னமும் நடவடிக்கை எடுக்கவில்லை எனவும் குற்றம் சுமத்தப்பட்டுள்ளது.

உத்தேச புதிய பயங்கரவாத எதிர்ப்புச் சட்டமும் காவல்துறையினருக்கு மித மிஞ்சிய அதிகாரங்களை வழங்கும் வகையிலும், சந்தேக நபர்களின் உரிமைகள் ஒடுக்கப்படக் கூடிய வகையிலும் அமைந்துள்ளதாகவும் குற்றச் செயல்களுக்கு பொறுப்பு கூறா நிலைமை தொடர்ந்தும் நீடித்து வருவதாகவும் தெரிவித்துள்ளார்.

யுத்தம் காரணமாக பாதிக்கப்பட்டவர்களுக்காக குரல் கொடுக்கும் அவர்களுக்கு அஞ்சலி செலுத்துவோர் ஒடுக்கப்படுவதும் அடக்கப்படுவதும் ஏற்றுக்கொள்ளக்கூடியதல்ல எனவும் சர்வதேச மன்னிப்புச் சபையின் அறிக்கையில் சுட்டிக்காட்டப்பட்டுள்ளது

Add Comment

Click here to post a comment

Leave a Reply




Subscribe to Blog via Email

Enter your email address to subscribe to this blog and receive notifications of new posts by email.

Join 10 other subscribers