உலகம் பிரதான செய்திகள்

பார்சிலோனாவில் தீவிரவாதிகள் ஐவர் கொல்லப்பட்டுள்ளனர் – இரண்டாவது தாக்குதலுக்கு திட்டமிட்டிருந்ததாக காவல்துறை தெரிவிப்பு

குளோபல் தமிழ்ச் செய்தியாளர்

பார்சிலோனாவின் அருகே உள்ள காம்ப்ரில்ஸ் என்ற இடத்தில் தீவிரவாதிகள் ஐவர்   கொல்லப்பட்டுள்ளதாக தெரிவிக்கப்படுகின்றது.

தீவிரவாதிகள் தங்கியிருந்த பகுதியை சுற்றிவளைத்த காவல்துறையினர் அவர்கள் மீது   துப்பாக்கிப் பிரயோகம் மேற்கொண்டதாகவும்   சில மணித்தியாலங்கள் இடம்பெற்ற    இந்த துப்பாக்கிச் சண்டையில்  5 தீவிரவாதிகள் கொல்லப்பட்டதுடன்  ஒரு தீவிரவாதி காயமடைந்துள்ளதாகவும் காவல்துறையினர்  தெரிவித்துள்ளனர்.

அத்துடன் இந்த துப்பாக்கிச் சண்டையின் போது காவல்துறையினர் ஒருவரும் 9 பொதுமக்களும் காயமடைந்துள்ளதாகவும் தெரிவிக்கப்படுகின்றது.

பார்சிலோனாவின்  சுற்றுலாப்பயணிகள் அதிகமாக காணப்படும் லஸ்ரம்பிலஸ் பகுதியில்; நேற்றையதினம் வானொன்று பொதுமக்கள் மீது மோதி மேற்கொள்ளப்பட்ட தாக்குதலில்   13 உயிரிழந்துள்ளதாகவும் 100  பேர் வரையில்  காயமடைந்துள்ளனர்.

இந்தநிலையில்    காம்ப்ரில்ஸ் நகரில் இரண்டாவது தாக்குதலுக்கு அவர்கள் திட்டமிட்டு இருந்ததாகவும்  காவல்துறையினர்  தெரிவித்துள்ளனர்.

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.