இலங்கை பிரதான செய்திகள்

வாகன விபத்தில் ஜயவர்தனபுர பல்கலைக்கழக மாணவர்கள் 19 பேர் காயம்


குளோபல் தமிழ்ச்செய்தியாளர்

வாகன விபத்துச் சம்பவமொன்றில் ஸ்ரீ ஜயவர்தனபுர பல்கலைக்கழக மாணவர்கள் காயமடைந்துள்ளனர். நேற்றைய தினம் இரவு 11.30 மணியளவில் இந்த விபத்துச் சம்பவம் இடம்பெற்றுள்ளது.

ஹோமகம ஹைலெவல் வீதியின் நாவீன்ன சந்தியில் பஸ் ஒன்றும் மோட்டார் வாகனம் ஒன்றும் நேருக்கு நேர் மோதி ஏற்பட்ட இந்த விபத்துச் சம்பவத்தில் 19 பேர் வரையில் காயமடைந்துள்ளனர்.

இந்த விபத்தில் காயமடைந்த மாணவர்கள் களுபோவில வைத்தியசாலையில் அனுமதிக்கப்பட்டுள்ளதுடன், படுகாயமடைந்த ஒரு மாணவர் கொழும்பு தேசிய வைத்தியசாலைக்கு மாற்றப்பட்டுள்ளார்.

தலங்கம பிரதேசத்தில் நடைபெற்ற செயலமர்வு ஒன்றில் பங்கேற்று திரும்பிய குறித்த பஸ்ஸில் 65 பல்கலைக்கழக மாணவர்கள் பயணித்துள்ளனர். சம்பவம் தொடர்பில் மோட்டார் வாகன சாரதி கைது செய்யப்பட்டுள்ளார்.

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.