மலேசியாவில் நடைபெற்ற பார்முலா1 கார்பந்தயத்தில் நெதர்லாந்து வீரர் மக்ஸ் வெர்ஸ்டப்பென் ( Max Verstappen) முதலிடம் பிடித்துள்ளார். இந்த ஆண்டுக்கான பார்முலா 1 கார்பந்தயம் உலகம் பூராகவும் 20 சுற்றுகளாக இடம்பெற்றுக் கொண்டிருக்கின்ற நிலையில 15-வது சுற்றான மலேசிய கிராண்ட் பிரிக்ஸ் பந்தயம் கோலாலம்பூரில் உள்ள செபாங் ஓடுதளத்தில் நேற்று நடைபெற்றது.
பந்தய தூரமான 310.408 கிலோமீட்டர் இலக்கை நோக்கி 10 அணிகளை சேர்ந்த 19 வீரர்கள் போட்டியிட்ட நிலையில நெதர்லாந்து வீரர் மக்ஸ் வெர்ஸ்டப்பென் ( Max Verstappen) 1 மணி 30 நிமிடங்கள் 01.290 வினாடிகளில் இலக்கை அடைந்து முதலிடம் பிடித்துடன் அதற்கான 25 புள்ளிகளையும் பெற்றுள்ளார். இந்த காலப்பகுதியில் அவர் பெற்ற முதல் வெற்றி இது என்பது குறிப்பிடத்தக்கது.
இங்கிலாந்தின் லீவிஸ் ஹமில்டன் 2-வதாக வந்து 18 புள்ளிகளையும், அவுஸ்திரேலியாவின் டானியல் ரிக்கார்டோ 3-வதாக வந்து 15 புள்ளிகளும் பெற்றுள்ளனர்.
இதுவரை நடந்துள்ள 15 சுற்றுகள் முடிவில் சம்பியன் கிண்ணத்திற்கான வாய்ப்பில் ஹமில்டன் 281 புள்ளிகளுடன் முதலிடத்திலும், செபஸ்டியன் வெட்டல் 247 புள்ளிகளுடன் 2வது இடத்திலும், வால்டெரி போட்டாஸ் 222 புள்ளிகளுடன் 3-வது இடத்திலும் இருக்கிறார்கள். அடுத்த சுற்று போட்டி ஜப்பானில் எதிர்வரும் 8ம் திகதி நடைபெறவுள்ளது.
Albert Park, Melbourne, Australia.
Thursday 23 March 2017.
Max Verstappen, Red Bull.
World Copyright: Andrew Hone/LAT Images
Ref: Digital Image _ONZ0177
