உலகம் பிரதான செய்திகள்

ஸ்பெயின் மற்றும் போர்த்துக்கல்லில் காட்டுத்தீயில் சிக்கி முப்பதுக்கும் அதிகமானவர்கள் உயிரிழந்துள்ளனர்


ஸ்பெயின் மற்றும் போர்த்துக்கல் நாடுகளில் உள்ள காட்டுப் பகுதிகளில்  ஏற்பட்ட காட்டுத்தீயில் சிக்கி முப்பதுக்கும் அதிகமானவர்கள் உயிரிழந்துள்ளனர் என தெரிவிக்கப்படுகின்றது.   ஸ்பெயின் மற்றும் போர்த்துக்கல் எல்லையை அண்மித்துள்ள  காட்டுப்பகுதிகளில் நேற்றிலிருந்து சுமார் 520 இடங்களில் காடுகள் தீப்பற்றி எரிந்து வருவதாகவும் இந்த தீயை அணைக்கும் பணியில் சுமார் 4500 வீரர்கள் ஈடுபட்டு வருகின்றனர் எனவும் தெரிவிக்கப்படுகின்றது.

அதேபோன்று போர்த்துக்கல்லின்  எல்லையை அண்மித்துள்ள ஸ்பெயின் நாட்டின்  கலிசியா பகுதியிலும் சுமார் 17 காடுகள் தீப்பற்றி எரிந்து வருவதாகவும்  இங்கு மணிக்கு 90 கிலோமீட்டர் வேகத்தில் புயல் காற்றும் வீசுவதால் வேகமாக தீ பரவிவருவதாகவும்   தெரிவிக்கப்பட்டுள்ளது.

சுமார் 3 லட்சம் மக்கள் வாழும் இந்த பகுதியில் தீக்கு பயந்து வீடுகளைவிட்டு வெளியேறிய மக்கள் பாதுகாப்பான இடங்களில்  தற்காலிகமாக தங்கவைக்கப்பட்டுள்ளனர் எனவும் தெரிவிக்கப்பட்டுள்ளது.

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.