Home இந்தியா இந்திய அளவில் பெண்கள் பாதுகாப்பில் தமிழ்நாட்டுக்கு 11-வது இடம்

இந்திய அளவில் பெண்கள் பாதுகாப்பில் தமிழ்நாட்டுக்கு 11-வது இடம்

by editortamil


இந்தியாவில் பெண்கள் பாதுகாப்பு எப்படி இருக்கிறது?

இந்த கேள்விக்கு கல்வி, சுகாதாரம், வறுமை, பாலியல் வன்செயலுக்கு எதிரான பாதுகாப்பு ஆகிய 4 அம்சங்களின் அடிப்படையில் ‘பிளான் இந்தியா’ தொண்டு அமைப்பு ஒரு கருத்துக்கணிப்பு நடத்தி, முடிவுகளை அறிவித்துள்ளது. அதனை மத்திய பெண்கள், குழந்தைகள் மேம்பாட்டுத்துறை அமைச்சகம் வெளியிட்டுள்ளது.

அதன் முக்கிய அம்சங்கள்:-

* பெண்கள் ஒட்டுமொத்த பாதுகாப்பில் நாட்டிலேயே முதலிடத்தை பிடித்துள்ள மாநிலம், குட்டி மாநிலமான கோவா. இந்த மாநிலத்துக்கு கிடைத்துள்ள புள்ளிகள் 0.656. தேசிய சராசரி அளவான 0.5314-ஐ இது மிஞ்சி விட்டது.

* இரண்டாவது இடத்தை கேரளா பெற்றிருக்கிறது.

* மூன்றாவது, நான்காவது, ஐந்தாம் இடங்களும் குட்டி மாநிலங்களான மிசோரம், சிக்கிம், மணிப்பூர் மாநிலங்கள் பெற்றுள்ளன.

* முதல் 10 இடங்களுக்குள் இமாசல பிரதேசம் (6), கர்நாடகம் (7), பஞ்சாப் (8), மராட்டியம் (9), உத்தரகாண்ட் (10) ஆகிய மாநிலங்கள் வந்துள்ளன.

* கடைசி இடம், பீகார் மாநிலத்துக்கு கிடைத்துள்ளது. இந்த மாநிலத்துக்கு கிடைத்துள்ள புள்ளிகள் 0.410

* டெல்லிக்கு 28-வது இடம் கிடைத்து இருக்கிறது. இந்த மாநிலத்துக்கு 0.436 புள்ளிகள் கிடைத்து இருக்கிறது.

* இந்த பட்டியலில் தமிழ்நாட்டுக்கு 11-வது இடமே கிடைத்துள்ளது. இதற்கான புள்ளிகள் 0.57324. இங்கு 15.7 சதவீத பெண்களுக்கு, அவர்கள் சட்டப்பூர்வ திருமண வயதை (18) அடைவதற்கு முன்னர் பெற்றோர் திருமணம் செய்து வைத்து விடுகிறார்கள்.

* தமிழ்நாட்டில் பிறந்த ஒரு மணி நேரத்தில் 55.9 சதவீத குழந்தைகளுக்குத்தான் தாய்ப்பால் ஊட்டப்படுகிறது.

* பாலியல் வன்செயலுக்கு எதிரான பெண்குழந்தைகள் பாதுகாப்பு என்ற ஒரே அம்சத்தில் தமிழ்நாட்டுக்கு 12-வது இடமும், பெண் கல்வியில் 22-வது இடமும் கிடைத்துள்ளது.

* பெண் குழந்தைகளுக்கு எதிரான பாலியல் வன்செயல் குற்றங்களில் பாதிக்கப்பட்ட பெண்களில் 99.6 சதவீதம் பேர், தங்களுக்கு நன்றாக தெரிந்த நபர்தான் அந்த குற்றத்தை செய்ததாக கூறி இருப்பது குறிப்பிடத்தக்கது.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More