பிரபல தென்னிந்திய நடிகை நயன்தாரா நடிப்புக்கு வந்து 15 ஆண்டுகள் ஆகின்றன. அதிலும் 15 ஆண்டுகள் முன்னணி நாயகியாக இவர் இருந்துள்ளார். தமிழ் சினிமாவில் மிக நீண்ட காலத்தின் பின்னர் நடிகை ஒருவர் நாயகியாக நிலைத்திருக்கும் அரிதான நிகழ்வுகளில் இதுவும் ஒன்றாகும்.
கேரளாவில் உள்ள அவரது வீட்டில் குடும்பத்தினர் மட்டும் பங்கேற்க ரகசியமாக நிச்சயதார்த்தம் நடந்துள்ளது. நிச்சயதார்த்தம் முடிந்த பிறகே இருவரும் அமெரிக்காவுக்கு சுற்றுலா சென்றுள்ளனர். அமெரிக்காவில் நெருக்கமாக எடுத்துக்கொண்ட புகைப்படங்களையும் ருவிட்டரில் வெளியிட்டனர்.
இந்த படங்கள் குறித்த கேள்விக்கு, “நான் ஆசீர்வதிக்கப்பட்டு இருக்கிறேன்” என்று விக்னேஷ் சிவன் பதில் அளித்தார். நயன்தாராவுக்கு இப்போது இமைக்கா நொடிகள், கொலையுதிர் காலம், கோலமாவு கோகிலா, தெலுங்கில் ‘சை நரசிம்ம ரெட்டி’ என்று கைநிறைய படங்கள் உள்ளன. அஜித்குமாரின் விசுவாசம் படத்துக்கும் ஒப்பந்தமாகி உள்ளார்.
மறைந்த ஆந்திர முதல்-மந்திரி ராஜசேகர ரெட்டி வாழ்க்கை வரலாறு படத்திலும் அவரது மனைவி கதாபாத்திரத்தில் நடிக்க பேச்சு வார்த்தை இடம்பெறுகின்றது. அடுத்த சில மாதங்கள் சினிமாவில் ஓய்வில்லாமல் நடித்துக்கொண்டு இருப்பார் என்றும், இந்த வருடம் இறுதியில் நயன்தாராவுக்கும், விக்னேஷ் சிவனுக்கும் திருமணம் நடக்கும் என்றும் இருவருக்கும் நெருக்கமானவர்கள் சொல்கிறார்கள். திருமணத்துக்கு பிறகு சினிமாவை விட்டு ஒதுங்கும் முடிவில் நயன்தாரா இருப்பதாகவும் கூறப்படுகிறது.
