சினிமா பிரதான செய்திகள்

நடிகை சாவித்திரியின் வாழ்க்கை பற்றிய நடிகையர் திலகம் படம் – மதுரவாணி என்ற பத்திரிகையாளராக கலக்கும் சமந்தா!!

நாக் அஸ்வின் இயக்கத்தில்  ‘நடிகையர் திலகம்’ படத்தில் மதுரவாணியாக நடிக்கும் சமந்தாவின் தோற்றம் சமூக வலைதளங்களில் பெரும் வரவேற்பை பெற்றுள்ளது. இந்தப் படம் சமந்தாவின் திரையுலக வாழ்வில் முக்கியதொரு படமாக அமையும் என்றும் குறிப்பிடப்படுகிறது.

மறைந்த முன்னாள் நடிகை சாவித்திரியின் வாழ்க்கை குறித்த படம் தெலுங்கில் ‘மகாநதி’ என்ற பெயரிலும், தமிழில் ‘நடிகையர் திலகம்’ என்ற பெயரிலும் உருவாகி வருகிறது. இந்த படத்தில் சாவித்திரி வேடத்தில் கீர்த்தி சுரேஷும், ஜெமினி கணேசனாக துல்கர்சல்மானும் நடிக்கின்றனர்.

இதில் சமந்தா பத்திரிகை நிருபராக நடிக்கிறார். இதில் சமந்தா மதுரவாணி என்ற கதபாத்திரத்தில் நடிக்கிறார். அவரது தோற்றம் தற்போது வெளியாகி சமூக வலைதளங்களில் வைரலாகி வருகிறது.

இந்த படத்தில் சாவித்திரியை பிரபல நடிகையாக உயர்த்திய பல வெற்றி படங்களுக்கு கதாசிரியராக பணியாற்றிய அலூரி சக்ரபாணி கதாபாத்திரத்தில் பிரகாஷ்ராஜ் நடிக்கிறார். மறைந்த பழம்பெரும் நடிகை பானுமதி வேடத்தில் அனுஷ்காவும், நாகேஷ்வரராவ் கதாபாத்திரத்தில் நாக சைதன்யாவும், எஸ்.வி.ரங்காராவ் வேடத்தில் மோகன்பாபுவும் நடிக்கின்றனர்.

வைஜெயந்தி மூவிஸ் தயாரிக்கும் இந்த படத்திற்கு மிக்கி ஜே மேயர் இசையமைக்கிறார். படம் வருகிற மே 9ஆம் வெளியாக இருப்பதாக அறிவிக்கப்பட்டுள்ளது.

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.