இலங்கை பிரதான செய்திகள்

போலி தனியார் சிகிச்சை நிலையம் ஒன்றை நடத்தி வந்த தமிழ் பெண் கைது


குளோபல் தமிழ்ச் செய்தியாளர்

மருத்துவ சான்றிதழ் இன்றி மருத்துவராக தன்னை வெளிக்காட்டிக்கொண்டு தனியார் சிகிச்சை நிலையம் ஒன்றை நடத்தி வந்த தமிழ் பெண் ஒருவரை பாதுக்க காவல்துறையினர் கைதுசெய்துள்ளனர். பாதுக்க அருக்வத்தை பகுதியில் பொது சுகாதார பரிசோதகர் டி.கஹங்கம, காவல்துறையினரின் உதவியுடன் சுற்றிவளைப்பை மேற்கொண்டு இந்த பெண்ணை கைது செய்துள்ளனர்.

இந்த தேடுதலில் பல மருந்துகள் கைப்பற்றப்பட்டுள்ளன. கைதுசெய்யப்பட்ட பெண் மனநோயாளியாக இருக்கலாம் எனவும் அவர் அனுராதபுரம் வைத்தியசாலையில் மனநல சிகிச்சையை பெற்றுள்ளமைக்கான ஆவணங்களும் கைப்பற்றப்பட்டுள்ளன எனவும் தெரிவிக்கப்பட்டுள்ளது

திறமையான மருத்துவர் ஒருவர் குறித்த இடத்தில் தனது சிகிச்சை நிலையத்தை நடத்தி வந்துள்ளார். அவர் அந்த இடத்தை கைவிட்டு வேறு பிரதேசத்தில் சிகிச்சை நிலையத்தை ஆரம்பித்துள்ளதனையடுத்து குறித்த பெண் இந்த இடத்தில் சிகிச்சை நிலையத்தை ஆரம்பித்துள்ளதாக காவல்துறையினர் தெரிவித்துள்ளனர்.

பெண்ணின் நடத்தை குறித்து சந்தேகம் கொண்ட பிரதேசவாசிகள் அது குறித்து பொது சுகாதார வைத்திய அதிகாரியின் அலுவலகத்தில் முறைப்பாடு ஒன்றை செய்திருந்தநிலையில் அதற்கு அமைய விசாரணைகள் மேற்கொள்ளப்பட்டுள்ளன.

Add Comment

Click here to post a comment

Leave a Reply




Subscribe to Blog via Email

Enter your email address to subscribe to this blog and receive notifications of new posts by email.

Join 10 other subscribers