இலங்கை பிரதான செய்திகள்

2ஆம் இணைப்பு – கொக்குவில் வாள்வெட்டு – பிரதேச இளைஞர்களால் பிடிக்கப்பட்டவர் காவற்துறையில் ஒப்படைப்பு…

 

கொக்குவிலில் இடம்பெற்ற  வாள்வெட்டு சம்பவத்தில்  ஒருவர் படுகாயமடைந்துள்ளதுடன், வாள்வெட்டில் ஈடுபட்ட குழுவை சேர்ந்த ஒருவர் அந்தப் பகுதி இளைஞர்களால் மடக்கிப் பிடிக்கப்பட்டுள்ளதாக தெரிவிக்கப்படுகிறது.

நான்கு மோட்டார் சைக்கிள்களில் சென்ற  குழுவொன்றே இவ்வாள்வெட்டை நடத்தி தப்பிச் சென்ற வேளையில்,  பிரதேச இளைஞர்கள் துரத்திச் சென்று அந்தக் குழுவில் ஒருவரை மோட்டார் சைக்கிளுடன் மடக்கிப் பிடித்து  காவற்துறையிடம் ஒப்படைக்கப்பட்டுள்ளதாக தெரிவிக்கப்படுகிறது.

 

வாள்வீச்சின் பிரதான மையமாக கொக்குவில் – இன்றும் இளைஞர் ஒருவர் மீது வாள்வெட்டு…

Jun 10, 2018 @ 06:22

File photo
யாழ்ப்பாணம் கொக்குவில் மேற்குப் பகுதியில் இன்று (10.06.18) இடம்பெற்ற வாள்வெட்டுச் சம்பவத்தில் இளைஞர் ஒருவர் காயமடைந்துள்ளார். கொக்குவில் மேற்கு, காந்திஜி சனசமூக நிலையத்தில் கூடிய 4 பேர், அங்கு நின்றிருந்த இளைஞனை வாளால் வெட்டியபின் தப்பிச்சென்றுள்ளதாக தெரியவந்துள்ளது. காயமடைந்த இளைஞன் யாழ்ப்பாணம் வைத்தியசாலையில் சிகிச்சைக்காக அனுமதிக்கப்பட்டுள்ளார்.

இது தொடர்பில் விசாரணைகளை மேற்கொண்ட யாழ்ப்பாணம் காவற்துறையினர், வாள்வெட்டு சம்பவத்தின்போது கைவிட்டுச் சென்ற மோட்டார் சைக்கிள் ஒன்றைக் கைப்பற்றியுள்ளனர்.
இந்த நிலையில் குறித்த வாள்வெட்டுடன் தொடர்புடையவர்கள் இணுவில், மல்லாகம் மற்றும் சுன்னாகம் பகுதியைச் சேர்ந்தவர்களென தகவல்கள் வெளியானதை அடுத்து அவர்களைக் கைது செய்யும் நடவடிக்கைகளை காவற்துறையினர் மேற்கொண்டு வருகின்றனர்.

Add Comment

Click here to post a comment

Leave a Reply




Subscribe to Blog via Email

Enter your email address to subscribe to this blog and receive notifications of new posts by email.

Join 10 other subscribers