சினிமா பிரதான செய்திகள்

ரொரண்டோ திரைப்பட விழா -சிறந்த தமிழ்த் திரைப்படமாக குரங்கு பொம்மை – சிறந்த துணை நடிகராக பாரதிராஜா

‘குரங்கு பொம்மை’ திரைப்படம் ரொரண்டோ  திரைப்பட விழாவில் 2 விருதுகளை பெறவுள்ளதாக அறிவிக்கப்பட்டுள்ளது. கனடாவில் உள்ள முக்கியமான பொழுதுபோக்கு குழுக்களில் ஒன்றான புளு சாப்யர்  ரொரண்டோ தெற்காசிய திரைப்பட விருதுகள் ( Toronto International South Asian Film Awards )  மூலமாக பல்வேறு பிரிவுகளின் கீழ் விருதுகளைப் பெற்றவர்களின் பெயர்களை அறிவித்துள்ளார்கள். இதன்படி கடந்த ஆண்டு வெளியான தமிழ் மற்றும் மலையாளம் இரண்டு மொழிப் படங்களுக்கும் சேர்த்து மொத்தம் 25 விருதுகள் அறிவிக்கப்பட்டுள்ளது. மேலும் 5 சிறப்பு விருதுகளும் அறிவிக்கப்பட்டுள்ளன.

இதில் ‘விக்ரம் வேதா’, ‘அருவி’ ‘அறம்’ என பல வெற்றிப்படங்கள் இடம்பெற்று கடுமையான போட்டி நிலவிய சூழலில் சிறந்த தமிழ்த் திரைப்படம் என்ற விருதினை ஷ்ரேயா ஸ்ரீ மூவிஸ் டுடுP தயாரிப்பில் விதார்த், பாரதிராஜா, டெல்னா டேவிஸ் மற்றும் பலர் நடித்து, நித்திலன் இயக்கியிருந்த ‘குரங்கு பொம்மை’ திரைப்படம் தட்டிச் சென்றுள்ளது.

அது மட்டுமல்லாமல், இப்படத்தில் சிறப்பான நடிப்பை வெளிப்படுத்தியதற்காக சிறந்த துணை நடிகருக்கான விருது ‘இயக்குநர் இமயம்’ பாரதிராஜா-வுக்கு அறிவிக்கப்பட்டுள்ளது. முதல் முறையாக சர்வதேச அளவிலான ஒன்லைன் வாக்கெடுப்பு முறையில் இந்த விருதுகள் தேர்ந்தெடுக்கப்பட்டிருப்பது குறிப்பிடத்தக்கது.

Spread the love

Add Comment

Click here to post a comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Share via
Copy link
Powered by Social Snap