இலங்கை

நியுயோர்க் டைம்ஸின் தகவல் – மஹிந்தவின் மௌனம் சந்தேகத்தை ஏற்படுத்துகிறது…


நியுயோர்க் டைம்ஸ் பத்திரிகை நிறுவனம் வெளியிட்டுள்ள செய்தியின் அடிப்படையில் பாராளுமன்ற உறுப்பினர் மஹிந்த ராஜபக்ஷ அடுத்தக்கட்ட நடவடிக்கைகள் எதனையும் மேற்கொள்ளாமல் அமைதி காப்பது அவர் மீது பாரிய சந்தேகத்தினை தோற்றுவித்துள்ளது என நிதியமைச்சர் மங்களசமரவீர தெரிவித்துள்ளார்.

இந்த நிலையில் இவ்விடயம் தொடர்பில் அடுத்தக்கட்ட நடவடிக்கைகளை மேற்கொள்ள, சீன தூதரகத்துடன் அனுமதி கேட்பது அவசியமில்லை எனத் தெரிவித்த மங்கள, நியுயோர்க்டைம்ஸ் அனைத்து தகவல்களையும் வழங்க தயாராக உள்ளதாகவும், இவ்விடயத்தில் அரசாங்கம் விரைந்து செயற்பட வேண்டும் எனவும் தெரிவித்துள்ளார். நிதியமைச்சில் நேற்று பெற்ற ஊடகவியலாளர் சந்திப்பில் கலந்துக் கொண்டு உரையாற்றும் போதே அவர் மேற்கண்டவாறு தெரிவித்தார்.

அங்கு தொடர்ந்து கருத்து வெளியிட்ட அவர், 2015ம் ஆண்டு ஜனாதிபதி தேர்தல் பணிகளுக்கு சீன நிறுவனம் 7.6 பில்லியன் கடனை வழங்கியதாகநியுயோர்க் டைம்ஸ் பத்திரிகை வெளியிட்ட செய்தியை ஊடகங்கள் வெளியிட்டமைக்கு எதிராக நடவடிக்கைகள் மேற்கொள்ள வேண்டும் என்று பேராசியியர் ஜி. எல்.பீரிஸ் குறிப்பிட்டுள்ளமையானது ஊடக சுதந்திரத்திற்கு அச்சுறுத்தல் விடுப்பதாகவே காணப்படுகின்றது.

மேலும் இவ்விடயங்கள் தொடர்பில் உள்ளுர் ஊடகவியலாளர்களை அசசுறுத்தல் வேண்டாம் என்றும் மேலதிக தகவல்களை பெற்றுக் கொள்ள வேண்டுமாயின் தம்மை தொடர்பு கொள்ளுமாறு நியுயோர்க்டைம்ஸ் பத்திரிகையின் பிரதம ஆசிரியர் மைக்கல் ஸ்லெக்மன் குறிப்பிட்டுள்ளமையினை மஹிந்த தரப்பினர் பின்பற்ற வேண்டும். ஒரு சாதாரண மனிதர் தனக்க எதிராக பொய்யான குற்றச்சாடடை முன்வைத்தால் அதனை எதிர்த்து தனக்கு நியாயத்தினை பெற்றுக் கொள்ள முற்படுவார்கள் ஆனால் ஜனாதிபதி பதவி வகித்து தற்போது பாராளுமன்ற உறுப்பினராக செயற்படும் மஹிந்த ராஜபக்ஷ இவ்விடயம் தொடர்பில் அமைதி காப்பது பாரிய சந்தேகத்தினை தோற்றிவித்துள்ளது. சீன தூதரகம் இவ்விடயம் தொடர்பில் மறுப்பினை தெரிவித்தமையினை தமக்கு சாதகமாக பயன்படுத்திக் கொள்ள முயற்சிகளை, கூட்டு எதிர்கட்சியினர் மேற்கொண்டு வருகின்றனர் எனவும் தெரிவித்தார்.

Add Comment

Click here to post a comment

Leave a Reply




Subscribe to Blog via Email

Enter your email address to subscribe to this blog and receive notifications of new posts by email.

Join 9 other subscribers