Home பிரதான செய்திகள் பிபா உலகத் தரவரிசையில் இங்கிலாந்து முன்னேற்றம்

பிபா உலகத் தரவரிசையில் இங்கிலாந்து முன்னேற்றம்

by admin


உலகக்கோப்பை தொடரில் அரையிறுதி வரை முன்னேறிய இங்கிலாந்து கால்பந்து அணி பிபா உலகத் தரவரிசையில் 6-வது இடத்திற்கு முன்னேறியுள்ளது.  ரஸ்யாவில் நடைபெற்று முடிவடைந்த பிபா உலகக்கோப்பை கால்பந்து தொடரில் பிரான்ஸ் அணி சம்பியன் கிண்ணத்தினை வென்ற நிலையில் இங்கிலாந்து அரையிறுதி வரை முன்னேறி குரோசியாவிடம் தோற்றது.

இதனைத் தொடர்ந்து தரவரிசையில் 12-வது இடத்தில் இருந்து 6-வது இடத்திற்கு முன்னேறியுள்ளது. கிண்ணத்தினை வென்ற பிரான்ஸ் 6 இடங்கள் முன்னேறி முதல் இடத்தை பிடித்துள்ளது.அரையிறுதியோடு வெளியேறிய பெல்ஜியம் 2-வது இடத்தினையும் பிரேசில் ஒரு இடம் பின்தங்கி 3-வது இடத்திற்கும் சென்றுள்ளன.

உலகக்கோப்பை இறுதிப் போட்டிக்கு முன்னேறிய குரோசியா16 இடங்கள் முன்னேறி 4-வது இடத்தை பிடித்துள்ளது. உருகுவே ஐந்தாவது இடத்தையும், போர்த்துக்கல் 7-வது இடத்தையும், சுவிட்சர்லாந்து 8-வது இடத்தையும், ஸ்பெயின், டென்மார்க் 9-வது இடத்தையும் பிடித்துள்ளன. அர்ஜென்டினா 6 இடங்கள் பின்தங்கி 11-வது இடத்துக்கு பின்தள்ளியுள்ளமை குறிப்பிடத்தக்கது.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More