பிரதான செய்திகள் விளையாட்டு

ஆசிய விளையாட்டுப்போட்டியில் ஜப்பான் நீச்சல் வீராங்கனை சாதனை

இந்தோனேசியாவில் நடைபெற்றுவரும் 18வது ஆசிய விளையாட்டுப்போட்டியில் ஜப்பான் நீச்சல் வீராங்கனையான ரிகாகோ இகீ 9Rikako Ikee) நீச்சல் போட்டியில் 6 தங்கம் வென்ற முதல் நபர் என்ற சாதனையை படைத்துள்ளார். 18 வயதான ரிகாகோ இகீ, 50 மீட்டர், 100 மீட்டர் பட்டர்பிளை, 50 மீட்டர், 100 மீட்டர் பிரீஸ்டைல், 4 x 100 மீட்டர் மெட்லே தொடர் நீச்சல், 4x 100 மீட்டர் பிரிஸ்டைல் தொடர் நீச்சல் என 6 தங்கப்பதக்கங்களை வென்றுள்ளார்.

இதன் மூலம் ஒரு ஆசிய விளையாட்டில் நீச்சலில் 6 தங்கம் வென்ற முதல் நபர் என்ற சாதனையை அவர் படைத்திருக்கிறார்.
வடகொரிய துப்பாக்கி சுடுதல் வீரர் சோ ஜின்-மான் 1982-ம் ஆண்டு ஆசிய விளையாட்டுப் போட்டியில் 7 தங்கம் வென்றிருந்தமையே இதுவரை ஒரு ஆசிய விளையாட்டுப் போட்டியில் அதிக தங்கம் வென்ற சாதனையாக காணப்படுகின்றது.

நடப்பு ஆசிய விளையாட்டுப் போட்டியில் நீச்சலில் மட்டும் ஜப்பான் 19 தங்கம் உள்பட 52 பதக்கம் கைப்பற்றியுள்ளமை குறிப்பிடத்தக்கது.

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.