பிரதான செய்திகள் விளையாட்டு

அமெரிக்க ஓபன் டென்னிஸ் – ஜோகோவிச் – நடால் – செரீனா காலிறுதிக்கு முன்னேற்றம்,

நியூயார்க்கில் நடைபெற்று வருகின்ற இந்த ஆண்டின் கடைசி கிராண்ட் ஸ்லாம் போட்டியான அமெரிக்க ஓபன் டென்னிஸ்
தொடரின் ஆண்கள் ஒற்றையர் பிரிவில் செர்பியாவின் நோவக் ஜோகோவிச் காலிறுதிக்குள முன்னேறியுள்ளார். நோவக் ஜோகோவிக்கும், போர்த்துக்கல்லின் ஜோ சவுசாவுக்குமிடையில் இடம்பெற்ற போட்டியில் ஜோகோவிச் 6-3 6-4 6-3 என்ற கணக்கில் வென்று காலிறுதிக்கு முன்னேறியுள்ளார். காலிறுதிப் போட்டியில் ஜோகோவிச் ரோஜர் பெடரருடன் போட்டியிடவுள்ளார்.

மேலும் ஸ்பெயினின் ரபேல் நடால் ஜோர்ஜியாவின் நிக்கோலஸ் பஸிலஷ்விலியை 6-3, 6-3, 6-7 (6-8), 6-4 என்ற செட் கணக்கில் வென்று காலிறுதிக்கு முன்னேறியுள்ளார். காலிறுதிப போட்டியில் நடால், ஒஸ்ரியாவின் டொமினிக் தியமுடன் போட்டியிடவுள்ளார்.

அதேவேளை மகளிர் ஒற்றையர் பிரிவில் அமெரிக்காவின் செரீனா வில்லியம்ஸ் 6-0, 4-6, 6-3 என்ற செட் கணக்கில் எஸ்டோனியாவின் கயா கனேபியை வீழ்த்தி காலிறுதிக்கு முன்னேறியுள்ளார். காலிறுதியில் அவர், செக் குடியரசின் கரோலினா பிளிஸ்கோவாவுடன் போட்டியிடவுள்ளார்.

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.