இலங்கை பிரதான செய்திகள்

“காஞ்சா செடியினை பூஞ்செடி என நினைத்தே, அதனை அழிக்காது விட்டேன்”

குளோபல் தமிழ்ச் செய்தியாளர்
காஞ்சா செடியினை பூஞ்செடி என நினைத்தே அதனை அழிக்காது விட்டேன் என , கஞ்சா வளர்த்தார் என கைது செய்யப்பட்ட நபர் வாக்குமூலம் அளித்துள்ளார். சாவகச்சேரி காவல்துறைப் பிரிவுக்கு உட்பட்ட பகுதியில் புதிதாக அமைப்பட்டு வரும் கட்டடம் ஒன்றில் கஞ்சா செடி வளர்க்கப்படுவதாக கிடைத்த ரகசிய தகவலின் அடிப்படையில் சம்பவ இடத்திற்கு கடந்த ஞாயிற்றுக்கிழமை சென்ற காவல்துறையினர் அங்கு வளர்ந்த கஞ்சா செடியினை மீட்டதுடன் அங்கிருந்த தென்னிலங்கை தெல்தெனியை சேர்ந்த கட்டட தொழிலாளியையும் கைது செய்திருந்தனர்.

இந்தநிலையில் கைது செய்யப்பட்ட நபர் நேற்று திங்கட்கிழமை சாவகச்சேரி நீதிவான் நீதிமன்றில் காவல்துறையினரால் முற்படுத்தப்பட்டார்.

அங்கு நடைபெற்ற வழக்கு விசாரணையின் போது , கட்டடத்தில் அந்த செடி தானாகவே வளர்ந்தது. அதனை பூஞ்செடி என நினைத்தே அகற்றாது விட்டேன். என தெரிவித்தார்.

அதனை தொடர்ந்து குறித்த நபரை ஒரு இலட்ச ரூபாய் பெறுமதியான காசு பிணையில் செல்ல மன்று அனுமதித்தது.

Spread the love
 
 
      

Add Comment

Click here to post a comment

Your email address will not be published.

This site uses Akismet to reduce spam. Learn how your comment data is processed.