இலங்கை பிரதான செய்திகள்

மாலைத்தீவில் கைது செய்யப்பட்ட 25 மீனவர்களில் 21 பேர் விடுதலை


மாலைத்தீவில் கடந்த வெள்ளிக்கிழமை எல்லை தாண்டியதாக கைது செய்யப்பட்ட 25 இலங்கை மீனவர்களில் 21 பேர் விடுவிக்கப்பட்டுள்ளனர் என கடற்றொழில் அமைச்சர் பீ.ஹெரிசன் தெரிவித்துள்ளார்.

எனினும், கைதுசெய்யப்பட்ட 4 படகோட்டிகளை மாலைதீவு அரசாங்கம் தடுத்து வைத்துள்ளதாகவும் அவர்களிடம் தொடர்ந்து விசாரணைகள் நடைபெற்று வருவதாகவும் அவர் மேலும் தெரிவித்துள்ளார்.

குறித்த நான்கு 4 படகோட்டிகளையும் விடுவிப்பதற்கான பேச்சுவார்த்தைகளை மாலைதீவு தூதரகம் ஊடாக முன்னெடுக்கவுள்ளதாகவும் அவர் தெரிவித்துள்ளார்.

விடுவிக்கப்பட்ட 21 பேரிடமும் வெளிநாட்டு கடவுச்சீட்டு இல்லாத காரணத்தினால் விரைவில் வெளிநாட்டு கடவுச்சீட்டை பெற்றுக்கொடுத்து விமானம் மூலம் அவர்களை நாட்டுக்கு அழைத்து வருவதற்கான நடவடிக்கைகள் மேற்கொள்ளப்படும் எனவும் அமைச்சர் பீ.ஹெரிசன் தெரிவித்துள்ளார்.

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.