இலங்கை பிரதான செய்திகள் மலையகம்

நுவரெலியாவில் இரு வியாபார நிலையங்களில் தீ – முற்றாக சேதம்

நுவரெலியா காவல்துறைப் பிரிவுக்குட்பட்ட நுவரெலியா – கண்டி பிரதான வீதி, பழையக் கடை பகுதிக்குச் செல்லும் வழியிலுள்ள இரு வியாபார நிலையங்களில் ஏற்பட்ட திடீர் தீ விபத்து காரணமாக, அந்நிலையங்கள் முற்றுமுழுதாகத் தீக்கிரையாகியுள்ளன.

; அணிகலன்கள் விற்பனை நிலையமொன்றும், புதிததாக திறக்கப்படவிருந்த உணவகமொன்றுமே இவ்வாறு முற்றாக எரிந்து தீக்கிரையாகியுள்ளன.

இத் தீவிபத்தில் எவருக்கும் உயிராபத்தோ காயங்களோ ஏற்படவில்லை என்றும் பொருட்கள் முற்றாக எரிந்து நாசமாகியுள்ளன எனவும் தெரிவிக்கப்பட்டுள்ளது

பிரதேச பொது மக்கள், நுவரெலியா காவல்துறையினர் ;, மாநகரசபையின் தீயணைப்பு பிரிவினர் ஆகியோர் இணைந்து தீயினை கட்டுப்பாட்டுக்குள் கொண்டுவந்துள்ளனர்.  தீ ஏற்பட்டதற்கான காரணம் கண்டறியப்படவில்லை என்றும் மின்சார ஒழுக்கு காரணமாக இத் தீ ஏற்பட்டிருக்கலாம் எனவும் சந்தேகிக்கப்படுகின்றது.

ஏற்பட்ட தீ காரணம் தொடர்பாகவும், சேதவிபரங்கள் தொடர்பாகவும் நுவரெலியா காவல்துறையினர் மேலதிக விசாரணைகளை மேற்கொண்டு வருகின்றனர்.
(க.கிஷாந்தன்)

 

Add Comment

Click here to post a comment

Leave a Reply




Subscribe to Blog via Email

Enter your email address to subscribe to this blog and receive notifications of new posts by email.

Join 13 other subscribers