சினிமா பிரதான செய்திகள்

என் வாழ்க்கையை திரைப்படமாக்கினால் அதில் நடிக்க தயார்


தன்னுடைய வாழ்க்கை வரலாற்றை திரைப்படமாக்கினால் அதில் தானே நடிப்பதற்கு தயாராக இருப்பதாக  இசையமைப்பாளர் இளையராஜா தெரிவித்துள்ளார். சென்னையில் இளையராஜாவின் 75ஆவது பிறந்தநாள் விழா இடம்பெற்றபோதே அவர் இதனைக் குறிப்பிட்டுள்ளார்.

மேலும் நிகழ்வில் பேசிய இளையராஜா, நல்ல வி‌ஷயங்களைச் செய்வதற்கு, இசைக்கு அதிக முக்கியத்துவம் கொடுக்க வேண்டும். அதனால் அனைத்து கல்வி நிறுவனங்களும், இசையை பாடமாக்க வேண்டும் என்றும் வளிமண்டலத்தில் நீர், காற்று போல இசையும் இருக்கிறது என்றும் அதை தன்னால் தொட முடிந்தது என்றும் கூறினார்.

இசை அமைப்பாளர்களில் அதிக பாடல்களை பாடியும், பாடல்கள் எழுதியும், குறைந்த நேரத்தில் அதிக படங்களுக்கு இசையமைத்தும் சாதனை புரிந்துள்ளதாகவும். மாணவர்களே கனவு காணாதீர்கள், முயற்சி செய்யுங்கள் என்றும் அவர் குறிப்பிட்டார்.

மாணவர்கள் இளையராஜாவிடம் அவரது வாழ்க்கை வரலாறு படமாக்கப்படுமா? என்று கேட்ட போது தன்னுடைய வாழ்க்கை வரலாறை சுயசரிதையாக எழுதி வருவதாகவும் விரைவில் அது வெளியாகும் என்றும் கூறிய இளையராஜா தன்னுடைய வாழ்க்கை வரலாற்றை படமாக்கினால் அதில் தானே நடிக்க தயாராக இருப்பதாகவும் மூன்றே நாட்களில் படமாக்கலாம் என்றும் தெரிவித்தார்.

இந்த நிகழ்ச்சியின்போது, தமிழ், தெலுங்கு, கன்னடம், மலையாளம், இந்தி ஆகிய ஐந்து மொழிகளில் ஒரே நேரத்தில் தான் இசையமைத்த பாடல்களை இளையராஜா பாடினார்.

Add Comment

Click here to post a comment

Leave a Reply




Subscribe to Blog via Email

Enter your email address to subscribe to this blog and receive notifications of new posts by email.

Join 13 other subscribers