சினிமா

தனுஷ் படத்தில் முக்கிய வேடத்தில் விஜய் சேதுபதி!


`வடசென்னை’ படத்தை தொடர்ந்து வெற்றிமாறன் இயக்கத்தில் தனுஷ் நடித்து வரும் `அசுரன்’ திரைப்படத்தில் ஒரு முக்கிய வேடத்தில் சிறப்பு தோற்றத்தில் விஜய் சேதுபதி நடிக்கின்றார்.

தனுஷ் நடிப்பில் `வடசென்னை’, `மாரி 2′ ஆகிய படங்கள் கடந்த வருடம் திரைக்கு வந்தன. கௌதம் மேனன் இயக்கத்தில் தனுஷ் நடித்துள்ள எனை நோக்கி பாயும் தோட்டா வெளியீடு தாமதமாகியுள்ளது. அடுத்ததாக வெற்றிமாறன் இயக்கத்தில் ‘அசுரன்’ படத்தில் நடித்து வருகிறார். இதன் படப்பிடிப்பு கடந்த ஜனவரியில் தொடங்கி விறுவிறுப்பாக நடந்தது.

இந்த நிலையில் துரை செந்தில்குமார் இயக்கும் புதிய படத்தின் படப்பிடிப்பில் தனுஷ் கலந்து கொண்டார். இதில் சினேகாவும் முக்கிய கதாபாத்திரத்தில் வருகிறார். இதனால் அசுரன் படப்பிடிப்பு மீண்டும் எப்போது தொடங்கும் என்று ரசிகர்கள் மத்தியில் எதிர்பார்ப்பு நிலவியது.

இந்த நிலையில் தற்போது மீண்டும் ‘அசுரன்’ படப்பிடிப்பில் தனுஷ் இணைந்துள்ளார். தனது அசுரன் பட தோற்றத்தை சமூக வலைத்தளத்தில் வெளியிட்டு இது இறுதிகட்ட படப்பிடிப்பு என்றும் தெரிவித்து உள்ளார். அவரது தோற்றம் சமூக வலைத்தளத்தில் வைரலாகி உள்ளது.

இந்த படத்தில் தனுசுடன் மஞ்சு வாரியர், பாலாஜி சக்திவேல், பசுபதி, ஆடுகளம் நரேன், யோகிபாபு, குருசோமசுந்தரம் உள்பட பலர் நடிக்கின்றனர். விஜய்சேதுபதி சிறப்பு தோற்றத்தில் வருகிறார்.  கலைப்புலி எஸ்.தாணு தயாரிக்கும் இந்த படத்திற்கு ஜி.வி.பிரகாஷ் இசையமைக்க, வேல்ராஜ் ஒளிப்பதிவு செய்கிறார்.

#danush #vijaisethupathy #manjuvariyar ,asuran #vadachennai

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.