இலங்கை பிரதான செய்திகள்

மட்டக்களப்பில், IS பயங்கரவாதிகளின் பிரதான பயிற்சி முகாம் முற்றுகை….

மட்டக்களப்பில், ஐஎஸ் பயங்கரவாதிகளின் பிரதான முகாமாகவும் நாட்டில் இடம்பெற்ற தாக்குதல்களின் பிரதான பயற்சி இடமாகவும் உள்ள பயிற்சி முகாம் ஒன்று இன்று விசேட அதிரடிப்படை மற்றும் காவற்துறையினரால் முற்றுகையிடப்பட்டதாக தகவல்கள் வெளியாகி உள்ளன. மட்டக்களப்பு காத்தான்குடி காவற்துறைப் பிரிவுக்குட்பட்ட மண்முனை, ஒல்லிக்குளம் பகுதியிலேயே இந்த முகாம் முற்றுகையிடப்பட்டது.

ஐ.எஸ் அமைப்பினை சேர்ந்தவர் என சந்தேகிக்கப்படும் அப்துல் ரவூப் என்பவர் கைதுசெய்யப்பட்டு மேற்கொள்ளப்பட்ட விசாரணைகளின் அடிப்படையில் இந்த முகாம் முற்றுகையிடப்பட்டதாக காத்தான்குடி காவற்துறையினர் தெரிவித்துள்ளனர்.

சாய்ந்தமருதில் தற்கொலை தாக்குதலில் பலியான தற்கொலைதாரியான ரில்வான் என்பவர் 2017 ஆம் ஆண்டு, இந்த முகாமிலேயே,  பயிற்சியின்போது குண்டுவெடித்து கைவிரல்களையும் கண் ஒன்றையும் இழந்ததாக ஆரம்பக்கட்ட விசாரணையின் கண்டறியப்பட்டுள்ளதாகவும், இங்கிருந்தே தற்கொலை தாக்குதலுக்கான பயிற்சிகள் மேற்கொள்ளப்பட்டிருக்கலாம் எனவும், குண்டுகள் இங்கிருந்தே அனுப்பி வைக்கப்பட்டிருக்கலாம் எனவும் பாதுகாப்பு தரப்பினர் சந்தேகம் வெளியிட்டுள்ளனர்.

அத்துடன் முகாமில் இருந்து குண்டுகளை அடைத்து கொண்டுசெல்ல பயன்படுத்துவதற்காக வைக்கப்பட்டிருந்த பிளாஸ்டிக் குழாய்களும் தயார் செய்யப்பட்ட நிலையில் மீட்கப்பட்டுள்ளன.

இதுபோன்ற குழாய்களே கடந்த 21 ஆம் திகதி கட்டுநாயக்க விமானத்தளத்திற்கு அருகில் குண்டுகளுடன் கண்டுபிடிக்கப்பட்டதாகவும் இங்கிருந்துதான் அங்கு கொண்டுசெல்லப்பட்டதா என்பது தொடர்பில் விசாரணைகள் முன்னெடுக்கப்படுவதாகவும் பாதுகாப்பு தரப்பினர் தெரிவித்தனர்.

இதேவேளை நூறு மீற்றர் தூரத்திற்குள் யாரும் நுழையும்போது அதனைக் கண்டுகொள்ளுவதற்கான பாதுகாப்பு ஏற்பாடுகள் செய்யப்பட்டுள்ளதுடன் முகாமில் இருந்து இலகுவில் இரகசியமான முறையில் வெளியேறிச்செல்லும் வகையிலும் அமைக்கப்பட்டிருந்ததை காணமுடிந்ததாகவும் காத்தான்குடி காவற்துறையினர் தெரிவித்தனர். சம்பவம் தொடர்பில் காத்தான்குடி காவற்துறையினர்  மற்றும் விசேட அதிரடிப்படையினர் விசாரணைகளை மேற்கொண்டு வருவதாக தெரிவிக்கப்பட்டள்ளது. #isis #eastersunday1ttacklk# #srilanka #Kattankudypolice

Spread the love

Add Comment

Click here to post a comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Share via
Copy link