Home இலங்கை பூச்சாடியிலிருந்து பயங்கரவாதத்தை வெளியில் எடுத்தது முஸ்லிம் அரசியல் தலைவர்களே

பூச்சாடியிலிருந்து பயங்கரவாதத்தை வெளியில் எடுத்தது முஸ்லிம் அரசியல் தலைவர்களே

by admin


பயங்கரவாத சூழலை அமைத்துக்கொடுத்தது முஸ்லிம் அரசியல்வாதிகளே என்றும்  தற்போது கிறிஸ்தவர்களை இலக்கு வைத்து ஆரம்பிக்கப்பட்டிருந்தாலும் இறுதியில்  இந்த பூதம் முஸ்லீம்களையும் அழித்துவிட்டே முடிவுக்கு வரும் என்பதை மறந்துவிட வேண்டாம் என்றும் மக்கள் விடுதலை முன்னணியின் தலைவர் அனுரகுமார திசாநாயக பாராளுமன்றில் தெரிவித்தார்.

அத்துடன் ரணில் விக்கிரமசிங்க தனது பிரதமர் நாற்காலியை தக்கவைக்கவும், அடுத்ததாக தான் ஜனாதிபதி ஆசனத்தில் அமர வேண்டும் என்ற கவிழும் உள்ளதுடன், ஜனாதிபதி மீண்டும் தான் ஜனாதிபதி ஆசனக்தில் அமர வேண்டும் என்ற ஆசையிலும் தேசிய பாதுகாப்பை கவனத்தில் கொள்ளாது அரசியல் காரணிகளை தேடவே புலனாய்வு துறை பயன்படுத்தப்பட்டதாகவும் அவர் கூறியுள்ளார்.

இந்த அரசியல் மோதலில் விளைவாகே கடந்த 21 ஆம் திகதி நாட்டில் பயங்கரவாதம் வெடித்ததாகவும் இது குறித்து பிரதமரும் ஜனாதிபதியும் இந்த சபையில் பொறுப்புக்கூறியாக வேண்டும் என்றும் இந்த காரணிகளை கைவிட்டு செல்ல முடியாது என்றும் அவர் குறிப்பிட்டார்.

அத்துடன் இந்த தாக்குதல் இரகசிய தாக்குதல் அல்ல. கடந்த காலங்களில் அளவுக்கு அதிகமாக இந்த தாக்குதல் குறித்து பேசப்பட்டு இயக்கமாக செயற்பட்டபோதே அதனை தடுக்க முடியாது நடக்கவிட்டு இந்த ஆட்சியாளர்கள் வேடிக்கை பார்த்ததாகவும் அவர் குற்றம் சுமத்தினார்.

அதேபோல் முஸ்லிம் அரசியல்வாதிகள் முஸ்லிம் மக்கள் குறித்து கவனிக்காது வியாபாரம் மட்டுமே செய்ததாகவும் முஸ்லிம் வாக்குகளை கொண்டு அரசியல் வியாபாரம் செய்ததாகவும் குற்றம் சுமத்திய அவர், ஒவ்வொரு முஸ்லிம் அமைச்சரும் மக்களுக்காக அரசியல் செய்யவில்லை என்றும் இவர்களுக்கு சலுகைகள்தான் முக்கியமாக உள்ளது என்றும் கூறினார்.

இந்த  பூதத்தை சாடியில் இருந்து வெளியில் எடுத்தது முஸ்லிம் அமைச்சர்களே, அமைச்சர்கள் நேரடியாக குண்டுத்தாக்குதலை செய்யாது போனாலும் கூட அதற்கான சூழலை அமைத்துக்கொடுத்தது முஸ்லிம் அரசியல்வாதிகளே என்றும் அநுரகுமார மேலும் கூறினார். #anurakumara #jvp #politicians

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More