இலங்கை பிரதான செய்திகள்

கொக்குவில் புகையிரத நிலைய அதிபர் மீது தாக்குதல் – ஒருவர் கைது


கொக்குவில் புகையிரத நிலைய அதிபர் (ஸ்ரேசன் மாஸ்டர்) மீது தாக்குதல் நடத்திய கும்பலைச் சேர்ந்த ஒருவர் கைது செய்யப்பட்டுள்ளார் என்று யாழ்ப்பாணம் காவல்துறையினர்; தெரிவித்தனர்.

கொக்குவில் புரைகயிரத நிலைய அதிபர், 8 பேர் கொண்ட கும்பல் ஒன்றால் தாக்கப்பட்டு தலையில் படுகாயமடைந்த நிலையில் யாழ்ப்பாணம் போதனா வைத்தியசாலையில் சிகிச்சை பெற்று வருகின்றார். இந்தச் சம்பவம் கடந்த 12ஆம் திகதி புதன்கிழமை மாலை இடம்பெற்றது.

கொக்குவில் சந்திக்கு அண்மையாக உள்ள முச்சக்கர வண்டித் திருத்தகத்தில் கொக்குவில் புகையிரத் நிலைய அதிபர் நின்றுள்ளார். அங்கு மோட்டார் சைக்கிள்களில் வந்த 8 பேர் கொண்ட கும்பல், அவரைத் தாக்கியது.

சம்பவம் தொடர்பில் விசாரணைகளை முன்னெடுத்த காவல்துறையினர்;, சந்தேகநபர்கள் தலைமறைவாகியுள்ளனர் என்று தெரிவித்தனர். இந்த நிலையில் யாழ்ப்பாணப் பிராந்திய மூத்த காவல்துறை அத்தியட்சகரின் கீழான காவல்துறைப்பிரிவு, சந்தேகநபர்களில் ஒருவரை நேற்றிரவு கைது செய்தது.

சுன்னாகம் காவல்துறையப் பிரிவிலுள்ள அவரது வீட்டில் வைத்து சந்தேகநபர் கைது செய்யப்பட்டார் என்று காவல்துறையினர் தெரிவித்தனர். விசாரணைகளின் பின்னர் அவர் யாழ்ப்பாணம் காவல் நிலையத்தில் ஒப்படைக்கப்பட்டுள்ளார். சந்தேகநபர், இன்று யாழ்ப்பாணம் நீதிவான் நீதிமன்றில் முற்படுத்தப்படுவார் என்று காவல்துறையினர்; மேலும் தெரிவித்தனர்.

#கொக்குவில்  #புகையிரத நிலைய அதிபர் #தாக்குதல்  #கைது

Spread the love

Add Comment

Click here to post a comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Share via
Copy link
Powered by Social Snap