உலகம் பிரதான செய்திகள்

பாகிஸ்தானில் வேகமாக பரவும் எய்ட்ஸ்

பாகிஸ்தானின் பஞ்சாப் மாகாணத்துக்கு உட்பட்ட ஷாகோட் நகரில் எய்ட்ஸ் வேகமாகப் பரவி வருவதாக தெரிவிக்கப்படும் நிலையில் கடந்த ஒரு வருட காலத்தில் மட்டும் எய்ட்ஸ் பாதிப்புக்கு உள்ளானவர்களின் எண்ணிக்கை 140 ஆக உயர்ந்திருப்பதாகவும் கூறப்படுகிறது.எய்ட்ஸ் நோயின் தாக்கம் குறித்து சட்ட அமலாக்கத்துறை பஞ்சாப் மாகாண அரசிடம் தாக்கல் செய்த அறிக்கையில் இந்த தகவல்கள் தெரிவிக்கப்பட்டு உள்ளன.

அந்த தகவல்களின் படி இந்த வருடத்தின் தொடக்கத்தில் இருந்து தற்போது வரை 85 பேருக்கு எய்ட்ஸ் பாதிப்பு இருப்பது உறுதி செய்யப்பட்டிருப்பதாக தெரிவிக்கப்பட்டுள்ளது

இதேவேளை கடந்த மே மாதம் சிந்து மாகாணத்தில் 600-க்கும் மேற்பட்டோர் எய்ட்ஸ் நோயால் பாதிக்கப்பட்டதும், அவர்களில் பெரும்பாலானோர் குழந்தைகள் என்பதும் குறிப்பிடத்தக்கது.

ஐ.நா.வின் புள்ளிவிவரங்களின் படி ஆசியாவிலேயே எய்ட்ஸ் நோய் வேகமாக பரவும் நாடுகளின் பட்டியலில் பாகிஸ்தான் 2 இடத்தில் இருப்பதும், கடந்த 2017-ல் மட்டும் அங்கு சுமார் 20 ஆயிரம் பேருக்கு எய்ட்ஸ் பாதிப்பு கண்டறியப்பட்டதும் நினைவுகூரத்தக்கது. #பாகிஸ்தான் #வேகமாக  #எய்ட்ஸ்

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.