Home இலங்கை ‘சஜித்தின் சமூக புரட்சி’ வெளியிடப்பட்டது…

‘சஜித்தின் சமூக புரட்சி’ வெளியிடப்பட்டது…

by admin


புதிய ஜனநாயக முன்னணியின் ஜனாதிபதி வேட்பாளர் சஜித் பிரேமதாசவின் தேர்தல் விஞ்ஞாபனம், அஸ்கிரி மற்றும் மல்வத்துபீட மகாநாயக்கர்களிடம் இன்று (31.10.19) கையளிக்கப்பட்டுள்ளது.

 ‘சஜித்தின் சமூக புரட்சி’ எனப் பெயரிடப்பட்ட தேர்தல் விஞ்ஞாபனம் மல்வத்து பீடத்தின் மகாநாயக்கர் திப்பட்டுவாவே ஶ்ரீ சுமங்கல தேரரிடம் முதலில்  கையளிக்கட்டுள்ளது.

இதனைத் தொடர்ந்து அஸ்கிரி பீடத்தின் மகாநாயக்கர் வரகாகொட ஞானரத்ன தேரருக்கும் தேர்தல் விஞ்ஞாபனம் கையளிக்கப்பட்டுள்ளது. கைச்சாத்திடப்பட்டுள்ள அனைத்து வௌிநாட்டு உடன்படிக்கைகளையும் மீள்திருத்தம் செய்வதாக சஜித் பிரேமதாச இதன்போது அஸ்கிரி பீட மகா நாயக்கரிடம் தெரிவித்துள்ளார்.

கடந்த காலங்களில் அமெரிக்காவுடன் கைச்சாத்திடப்பட்ட ACSA உடன்படிக்கையைத் தாம் ஏற்றுக் கொள்ளவில்லை எனவும் நாட்டிற்கு ஏற்புடைய உடன்படிக்கைகளை மாத்திரம் முன்னெடுத்துச் செல்ல தயாராகவுள்ளதாகவும் சஜித் பிரேமதாச, அஸ்கிரி பீட மகாநாயக்கரிடம் குறிப்பிட்டுள்ளார்.

புதிய ஜனநாயக முன்னணியின் ஜனாதிபதி வேட்பாளர் சஜித் பிரேமதாசவினால் வழங்கப்பட்டுள்ள வாக்குறுதிகளை தாம் நம்புவதாக அஸ்கிரி பீட மகாநாயக்கர் வரகாகொட ஞானரத்ன தேரர் அறிவித்துள்ளார்.

ஜனாதிபதி வேட்பாளர் சஜித் பிரேமதாசவின் தேர்தல் விஞ்ஞாபனத்தை வௌியிடும் நிகழ்வு இன்று முற்பகல் கண்டி குயின்ஸ் ஹோட்டலில் நடைபெற்று வருகின்றது.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More