Home இலங்கை கஞ்சா – வாளுடன் இளைஞன் கைது- பதிவு செய்யப்படாத மோட்டார் சைக்கிள் – கைத்தொலைபேசியும் மீட்பு

கஞ்சா – வாளுடன் இளைஞன் கைது- பதிவு செய்யப்படாத மோட்டார் சைக்கிள் – கைத்தொலைபேசியும் மீட்பு

by admin
 

கஞ்சா மற்றும் வாளினை ஊரடங்கு சட்டம் அமுலில் இருந்த வேளை பதிவு செய்யப்படாத மோட்டார் சைக்கிளில் கடத்தியவரை கல்முனை  காவல்துறையினர்கைது செய்துள்ளனர். அம்பாறை மாவட்டம் கல்முனை காவல்துறை பிரிவிற்குட்பட்ட மருதமுனை பகுதியில் அண்மைக்காலமாக மோட்டார் சைக்கிள் ஒன்றில் இளைஞர்கள் மற்றும் பாடசாலை மாணவர்களுக்கு கஞ்சா விற்பனை செய்யப்படுவதாக மாவட்ட புலனாய்வு பிரிவு உத்தியோகத்தர்களான சார்ஜன்ட் ஏ.எல்.எம் நவாஸ்(43404) காவல்துறை கொன்ஸ்டபிள் வை.டி. செலருக்கு(40313)  தகவல் கிடைத்துள்ளது.
இத்தகவலுக்கமைய கல்முனை தலைமையக  காவல் நிலைய பொறுப்பதிகாரி கே.எச்.சுஜீத் பிரியந்தவின் வழிநடத்தலுக்கமைய மேற்குறித்த உத்தியோகத்தர்களுடன் காவல்துறை சார்ஜன்ட் ஏ.எச் அப்துல் மஜித்(64270)கொஸ்தாபிள் ஏ.எல் ஹிதாயதுல்லா(76354) ஆகியோர் கார் ஒன்றில் மாறுவேடம் அணிந்து சம்பவ இடத்திற்கு சென்றனர்.
இதன் போது மாறுவேடத்தில் சென்ற காவல்துறை உத்தியோகத்தர்கள் கைத்தொலைபேசி ஊடாக சந்தேக நபரான செம்பகம் என அழைக்கப்டும் நபரை தொடர்பு கொண்டு கஞ்சாவினை வாங்க முயற்சிகளை மேற்கொண்டிருந்தனர்.
இதன் போது தொலைபேசியில் தொடர்பினை ஏற்ற சந்தேக நபர் கஞ்சா மற்றும் வாள் தம்முடன் எடுத்து  கொண்டு கறுப்பு நிற வர்ணமுடைய  வாகன இலக்கத்தகடு அற்ற பதிவு செய்யப்படாத  மோட்டார் சைக்கிளில் வருகை தந்துள்ளார்.
உடனடியாக செயற்பட்ட காவல்துறைகுழு சந்தேக நபரை  மடக்கி பிடித்ததுடன் 300 கிராம் நிறையுடையதும் பாடசாலை புத்தகத்தில் சுற்றிய நிலையில்  75  கஞ்சா பக்கேற்றுக்கள்  குற்றச்செயலுக்கு பயன்படுத்தப்பட்டதாக நம்பப்படும் 2 அடி வாள் கைத்தொலைபேசி மற்றும் டியோ ரக கறுப்பு நிற  மோட்டார் சைக்கிள் ஒன்றினை மீட்டுள்ளனர்.
அத்துடன் இவ்வாறு கைதான சந்தேக நபர் மருதமுனை அல்மனார் வீதியை சேர்ந்த 27 வயதுடைய சந்தேக நபர் எனவும் வெள்ளிக்கிழமை(5) கல்முனை நீதிவான் நீதிமன்றில் முன்னிலைப்படுத்த நடவடிக்கை மேற்கொளண்டுள்ளதாக கல்முனை காவல்துறையினர் தெரவித்தனர். #கஞ்சா  #இளைஞன் #கைது  #மோட்டார்சைக்கிள்  #கைத்தொலைபேசி
 

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More