இந்தியா பிரதான செய்திகள்

30 இந்திய நகரங்களில் அடுத்த 30 ஆண்டுகளில் கடும் தண்ணீர் பற்றாக்குறை ஏற்படும்

இந்தியாவின் 30 நகரங்களில் அடுத்த 30 ஆண்டுகளில் கடும் தண்ணீர் பற்றாக்குறை ஏற்படும் அபாயம் உள்ளதாக ‘இயற்கைக்கான உலகளாவிய நிதியம்’ என்னும் சர்வதேச அமைப்புஎச்சரித்துள்ளது.

தண்ணீர் பற்றாக்குறையால் ஏற்கனவே உலகின் பல நகரங்கள் பாதிக்கப்பட்டுள்ள நிலையில் இந்த அமைப்பு நடத்திய ஆய்வின் முடிவு வெளியாகியுள்ளது.

எதிா்வரும் 2050-ம் ஆண்டில் உலகின் 100 பெரு நகரங்களில் கடும் தண்ணீர் பற்றாக்குறை ஏற்படும் அபாயம் உள்ளது எனவும் அதில் 30 நகரங்கள் இந்தியாவில் உள்ளன எனவும் ஆய்வில் தொிவிக்கப்பட்டுள்ளது.

இந்திய நகரங்களில் ஜெய்ப்பூர் முதலிடத்தில் உள்ளதுதடன் தானே, மும்பை, கொல்கத்தா, டெல்லி உள்ளிட்ட நகரங்கள் காணப்படுகின்றன.

உலக நகரங்களில் பெய்ஜிங், ஜகார்த்தா, ஜோகன்னஸ்பர்க், இஸ்தான்புல், ஹொங்கொங், மெக்கா, ரியோடி ஜெனிரோ உள்ளிட்டவையும் சீனாவின் சுமாா் பாதி நகரங்களும் இந்தப் பட்டியலில் உள்ளதாக தொிவிக்கப்பட்டுள்ளது.

2050-ல் கடும் தண்ணீர் பற்றாக்குறை ஏற்படும் என எதிர்பார்க்கப்படும் 100 நகரங்களில் தற்போது 35 கோடி மக்கள் வசித்து வருகின்றனர். தேசிய மற்றும் சர்வதேச அளவில் பொருளாதார ரீதியில் முக்கிய நகரங்களாக இவை உள்ளன. உலகில் தற்போது கடும் தண்ணீர் பற்றாக்குறை உள்ள பகுதிகளில் வசிக்கும் 17 சதவீதமானது 2050-ல் 1 சதவீதமாக உயர வாய்ப்புள்ளது என குறித்த ஆய்வில் கூறப்பட்டுள்ளது.

இந்தியாவின் சுற்றுச்சூழல் எதிர்காலம் அதன் நகரங்களை சார்ந்துள்ளது. இந்தியா விரைவாக நகரமய மாக்கப்பட்டு வருவதால் அதன்வளர்ச்சியில் நகரங்கள் முன்னணியில் இருக்கும். நகர்ப்புற நீராதாரங்களை புனரமைப்பது, நீர்பிடிப்பு பகுதிகளை மீட்டெடுப் பது போன்ற இயற்கை சார்ந்த தீர்வுகள் இந்தியாவுக்கு நன்மை களை வழங்கக் கூடும் என இந்த நிதியத்தின் இந்திய கிளைக்கான திட்ட இயக்குநர் செஜல் வோரா தொிவித்துள்ளாா். #இந்தியா #அபாயம் #இயற்கைக்கானஉலகளாவியநிதியம் #தண்ணீர்பற்றாக்குறை

Spread the love
  •   
  •   
  •   
  •   
  •  
  •  
  •  
  •  

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.