பெருந்தோட்ட தொழிலாளர்களுக்கான ஆயிரம் ரூபாய் சம்பள உயர்வு விடயத்தில், இந்த அரசாங்கம் தொழிலாளர்களை ஏமாற்றக் கூடாது என வலியுறுத்தி, ஜே.வி.பியின் தொழிற்சங்கமான அகில இலங்கை தோட்ட தொழிலாளர் சங்கம் ஹற்றன் நகரில் இன்று (06.12.20) காலை கவனயீர்ப்பு போராட்டம் ஒன்றை முன்னெடுத்தது.
இதன் போது, “ஏமாற்ற வேண்டாம்”, “வரவு செலவு திட்டத்தில் தொழிலாளர்களின் ஆயிரம் ரூபாய் சம்பளத்தை உள்வாங்கு”, “அத்தியவசிய பொருட்களின் விலை ஏற்றம்” போன்ற பல்வேறு வசனங்கள் எழுதிய சுலோகங்களை ஏந்தியவாறு, ஹற்றன் நகர மணிக்கூட்டு கோபுரத்திற்கு அருகில் போட்டம் மேற்கொள்ளப்பட்டது.
அகில இலங்கை தோட்ட தொழிலாளர் சங்க தலைவர் கிட்ணன் செல்வராஜ் தலைமையில் இடம்பெற்ற இந்த ஆர்ப்பாட்டத்தை, நுவரெலியா மாவட்ட ஆசிரியர் சங்க செயலாளர் மஞ்சுள சுரவீர முன்னெடுத்தார்.
கொரோனா வைரஸ் சுகாதார நடைமுறைகளை பின்பற்றி இடைவெளிகளை ஏற்படுத்தி 15 உறுப்பினர்களுடன் போராட்டம் முன்னெடுக்கப்பட்டமை குறிப்பிடதக்கது.
#JVP #பெருந்தோட்டதொழிலாளர்கள் #கவனயீர்ப்புபோராட்டம் #ஹற்றன்
Add Comment