Home உலகம் இஸ்ரேலின் புதிய பிரதமராக நப்தாலி-பென்னட் பதவியேற்பு

இஸ்ரேலின் புதிய பிரதமராக நப்தாலி-பென்னட் பதவியேற்பு

by admin

இஸ்ரேலில் பெஞ்சமின் நேதன்யாகுவின் 12 ஆண்டு கால ஆட்சி முடிவுக்கு வந்துள்ள நிலையில் புதிய பிரதமராக நப்தாலி-பென்னட் நேற்றையதினம் பதவியேற்றுள்ளாா். இஸ்ரேல் நாட்டில் 2009, மார்ச் 31-ம் திகதியிலிருந்து பெஞ்சமின்-நேதன்யாகு பிரதமராக இருந்து வந்தார். அங்கு 2 ஆண்டுகளாக 4 முறை நாடாளுமன்ற தேர்தல் நடந்தும் எந்தக்கட்சிக்கும் பெரும்பான்மை பலம் கிடைக்கவில்லை.

இந்தநிலையில் கடந்த மார்ச் மாதம் 23-ம் திகதி நடைபெற்ற தேர்தலில், மொத்தம் உள்ள 120 இடங்களில் பெஞ்சமின்-நேதன்யாகு கட்சி 30 இடங்களைப் பிடித்தது. தனிப்பெரும் கட்சியாக வந்தபோதும் அவரால் கூட்டணி அரசு அமைக்க முடியவில்லை.

இதற்கிடையே, அங்கு 8 எதிர்க்கட்சிகள் ஒன்றாய் இணைந்து ஆட்சி அமைக்க உடன்பாடு ஏற்பட்டதுடன் . சுழற்சி முறையில் பிரதமர் பதவி வரும் எனவும் முதலில் யமினா கட்சியின் தலைவரான நப்தாலி-பென்னட்(49), பிரதமர் பதவி ஏற்பார் எனவும் தெரிவிக்கப்பட்டது.

இந்நிலையில், இஸ்ரேல் நாடாளுமன்றத்தில் நடந்த வாக்கெடுப்பில் யமினா கட்சி தலைவர் நப்தாலி பென்னட் வெற்றி பெற்றதையடுத்து, இஸ்ரேலின் புதிய பிரதமராக நப்தாலி-பென்னட் நேற்று பதவி ஏற்றுக் கொண்டார். அவரது அமைச்சரவையில் 9 பெண்களும் உள்ளடங்கலாக 27 பேர் உள்ளனர்.

இஸ்ரேலில் நப்தாலி-பென்னட் தலைமையில் புதிய அரசு பதவி ஏற்றுள்ளதால், பெஞ்சமின் நேதன்யாகுவின் 12 ஆண்டு கால ஆட்சி முடிவுக்கு வந்துள்ளது.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More