Home இலங்கை இலுப்பைக் கடவை பகுதியில் காடுகள் அழிக்கப்பட்டு காணிகள் அபகரிப்பு

இலுப்பைக் கடவை பகுதியில் காடுகள் அழிக்கப்பட்டு காணிகள் அபகரிப்பு

by admin


மன்னார் மாந்தை மேற்கு பிரதேச செயலக பிரிவில் உள்ள பறங்கிக்கமம் பகுதியை அண்டிய பகுதியில் சட்ட விரோதமாக காடுகள் அழிக்கப்பட்டு பல ஏக்கர் காணிகள் தனி நபர்களாலும் வெளிநாட்டைச் சேர்ந்தவர்களாலும் அபகரிக்கப்படுவதாக பறங்கிக் கமத்தை சேர்ந்த மக்கள் குற்றம் சுமத்தியுள்ளனர்.


 யுத்தம் காரணமாக பல முறை இடப்பெயர்வுகளை சந்தித்த தங்களுக்கு அரசாங்கத்தினால் விவசாயம் செய்வதற்கு என இரு ஏக்கர் விவசாய காணிகள் வழங்குவதாக தெரிவிக்கப்பட்டு அதற்கு தாங்கள் விண்ணப்பித்ததாகவும் ,விண்ணப்பித்த தங்களுக்கு  வரவில்லை எனவும் தங்கள் பிள்ளைகளுக்கு வந்துள்ளதாகவும் ஆனால் பிள்ளைகளுக்கு வயல் செய்யவோ தோட்டம் செய்யவோ இது வரை காணி வழங்கப்படவில்லை எனவும் பறங்கி கமத்தை சேர்ந்த மக்கள் விசனம் தெரிவிக்கின்றனர்.


இது ஒரு புறம் இருக்க வயல் செய்ய காணி வழங்கா விட்டாலும் வாழ்வதற்கே தற்போது காணி இல்லாத நிலை ஏற்பட்டுள்ளதாக பறங்கி கமம் மக்கள் தெரிவிக்கின்றனர். மேலும் தங்கள் சொந்த பகுதியில் இல்லாமல் வெளிநாட்டில் இருந்து வந்தவர்களுக்கு எமது பகுதிக்கு அருகில் உள்ள காணிகளை வழங்குவதாகவும் இதனால் தங்கள் பிள்ளைகள் திருமணம் செய்து பிள்ளைகள் இருந்தும் அவர்களுக்கு ஒரு காணியை பெற முடியாத நிலை காணப்படுவதாகவும் தெரிவிக்கின்றனர்.


அதே நேரம் இலுப்பைக் கடவை மற்றும் கள்ளியடி பகுதியில் சட்ட விரோதமாக பல ஏக்கர் காணிகள் அடாத்தாக பிடிக்கப்பட்டு காடுகள் அழிக்கப்பட்டு வருவதாகவும் ஆதாரங்களுடன் மக்கள் குற்றம்   சுமத்துகின்றனர்.  எனவே விரைவில் உரிய அதிகாரிகள் நிறுவனங்கள் தலையிட்டு காணி தொடர்பான பிரச்சினைகளை தீர்த்து தருமாறு கோரிக்கை விடுத்துள்ளனர்.

குறித்த காடழிப்பு மற்றும் காணி அபகரிப்பு தொடர்பாக மாந்தை மேற்கு பிரதேச செயலாளர் எஸ்.கேதீஸ்வரனிடம் வினவிய போது,,
குறித்த காடுகள் அழிக்கப்படும் விடயம் தொடர்பாக வன வள திணைக்களமே கவனம் செலுத்த வேண்டும். தாங்கள் கணிகளுக்கோ காடழிப்புக்கோ எந்த அனுமதியும் வழங்கவில்லை.
காடுகள் அழிக்கப்படும் இடங்களில் நபர்களை எச்சரித்தும் , எச்சரிக்கை பதாதைகளை அழிக்கப்படும் இடங்களில் பிரதேச செயலகம்  காட்சிப்படுத்தி உள்ளதாகவும் அவர் தெரிவித்தார்.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More