Home உலகம் ஜேர்மனியில் பவறியா புகையிரதத்தில் கத்தி வெட்டு -மூவர் படுகாயம்!

ஜேர்மனியில் பவறியா புகையிரதத்தில் கத்தி வெட்டு -மூவர் படுகாயம்!

by admin

ஐரோப்பிய நாடுகளில் கத்திவெட்டுத்தாக்குதல்கள் வழமையான நிகழ்வுகள்ஆகிவிட்டன. ஜேர்மனியின் பவறியா (Bavaria) மாநிலத்தில் கடுகதி புகையிரதம் ஒன்றில் சிரிய நாட்டு அகதி ஒருவர் கத்தியால் தாக்கியதில் பயணிகள் மூவர் படுகாயமடைந்தனர்.

நாட்டின் தெற்குப் பகுதி நகரங்களாகிய Regensburg – Nuremberg இரண்டுக்கும் இடையே அதிவேக புகையிரதம் ஒன்றில் இன்று காலை 09.00 மணியளவில் இச் சம்பவம்இடம்பெற்றது.

“பில்ட்” செய்தி நிறுவனத்தின் தகவலின் படி 26,39,60 வயதுகளையுடைய மூன்று ஆண் பயணிகளே படுகாயமடைந்துள்ளனர். கத்தியால் பயணிகளைத் தாக்கியவர் கைது செய்யப்பட்டு விசாரிக்கப்படுகிறார்.

27 வயதான அந்த சிரிய நாட்டு அகதி மனநலம் பாதிக்கப்பட்டவர் எனத் தகவல் வெளியாகி உள்ளது. தாக்குதல் நடந்தபுகையிரதத்தில் (ICE) 300 பேர்பயணம் செய்துகொண்டிருந்தனர்.அவர்கள் அனைவரும் வெளியேற்றப்பட்டுப் பொது இடம் ஒன்றில் தங்கவைக்கப்பட்டனர்.

அதே மார்க்கத்தில் மற்றொரு புகையிரதத்தில் பவறியா காவல்துறையின் விசேட படைப்பிரிவினர் பயணம் செய்துகொண்டிருந்தனர். அதனால் அவர்கள் தாக்குதல் நடந்த புகையிரதத்தில் உடனடியாக மீட்பு நடவடிக்கைகளில் ஈடுபட முடிந்தது என்று “பில்ட்”செய்தி ஒன்று தெரிவித்தது.

Regensburg – Nuremberg புகையிரத மார்க்கத்தில் சேவைகள் நிறுத்தப்பட்டுள்ளன என்று ஜேர்மனியின் புகையிரத நிறுவனமாகிய டொச்ச பான் (Deutsche Bahn)தெரிவித்துள்ளது. தாக்குதலாளி 2014 இல் ஜேர்மனிக்கு வந்து புகலிடம் பெற்றவர். தாக்குதலுக்கு பின்னணியில் பயங்கரவாதச் செயல்இருப்பதற்கு வாய்ப்பில்லை என்று விசாரணையாளர்கள் தெரிவித்துள்ளனர்.

கடந்த வாரம் பாரிஸ் நகரில் புகையிரத நிலையம் ஒன்றில் (Gare Saint-Lazare)போக்குவரத்துப் காவல்துறையினரைக் கத்தியால் மிரட்டிய நபர் ஒருவர் சுடப்பட்டார். மாஸ்க் பரிசோதனைக்காக அந்த நபரை காவல்துறையினா் விசாரிக்க முற்பட்ட போதுஅவர் “அல்லாஹூ அக்பர்” எனக் கத்தியவாறு கத்தி ஒன்றை எடுத்துப் காவல்துறையினரைத் தாக்க முற்பட்டார் என்று கூறப்படுகிறது.

“பிரான்ஸை இஸ்லாமிய தேசமே ஆழ்கின்றது” என்றும் அவர் கூக்குரலிட்டார் என்று செய்திகள் வெளியாகி இருந்தன. துப்பாக்கிச் சூட்டில் படுகாயமடைந்த அவர் மருத்துவமனையில் சேர்க்கப்பட்டார்.——————————————————————-

குமாரதாஸன். பாரிஸ்.06-11-2021

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More