இலங்கை முஸ்லீம்கள்

முஸ்லிம்களுக்கு தனியான மாகாணமொன்று அவசியம் – முஸ்லிம் காங்கிரஸ்:

குளோபல் தமிழ்ச்செய்தியாளர் கொழும்பு:-

முஸ்லிம்களுக்கு தனியான மாகாணமொன்று அவசியம் - முஸ்லிம் காங்கிரஸ்:

முஸ்லிம் மக்களுக்கு தனியான ஓர் மாகாணமொன்று அவசியமானது என ஸ்ரீலங்கா முஸ்லிம் காங்கிரஸ் வலியுறுத்தியுள்ளது.

அரசியல் சாசனப் பேரவையில் இது குறித்து வலியுறுத்தப்படும் என கட்சியின் பொதுச் செயலாளர் ஹசன் அலி தெரிவித்துள்ளார்.

முஸ்லிம்களுக்கு தனியான நிர்வாக அலகு ஒன்று அவசியமாகின்றது என்ற நிலைப்பாட்டை கட்சி தொடர்ச்சியாக முன்னெடுத்து வருவதாகத் தெரிவித்துள்ளார்.

அண்மையில் அம்பாறையில் முஸ்லிம் சிவில் சமூகத்துடன் நடைபெற்ற சந்திப்பின் போது, முஸ்லிம்களின் பிரச்சினைகள் குறித்து பேசப்பட்டுள்ளது.

இலங்கை வாழ் முஸ்லிம்களின் அடையாளங்களை உறுதி செய்து கொள்ள அனைத்து தரப்பினரும் இணைந்து செயற்படுவது மகிழ்ச்சி அளிப்பதாகத் தெரிவித்துள்ளார்.

திருகோணமலை, அம்பாறை மற்றும் மட்டக்களப்பு ஆகிய மாவட்டங்களில் முஸ்லிம் பெரும்பான்மையுடைய பகுதிகளை உள்ளடக்கி இந்த நிர்வாக அலகு உருவாக்கப்பட வேண்டுமென அவர் வலியுறுத்தியுள்ளார்.

சுதந்திரத்தின் பின்னரான கிழக்கு மாகாணமல்ல தற்போது காணப்படுகின்றது, சனத்தொகை பரம்பல் மற்றும் பூவியியல் ரீதியான காரணிகள் ஆகியன மாற்றமடைந்துள்ளதாகத் தெரிவித்துள்ளார்.

இந்த அனைத்து காரணிகளையும் கருத்திற்கொண்டு புதிய அரசியல் சாசனம் அமைக்கப்பட வேண்டுமென அவர் வலியுறுத்தியுள்ளார்.

Add Comment

Click here to post a comment

Your email address will not be published. Required fields are marked *