இலங்கை பிரதான செய்திகள்

பலாலி விமான நிலையத்தைச் சூழ்ந்துள்ள பகுதியை விடுவிப்பது குறித்த பேச்சுவார்த்தை வெற்றியளிக்கவில்லை – எம்.ஏ.சுமந்திரன்

பலாலி விமான நிலையத்தைச் சூழ்ந்து காணப்படும் 4 ஆயிரம் ஏக்கர் பகுதியை விடுவிப்பது தொடர்பாக இன்று இடம்பெற்ற  பேச்சுவார்த்தை வெற்றியளிக்கவில்லையென  தமிழ்த் தேசியக் கூட்டமைப்பின் நாடாளுமன்ற உறுப்பினர் எம்.ஏ.சுமந்திரன் தெரிவித்துள்ளார்.

யாழ். மாவட்டத்தில் முப்படைகளின் கட்டுப்பாட்டில் உள்ள பொது மக்கள் மற்றும் திணைக்களங்களுக்குச் சொந்தமான காணிகளை விடுவித்தல் தொடர்பிலான கலந்துரையாடல், இன்று  யாழ். மாவட்ட செயலகத்தில் நடைபெற்றது.  கூட்டத்தின் பின்னர்  ஊடகவியலாளர்களுக்கு கருத்து தெரிவிக்கும் போதே அவர் இவ்வாறு தெரிவித்தார்.

பலாலி விமான நிலையத்தை விஸ்தரிப்பதனால் அவற்றை விடுவிக்க முடியாத சூழ்நிலை காணப்படுகிறது எனவும்  விமான நிலையம் விஸ்தரிக்கப்படுமானால்  தனியார் காணிகளைச் சுவீகரிக்க கூடிய சூழல் உள்ளது எனவும் எவ்வளவு காணிகள் சுவீகரிக்கப்படும் என்பது தொடர்பில் உயர் மட்டத்துடன் கலந்துரையாடி முடிவுகள் மேற்கொள்ளப்படும் எனவும் அவர் தெரிவித்துள்ளார்.

இது குறித்த  தரவுகள் தற்போது  விவரங்கள் தற்போதும் தமக்குக் கிடைத்துள்ளதாகவும் அதனை வைத்துக்கொண்டு மக்களுடனும் கலந்தாலோசித்து மேற்கொள்ளவேண்டிய மாற்று நடவடிக்கைகள் தொடர்பில் ஆராய்து  அதன்படி படைத்தரப்பினருடன் பேச்சுவார்த்தை நடத்துவோம் எனவும் தெரிவித்துள்ளார்.

Add Comment

Click here to post a comment

Your email address will not be published. Required fields are marked *