இலங்கை பிரதான செய்திகள்

ஜகத் ஜயசூரிய யுத்தக் குற்றச் செயல்களில் ஈடுபட்டமைக்கு ஆதாரம் உண்டு


குளோபல் தமிழ்ச் செய்தியாளர்

முன்னாள் இராணுவத் தளபதி ஜகத் ஜயசூரிய யுத்தக் குற்றச் செயல்களில் ஈடுபட்டமைக்கு ஆதாரம் உண்டு என முன்னாள் இராணுவத் தளபதி பீல்ட் மார்சல் சரத் பொன்சேகா தெரிவித்துள்ளார்.

யுத்தம் இடம்பெற்ற காலத்தில், ஜகத் ஜயசூரிய வவுனியா பகுதியில் யுத்தக் குற்றச் செயல்களில் ஈடுபட்டார் எனவும் அதன் பின்னர் இராணுவத் தளபதியாக கடமையாற்றிய காலத்திலும் குற்றச் செயல்களில் ஈடுபட்டா எனவும் சரத் பொன்சேகா தெரிவித்துள்ளார்.

யுத்தம் இடம்பெற்ற போது யுத்த கள நடவடிக்கைகளை ஜகத் ஜயசூரிய கட்டுப்படுத்தவில்லை என்ற போதிலும் யுத்தக் குற்றச் செயல்களில் ஈடுபட்டார் என அவர் குறிப்பிட்டுள்ளார். குறிப்பாக யுத்தம் இடம்பெற்ற போது சரணடைந்தவர்கள் தொடர்பில் ஜகத் ஜயசூரியவே பொறுப்பு சொல்ல வேண்டுமென அவர் தெரிவித்துள்ளார்.

ஜகத் ஜயசூரிய யுத்தக் குற்றச் செயல்களில் ஈடுபட்டமைக்கான ஆதாரங்கள் உண்டு என அவர் சுட்டிக்காட்டியுள்ளார். ஜகத் ஜயசூரியவிற்கு முன்னாள் பாதுகாப்புச் செயலாளர் கோதபாய ராஜபக்ச ஆதரவளித்து வந்தார் என சரத் பொன்சேகா தெரிவித்துள்ளார்.

Add Comment

Click here to post a comment

Your email address will not be published. Required fields are marked *