உலக சுகாதார நிறுவனம் தனது உதவிப் பணியாளர்கள் மீதான பாலியல் முறைப்பாடுகள் குறித்து விசாரிப்பதாக உறுதியளித்துள்ளது.

கொங்கோ ஜனநாயக குடியரசில் இபோலா வைரஸ் பரவிய சமயத்தில் அங்கு பணியாற்றிய உலக சுகாதார நிறுவனத்தின் ஊழியர்கள் அந்நாட்டு பெண்களை பாலியல் ரீதியாக பயன்படுத்தி உள்ளனர் என முறைப்பாடு செய்யப்பட்டுள்ளது.

இரண்டு செய்தி நிறுவனங்கள் இது தொடர்பாக நடத்திய விசாரணையில் உலக சுகாதார நிறுவனத்தின் ஊழியர்கள் மீது 50 பெண்கள் குற்றம் சுமத்தி உள்ளனர்.

பெண்களுக்கு மதுபானம் கொடுத்து மருத்துவமனையில் வைத்து பாலியல் வல்லுறவு செய்யப்பட்டு உள்ளனர் எனவும் இதன் காரணமாக இரண்டு பெண்கள் கர்ப்பமாகி உள்ளனர் எனவும் அந்த விசாரணைகளில் தொிவிக்கப்பட்டுள்ளது.

2018ஆம் ஆண்டு மார்ச் முதல் இந்தாண்டு வரை இந்தப் பாலியல் சுரண்டல்கள் நடந்ததாக அவர்கள் குற்றம்சுமத்தியுள்ளனா்.

நியூ ஹுமானிடேரியன் செய்தி நிறுவனம் மற்றும் தாம்ப்சன் ரொய்ட்டர்ஸ் ஃபவுண்டேஷன் ஆகியவை இது தொடர்பாக கடந்த ஓராண்டாக விசாரித்து வருகின்றன.

இந்தநிலையில் இது தொடர்பாக உறுதியான விசாரணை நடைபெறும் என உலக சுகாதார நிறுவனம் தொிவித்துள்ளது. #உலகசுகாதாரநிறுவனம் #WHO #Congo #பாலியல்முறைப்பாடுகள் #கொங்கோ #இபோலா

முன்னாள் சோவியத் நாடுகளான ஆர்மேனியா – அசர்பைஜான் படைகளுக்கிடையில் இடம்பெறும் மோதலில் பொதுமக்கள் உட்பட சுமார் 100 பேர் வரை உயிரிழந்துள்ளதாக தொிவிக்கப்படும் நிலையில் இருநாடுகளிலும் சில பகுதிகளில் ராணுவச் சட்டம் அமுலுக்கு வந்துள்ளது.

குடியரசாக சுயபிரகடனம் செய்து கொண்டுள்ள நாகோர்னோ - காராபாக் எனும் மலைப்பகுதி ஒன்றைக் கட்டுப்படுத்துவது தொடர்பாக பல ஆண்டுகளாக இரு நாடுகளுக்கும் இடையே நிலவி வரும் மோதல், இந்த போரைத் தூண்டியுள்ளது,

இரு நாட்டு ராணுவத்திற்கும் இடையே கடந்த ஞாயிற்றுக்கிழமையிலிருந்து இடம்பெற்ற சண்டையில் 84 ராணுவத்தினா் உட்பட சுமார் 100 பேர் வரை உயிரிழந்துள்ளதாக தொிவிக்கப்பட்டுள்ளது

தமது தரப்பு இராணுவத்தினரின் உயிரிழப்புகள் தொடர்பில் கருத்து எதனையும் தொிவிக்காத அசர்பைஜான் தமது நாட்டில் பொதுமக்கள் 7 பேர் உயிரிழந்துள்ளதாக ஏற்கனவே அறிவித்திருந்தது.

கிழக்கு ஆர்மேனிய நகரான வாடெனிஸ் பகுதியில் அசர்பைஜான் ராணுவத்தினா் பயணிகள் பேருந்து ஒன்றின் மீது ட்ரோன் தாக்குதல் நடத்தியுள்ளதாகவும் இதில் உயிாிழப்புகள் எதுவும் ஏற்படவில்லை எனவும் ஆர்மேனிய பாதுகாப்பு அமைச்சு தெரிவித்துள்ளது.

அஜர்பைஜான் மற்றும் அர்மீனியா ஆகிய இருநாடுகளும், ஒருங்கிணைந்த சோவித் ஒன்றியத்தின் பகுதிகளாகக் கடந்த காலங்களில் இருந்து வந்த நிலையில் 1991-ம் ஆண்டு சோவியத் ஒன்றிய கூட்டமைப்பு கலைக்கப்பட்டதன் பின்னா் அவை தனித்தனி நாடுகளாக உருவாகின.

இதில் அர்மீனியாவில் கிறிஸ்துவ மதத்தினரும், எண்ணெய் வளம் மிகுந்த அஜர்பைஜானில் இஸ்லாமிய மதத்தினரும் பெரும்பான்மையாக உள்ளனா்.

இரு நாடுகளையும் பிரிக்கும் எல்லையில் அமைந்துள்ள நகோர்னோ-கராபக் என்ற மலைப்பாங்கான பிராந்தியத்தில், 1988ம் ஆண்டு முதல் நடைபெற்று வருகின்ற மோதல் 1994ஆம் ஆண்டு முடிவுக்கு வந்தது. இந்த போரில் 30,000 மக்கள் பலியாகியதுடன் மில்லியன் கணக்கான மக்கள் வீடுகளை இழந்தனர்.

போரின் முடிவில் நாகோர்னோ - காராபாக் பகுதிகள் அஜர்பைஜானின் ஒரு பகுதியாக அங்கீகரிக்கப்பட்ட போதும் அர்மீனிய இனத்தவர்களால் அது கட்டுப்படுத்தப்படுகிறது .

இரு நாடுகளுக்கு இடையேயான போர் பல நாடுகளுக்கும் பரவும் என அச்சம் ஏற்பட்டுள்ளது. குறிப்பாக அண்டை நாடுகளான துருக்கி, ரஸ்யா மற்றும் ஈரான் ஆகிய நாடுகள் இந்த பிரச்சினையில் தலையிடலாம் என்ற அச்சம் ஏற்பட்டுள்ளது

இந்தநிலையில் ஐ.நா செயலாளர் அன்ரனியோ குட்ரோஸ் இ து குறித்து கவலை வெளியிட்டு நிலையில் பல்வேறு நாடுகளும் இருதரப்பும் சண்டையை நிறுத்த வேண்டும் என வலியுறுத்தியுள்ளன என்பது குறிப்பிடத்தக்கது #ஆர்மேனியா #அசர்பைஜான் #மோதல் #உயிரிழப்பு #ராணுவச்சட்டம் #சோவியத் #நாகோர்னோ

நட்சத்திர விடுதி ஒன்று தொடர்பில் எதிர்மாறான கருத்துகளை பதிவிட்ட அமெரிக்க பிரஜை ஒருவருக்கு தாய்லாந்தில் 2 வருட கால சிறைத்தண்டனை விதிக்கப்பட்டுள்ளது.

தாம் தங்கியிருந்த நட்சத்திர விடுதி தொடர்பிலேயே குறித்த நபர் மாறான கருத்துகளை பதிவிட்டிருந்தார்.

இதனையடுத்து, தாய்லாந்தில் நடைமுறையிலுள்ள கடுமையான அவதூறுகளுக்கு எதிரான சட்டங்களின் கீழ் அந்த நட்சத்திர விடுதி நிர்வாகத்தால் குறித்த நபருக்கு எதிராக வழக்கு தாக்கல் செய்யப்பட்டுள்ளது.

இதனையடுத்தே Wesley Barnes என்ற குறித்த அமெரிக்க பிரஜைக்கு 2 ஆண்டுகள் சிறைத்தண்டனை விதிக்கப்பட்டுள்ளது.

குறித்த நபர் தாய்லாந்தில் பணியாற்றி வருபவர் என்பதுடன், தாம் தங்கியிருந்த நட்சத்திர விடுதி தொடர்பில் பல்வேறு தளங்களில் வெவ்வேறான கருத்துகளை பதிவிட்டிருந்தார்.

குறித்த நட்சத்திர விடுதியை நவீன யுகத்தின் அடிமைத்தளம் எனவும் அவர் பதிவிட்டிருந்தமை குறிப்பிடத்தக்கது.

சீனாவில் நிலக்கரி சுரங்கத்தில் விசவாயு தாக்கியதில் 16 தொழிலாளர்கள் உயிரிழந்துள்ளனர். கனிம வளங்கள் நிறைந்த சீனாவில் அதிகளவான நிலக்கரி மற்றும் தங்க சுரங்கங்கள் செயல்பட்டு வருகின்றன. இவற்றில் பல சுரங்கங்கள் அனுமதி இல்லாமலும் பாதுகாப்பு அம்சங்கள் ஏதுமில்லாது ஆபத்தான சூழலிலும் இயங்குகின்றன.

இதனால் அங்கு அடிக்கடி சுரங்க விபத்துகள் ஏற்படுவதுடன் ஆண்டுதோறும் 100-க்கும் மேற்பட்ட சுரங்கத் தொழிலாளர்கள் பலியாகி வருகின்றனர்.

உலகிலேயே சீனாவில் தான் மிகவும் மோசமான மற்றும் அதிக அளவிலான சுரங்க விபத்துகள் ஏற்படுவதாக புள்ளிவிவரத் தகவல்கள் தெரிவிக்கின்றன.

இந்தநிலையில் சீனாவின் தென்மேற்குப் பகுதியில் உள்ள குய்சோ மாகாணம் கிஜியாங் மாவட்டத்தில் உள்ள தனியார் நிலக்கரி சுரங்கத்தில் நேற்று காலை 30-க்கும் மேற்பட்ட தொழிலாளர்கள் நிலக்கரியை வெட்டி எடுக்கும் பணியில் ஈடுபட்டுக் கொண்டிருந்தபோது சுரங்கத்துக்குள் கார்பன் மோனாக்சைடு வாயு அளவுக்கு அதிகமாக வெளியேறியது.

இதனை சுவாசித்த சுரங்கத் தொழிலாளர்கள் கடும் மூச்சுத் திணறலுக்கு உள்ளாகினா்.

இதனையடுத்து சம்பவ இடத்துக்கு சென்ற மீட்பு குழுவினர் மீட்புப் பணியில் ஈடுபட்ட போதிலும் விசவாயு தாக்கி 16 தொழிலாளர்கள் சம்பவ இடத்திலேயே உயிரிழந்துள்ளனர். . அதே சமயம் 10-க்கும் மேற்பட்ட தொழிலாளர்கள் மயங்கிய நிலையில் மீட்கப்பட்டு மருத்துவமனையில்ி அனுமதிக்கப்பட்டு சிகிச்சை பெற்று வருகின்றனர் எனத் தொிவிக்கப்பட்டுள்ளது. #சீனா #விசவாயு #தொழிலாளர்கள் #பலி

கொரோனாவினால் ஏற்படும் பாதிப்புகள் ஒரு பக்கம் அதிகாித்து வரும் நிலையில் மறுபக்கம் வெளியே தெரியாத மற்றொரு பிரச்சினை அமைதியாக மக்களைக் கொன்று கொண்டிருப்பதாக ஒரு தகவல் வெளியாகியுள்ளது.

பிாித்தானியாவில் கொரோனா பரவலின் 2-வது அலையை தொடர்ந்து அங்கு கட்டு்ப்பாடுகள் அறிவிக்கப்பட்டு உள்ளன. கொரோனா பரவலைத் தவிர்ப்பதற்காக முடக்கநிலை அமுல்படுத்தப்பட்டால், கொரோனா அல்லாத வேறு பிரச்சினைகளால் சுமார் 75,000 பேர் உயிரிழக்கலாம் என 188 பக்க ரகசிய ஆவணம் ஒன்று தெரிவித்துள்ளது

பிாித்தானியஅரசின் அவசர கால அறிவியல் ஆலோசனைக் குழுவிடம் (Sage) ஒப்படைக்கப்பட்டுள்ள இந்த ஆய்வு, கொரோனா தொடர்பில் மேலும் அதிக கட்டுப்பாடுகளை விதிக்கவிடாமல் பிரதமர் பொரிஸ் ஜோன்சனை அதிக அழுத்தத்திற்குள்ளாக்கியுள்ளது.

மார்ச் ,ஏப்ரல் மாதங்களில் மட்டுமே மருத்துவமனைகள் மற்றும் முதியோர் இல்லங்களில் ஏற்பட்டுள்ள குழப்பங்கள் காரணமாக 16,000 பேர் உயிரிழந்துள்ளதாக அந்த ஆவணம் சுட்டிக்காட்டியுள்ளது

அத்துடன், மக்கள் தொடர்ந்து விபத்து மற்றும் அவசர சிகிச்சை பிரிவுகளில் அனுமதிக்கப்படாவிட்டால், இன்னும் ஓராண்டுக்குள் 26,000 பேர் உயிரிழப்பார்கள் என்ற செய்தியையும் அந்த ஆவணம் தெரிவித்துள்ளது.

மேலும், புற்றுநோய், ரத்து செய்யப்பட்ட அறுவை சிகிச்சைகள் மற்றும் பண மதிப்பு வீழ்ச்சி காரணமாக இன்னும் 31,900 பேர் உயிரிழக்கலாம் எனவும் அந்த ஆவணம் தொிவித்துள்ளது. நேற்றைய நிலவரப்படி, பிாித்தானியாவில் கொரோனாவுடன் நேரடி தொடர்புடைய மரணங்களின் எண்ணிக்கை 41,936 என்பது குறிப்பிடத்தக்கது. #கொரோனா #மரணங்கள் #முடக்கம் #corona #பிாித்தானியா #lockdown

ஆசிய நாடான ஆர்மேனியா மற்றும் அஸர்பைஜான் படைகளுக்கு இடையில் மோதல் இடம்பெற்றுள்ளது.

சர்ச்சைக்குரிய நகோர்னோ காரபெக் பிராந்தியம் தொடர்பிலேயே இந்த மோதல் இடம்பெற்றுள்ளது.

அஸர்பைஜான் படைகள், வான் மற்றும் ஆட்லறி தாக்குதல்களை ஆரம்பித்ததாக ஆர்மேனிய பிரதமர் நிக்கோல் பஷின்யன் தெரிவித்துள்ளார்.

இந்தநிலையில், இரண்டு ஹெலிகொப்டர்களையும் 3 ட்ரோன்களையும் ஆர்மேனியப் படைகள் சுட்டு வீழ்த்தியுள்ளன.

அத்துடன், தாக்குதல் நடத்தவந்த அஸர்பைஜான் விமானங்கள் விரட்டப்பட்டதாகவும் அறிவிக்கப்பட்டுள்ளது.

முன்னரங்க நிலைகள் அனைத்திலுமிருந்து பாரிய ​ஷெல் தாக்குதல்களை இரண்டு நாடுகளும் பரஸ்பரம் மேற்கொண்டுள்ளன.

நகோர்னோ காரபெக் பிராந்தியம் தொடர்பில் நீண்டகாலமாக நிலவிவரும் பிரச்சினை கடந்த சில மாதங்களாக வலுப்பெற்றுள்ளமை குறிப்பிடத்தக்கது.

இரண்டு நாடுகளுக்குமிடையில் கடந்த ஜூலையில் இடம்பெற்ற மோதலில் 16 பேர் உயிரிழந்தமை குறிப்பிடத்தக்கது.

1991 ஆம் ஆண்டு சோவியத் ஒன்றியம் பிளவுபடுவதற்கு முன்னர், இரண்டு நாடுகளும் அதன் அங்கமாக இருந்தமை குறிப்பிடத்தக்கது.

இதன்பின்னர் கடந்த 4 தசாப்தங்களாக நகோர்னோ காரபெக் பிராந்தியம் தொடர்பான பிரச்சினை தீர்க்கப்படாமலுள்ளமை குறிப்பிடத்தக்கது.

ஐசிசி தலைமையகம் மறு அறிவித்தல் வரை மூடப்பட்டுள்ளதாக வெளியாகியுள்ளன.

ஐசிசி தலைமையகத்தில் கடமையாற்றும் சில ஊழியர்களுக்கு கொரோனா தொற்று உறுதி செய்யப்பட்டுள்ளதனையடுதெ்தே இவ்வாறு மூடப்பட்டுள்ளதாக தெரிவிக்கப்படுகிறது. #ஐசிசி #தலைமையகம் #மூடப்பட்டுள்ளது #கொரோனா

சிங்கப்பூர் தொழிலதிபரை பதவி விலகச் செய்த பணிப்பெண்: திருட்டு வழக்கில் நீதிக்காக போராடிய குடியேறி தொழிலாளி

சிங்கப்பூரில் விதிமுறை மீறி வீட்டுப் பணிப்பெண்ணை வேறு வேலையில் ஈடுபடுத்திய செல்வந்த தொழிலதிபரின் குடும்பம் தொடர்ந்த திருட்டு வழக்கில், இந்தோனீசியாவைச் சேர்ந்த பார்த்தி லியானி என்ற பெண்ணை அந்நாட்டு உயர் நீதிமன்றம் விடுதலை செய்துள்ளது. இந்த வழக்கு அந்நாட்டில் வீட்டு வேலைக்கு செல்லும் குடியேறி தொழிலாளர்கள் நடத்தப்படும் விதம் தொடர்பான பல கேள்விகளை எழுப்பியிருக்கிறது.

இந்தோனீசியாவைச் சேர்ந்த வீட்டுப்பணிப்பெண்ணான பார்தி லியானி, மாதம் $600 (£ 345) வரை ஊதியம் பெற்றார். சிங்கப்பூரின் மிகப்பெரிய பணக்கார குடும்பத்தில் அவர் வேலை செய்தார். அந்நாட்டின் மிகப்பெரும் தொழில் நிறுவனங்களின் தலைர் யூ மன் லியோங்தான் அவரது முதலாளி.

ஒரு நாள் வீட்டில் உள்ள பொருட்களை திருடியதாக அவர் குற்றம்சாட்டப்பட்டார். லியோங்கின் குடும்பத்தினர் காவல்துறையில் புகார் தெரிவித்தனர். அந்த வழக்கு சிங்கப்பூரில் மிகப்பெரிய அளவில் பேசப்பட்டது. ஆடம்பர பைகள், டிவிடி பிளேயர், ஆடைகள் போன்றவற்றை திருடியதாக பார்தி லியானி மீது குற்றம்சாட்டப்பட்டது.

ஆனால், இந்த மாத தொடக்கத்தில் மேல்முறையீட்டு வழக்கில் அவர் விடுதலை செய்யப்பட்டார்.

கடைசியில் நான் விடுதலையானதில் மகிழ்ச்சி அடைகிறேன் என்று மொழிபெயர்ப்பாளர் உதவியுடன் செய்தியாளர்களிடம் பேசிய பார்த்தி லியானி தெரிவித்தார்.

"இந்த வழக்குக்காக நான்கு ஆண்டுகள் போராடினேன்" என்று அவர் கூறினார்.

கேள்விகளை எழுப்பிய வழக்கு

ஆனால், பார்த்தி லியானியன் இந்த வழக்கு, சிங்கப்பூரில் பணியாளர்கள் சமநிலையற்று நடத்தப்படுகிறார்களா, பணியிடங்களில் அவர் திருடியதாக சுமத்தப்பட்ட குற்றம் எதன் அடிப்படையில் நிரூபிக்கப்பட்டது போன்ற கேள்விகள் பரவலாக எழுப்பப்பட்டன.

2007ஆம் ஆண்டு முதல் பார்த்தி லியானி, தொழிலதிபர் லியூ மன் லியோங்கின் வீட்டில் பணியாற்றினார். அங்கே அவரது மகன் கார்ல் உள்ளிட்ட பல குடும்பத்தினரும் வசித்தனர்.

2016ஆம் ஆண்டு மார்ச் மாதம், கார் லியூ, தனது குடும்பத்துடன் வேறு வீட்டுக்கு குடிபெயர்ந்தார்.

அந்த புதிய வீட்டை சுத்தப்படுத்த பல தருணங்களில் பார்த்தி லியானி கட்டாயப்படுத்தப்பட்டதை விவரிக்கும் பல நிகழ்வுகளுக்கான ஆதாரங்கள் நீதிமன்ற விசாரணையின்போது தாக்கல் செய்யப்பட்டன.

சிங்கப்பூரில் ஒப்பந்தம் செய்யப்படும் பணியாளர்கள், வேறு பணியில் ஈடுபடுத்தப்படுவது சட்டப்படி குற்றம். இது குறித்து ஏற்கெனவே பார்த்தி லியானி புகார் கூறியிருந்தார்.

இந்த நிலையில் சில மாதங்களுக்கு பிறகு பார்த்தியை அழைத்து தங்களின் பொருட்கள் திருடுபோனதாக எழுந்த சந்தேகத்தின்பேரில் அவரை வேலையில் இருந்து நீக்குவதாக லியூவின் குடும்பம் தெரிவித்தது.

ஆனால் பார்த்தி, "ஏன் இப்படி செய்கிறீர்கள் என தெரியும். ஏனென்றால் உங்களுடைய கழிவறையை நான் சுத்தப்படுத்த மறுத்தேன்" என்று கார்ல் லியூவிடம் தெரிவித்ததாக கூறப்படுகிறது.

வேலையை விட்டு நிறுத்திய குடும்பம்

இதையடுத்து அவரது உடைமைகளை அட்டை பெட்டிகளில் அடுக்க இரண்டு மணி நேரம் அவகாசம் வழங்கிய லியூவின் குடும்பத்தினர், அவற்றை இந்தோனீசியாவுக்கு அனுப்பி வைப்பதாக கூறினர். அதே நாள் பார்த்தி, தாயகத்துக்கு விமானத்தில் புறப்பட்டார்.

உடைமைகளை அடுக்கும்போது, கார்ல் லியூவின் வீட்டை விதி மீறி சுத்தப்படுத்தக் கூறியது பற்றி சிங்கப்பூர் அதிகாரிகளிடம் புகார் தெரிவிப்பேன் என்று பார்த்தி கூறியிருக்கிறார்.

இந்த நிலையில், பார்த்தி புறப்பட்ட பிறகு அவரது உடைமைகளை சோதனையிட முடிவெடுத்த லியூவின் குடும்பம், அதில் தங்களுக்கு சொந்தமான பொருட்கள் இருப்பதாக கூறி அக்டோபர் 30ஆம் தேதி காவல்துறையிடம் புகார் அளித்தது.

தாயகத்துக்கு வந்த ஐந்து வாரங்கள் கழித்து மீண்டும் சிங்கப்பூருக்கு வேலை தேடிச் சென்ற பார்த்தி, விமான நிலையத்திலேயே கைது செய்யப்பட்டார்.

குற்றவியல் நீதிமன்ற விசாரணையை எதிர்கொண்டதால் வேறு எங்கும் வேலையில் சேர முடியாத நிலையில், குடியேறிகளின் தங்குமிடத்தில் வசித்த அவர், உணவு, நிதி தேவைக்காக அங்குள்ளவர்களை சார்ந்திருக்கும் நிலைக்கு தள்ளப்பட்டார்.

உடைமைகளில் என்ன இருந்தன?

பார்த்தி லியானி, லியூ குடும்பத்துக்கு சொந்தமான 115 பொருட்களை திருடியதாக குற்றம்சாட்டப்பட்டார். அதில், ஆடம்பர துணிமணிகள், கைப்பைகள், டிவிடி பிளேயர், ஜெரால் ஜென்டா ரக கைக்கடிகாரம் போன்றவை இருந்தன. அவற்றின் மதிப்பு S$34,000 என்று கூறப்பட்டது.

விசாரணையின்போது, காவல்துறை காண்பித்த பொருட்களில் பல தன்னுடையது என்றும் பல பொருட்கள் தேவையில்லை என தூக்கி வீசப்பட்டிருந்த பொருட்கள் என்றும் அவற்றை தான் தமது உடைமைகள் அடங்கிய பெட்டிகளில் வைக்கவில்லை என்றும் பார்த்தி கூறினார்.

2019இல் மாவட்ட நீதிபதி விசாரித்த இந்த வழக்கில் பார்த்திக்கு இரண்டு ஆண்டுகள் மற்றும் இரண்டு மாதங்களுக்கு சிறை தண்டனை விதிக்கப்பட்டது. அந்த தீர்ப்பை எதிர்த்து பார்த்தி மேல்முறையீடு செய்தார். அந்த வழக்கு மேலும் சில மாதங்கள் நீடித்தன. கடைசியில், சிங்கப்பூர் உயர் நீதிமன்றம் அவரை விடுதலை செய்துள்ளது.

அந்த வழக்கில் தீர்ப்பளித்த உயர் நீதிமன்ற நீதிபதி சான் செங் ஒன், வீட்டுப்பணிப்பெண் பார்த்தி மீது பொறுப்பற்ற நோக்குடன் குற்றச்சாட்டுகள் பதிவு செய்யப்பட்டுள்ளன. இந்த வழக்கை காவல்துறை, அரசு வழக்கறிஞர், மாவட்ட நீதிபதி கையாண்ட விதம் சரியல்ல என்று கூறினார்.

மேலும், லியூ குடும்பத்தினர் சட்டவிரோதமாக கார் லியூவின் வீட்டை சுத்தப்படுத்த அனுப்பியதாக காவல்துறையில் பார்த்தி புகார் தெரிவிக்கும் முன்பாகவே, அவருக்கு எதிராக முந்திக்கொண்டு லியூவின் குடும்பம் காவல்துறையில் புகாரை பதிவு செய்திருக்க காரணம் உள்ளது என நிரூபணமாகியிருப்பதாக நீதிபதி தெரிவித்தார்.

பார்த்தி வீட்டில் களவுபோனதாக கூறப்பட்ட பொருட்கள், ஏற்கெனவே சேதம் அடைந்திருந்தன என்றும் அவர் திருடியதாக கூறப்பட்ட கைக்கடிகாரத்தில் கூட திருகல் கம்பி இல்லை என்றும், இரண்டு ஐபோன்கள் வேலை செய்யாத நிலையில் இருந்ததாகவும் நீதிபதி கண்டறிந்தார். பயனற்ற நிலையில் வேலை செய்யாத அந்த பொருட்களை ஒருவர் திருடினார் என கூறுவது அசாதாரணமாக உள்ளது என்றும் நீதிபதி குறிப்பிட்டார்.

வழக்கு விசாரணையின்போது டிவிடி பிளேயர் எப்படி உங்களுடைய பைக்குள் வந்தது என கேட்டபோது, அதை லியூ குடும்பத்தினர்தான் வேலை செய்யவில்லை என தூக்கி வீசினார்கள் என்று பார்த்தி கூறியிருக்கிறார்.

அந்த டிவிடி பிளேயர் வேலை செய்யவில்லை என்பதை பிறகு அறிந்து கொண்டதாக அரசு தரப்பு வழக்கறிஞர் நீதிமன்றத்தில் குறிப்பிட்டார். இந்த செயல்பாடு, குற்றம்சாட்டப்பட்ட நபருக்கு எதிராக நீதிக்கு புறம்பான வகையில் விசாரணை நடத்தப்பட காரணமாகியிருப்பதாக நீதிபதி சான் கூறினார்.

இந்த வழக்கில் தொழிலதிபர் லியூவின் மகன் கார்ல் லியூவை சாட்சியாக சேர்த்ததை சுட்டிக்காட்டிய நீதிபதி, அவரது நம்பகத்தன்மை கேள்விக்குரியதாகிறது என்று தெரிவித்தார்.

மற்றொரு ஆதாரமாக லியூவின் இளைய மகன் லண்டனில் இருந்து தான் வாங்கி வந்த பிங்க் நிற கத்தி சிங்கப்பூருக்கு 2002இல் கொண்டு வரப்பட்டதாக தெரிவித்திருந்தார். ஆனால், வழக்கு விசாரணையின்போது, அந்த கத்தியின் நவீன வடிவமைப்பை வைத்து, 2002ஆம் ஆண்டுக்கு முன்னர் பிரிட்டனில் அது தயாரிக்கப்படவில்லை என்பது நிரூபணமானது. இதனால் அவரது சாட்சியமும் செல்லுபடியாகவில்லை.

பார்த்தியின் உடைமைகளில் சில ஆடம்பர பெண்களின் உடைமைகள் இருந்தது பற்றி கூறிய லியூவின் இளைய மகன், அவை தன்னுடையவை என்று கூறினார். ஆனால், ஒரு பெண்ணின் உடைமை எப்படி உங்களுடையதாகும் என நீதிபதி வினவியபோது, எனக்கு எதிர் பாலினத்தவரின் உடைமைகள் பிடிக்கும் என்று அவர் பதிலளித்தது, நம்ப முடியாத வகையில் உள்ளது என்று நீதிபதி சான் தெரிவித்தார்.

இந்த வழக்கில் புகார் அளிக்கப்பட்ட பிறகும், சம்பவ இடத்தில் பார்த்தியின் உடைமைகளை சரிபார்க்க காவல்துறையினர் ஐந்து வாரங்களுக்கு பிறகே சென்ற நடவடிக்கை குறித்தும் நீதிபதி சான் கேள்வி எழுப்பினார்.

மேலும், வழக்கு விசாரணையின்போது பார்த்திக்கு விதிகளின்படி இந்தோனீசிய மொழி பெயர்ப்பாளரை வழங்காமல் மலாய் மொழி பேசும் நபரை ஏற்பாடு செய்ததும் தவறான நடவடிக்கை என்று நீதிபதி சான் தமது தீர்ப்பில் சுட்டிக்காட்டியிருந்தார்.

"இந்த விவகாரத்தில் காவல்துறை நடந்து கொண்ட விதம் மிகவும் கவலை தருகிறது" என்று சிங்கப்பூர் மேலாண் பல்கலைக்கழகத்தின் சட்டத்துறை பேராசிரியர் இயூஜீன் டான் பிபிசியிடம் தெரிவித்தார்.

"இந்த வழக்கை மாவட்ட நீதிபதி அனுமானத்தின் அடிப்டையில் விசாரித்திருப்பது போல தோன்றுகிறது என்றும் சாட்சியங்களை அரசு வழக்கறிஞரும் காவல்துறையினரும் சரியாக உறுதிப்படுத்த தவறியதாக தோன்றுகிறது" என்றும் பேராசிரியர் இயூஜீன் கூறினார்.

குடியேறி தொழிலாளர்கள் சிங்கப்பூரில் நடத்தப்படும் நிலை, இந்த வழக்கு மூலம் தேசிய கவனத்தை ஈர்த்தது.

ஏழைகளையும் சக்தியற்றவர்களையும் செல்வந்தர்கள் தங்கள் விருப்பத்துக்கு ஏற்றாற் போல பயன்படுத்தி, தங்களுக்கென விதிகளை வகுத்து பணக்கார சமூகம் செயல்படுவதாக பலரும் கருத இந்த வழக்கு வாய்ப்பாக அமைந்தது.

இந்த வழக்கின் தீர்ப்பு பொதுவெளிக்கு வந்த பிறகு, சிங்கப்பூரின் பல்வேறு மதிப்புமிகு நிறுவனங்களின் தலைவர் பொறுப்பில் இருந்து விலகுவதாக லியூ மன் லியோங் அறிவித்தார்.

இது தொடர்பான அவரது அறிக்கையில், "சிங்கப்பூர் உயர் நீதிமன்ற தீர்ப்பை மதிக்கிறேன். நீதித்துறை மீது மிகுந்த நம்பிக்கை வைத்திருக்கிறேன். ஆனால், தவறு நடப்பதாக சந்தேகம் எழும்போது அதுபற்றி காவல்துறையிடம் புகார் அளிப்பது எனது சமூக கடமை என உண்மையாக நான் நம்பினேன்" என்று கூறியுள்ளார்.

இதேசமயம், இந்த விவகாரத்தில் அவரது மகன் கார்ல் லியூ இதுவரை எந்த அறிக்கையையும் வெளியிடாமல் மெளனம் காத்து வருகிறார்.

உயர் நீதிமன்ற தீர்ப்பு குறித்து கருத்து தெரிவித்த சிங்கப்பூர் சட்டம் மற்றும் உள்துறை விவகாரங்கள் அமைச்சர் கே. சண்முகம், "குற்றச்சாட்டுகளின் தொடர்களை விசாரிப்பதில் எங்கோ தவறு நடந்திருக்கிறது என்பது புரிகிறது" என்று தெரிவித்தார்.

இந்தோனீசியாவை சேர்ந்த பார்த்தி, சிங்கப்பூரில் தங்கியிருந்து வழக்கை எதிர்கொள்ள அரசு சாரா அமைப்பான "ஹோம்" உதவியது.

பார்த்திக்காக இந்த வழக்கில் ஆஜரான வழக்கறிஞர் அனில் பால்சந்தி, கட்டணம் வசூலிப்பதாக இருந்தால், பார்த்தி S$150,000 வரை செலுத்தியிருக்க வேண்டும் என்று மதிப்பிடுகிறார்.

சிங்கப்பூரில் சட்ட சிக்கல்களை எதிர்கொள்ளும் குடியேறி தொழிலாளர்களுக்கு சட்ட உதவிகள் கிடைக்கும்.

ஆனால், தங்கள் குடும்பத்தின் ஒரே வருவாய் ஈட்டும் நபராக வெளிநாட்டில் வேலைக்கு வரும் தொழிலாளர்கள், பெரும்பாலும் நீதிமன்றம்வரை சென்று வழக்காட முடியாதவர்களாக இருக்கிறார்கள். அப்படியே தொடர்ந்தாலும், அவர்களால் மாதக்கணக்கில் அல்லது வருடக்கணக்கில் வருவாயின்றி வழக்காட முடியாது என்று ஹோம் என்ற அரசு சாரா அமைப்பு கூறுகிறது.

மறுபுறம், சட்டப்போராட்டத்தில் வெற்றி பெற்ற பார்த்தி, "இனி நான் எனது தாயகத்துக்கு திரும்புவேன்" என்று ஊடகங்களிடம் தெரிவித்தார்.

"எனது முன்னாள் முதலாளியை மன்னித்து விட்டேன். இனி வேறு எந்த தொழிலாளர்களுக்கும் இதுபோல செய்யாதீர்கள் என்பதுதான் நான் அவர்களுக்கு விடுக்கும் ஒரே செய்தி" என்று பார்த்தி தெரிவித்தார்.

• ஈவெட் டான்
• பிபிசி நியூஸ், சிங்கப்பூர் 23 செப்டெம்பர் 2020

உக்ரைனில் விமானப்படை வீரர்களை ஏற்றிச்சென்ற இராணுவ விமானம் தரையிறங்கும் போது வெடித்துச் சிதறியதில் 22 வீரர்கள் உயிரிழந்துள்ளனர்.

இராணுவ விமானத் தளத்திற்கு இரண்டு கிலோமீட்டர் தொலைவில் இந்த விபத்து நிகழ்ந்ததாக உக்ரைனின் மாநில அவசர சேவை மையம் தெரிவித்துள்ளது.

உக்ரைனில் நேற்று (25.09.20) மாலை விமானப்படை வீரர்களை ஏற்றிச்சென்ற AN-26 என்ற இராணுவ விமானம் வடகிழக்கு உக்ரைனின் தேசிய நெடுஞ்சாலை அருகே வெடித்துச் சிதறி விபத்திற்குள்ளானது.

இதில் விமானத்தில் பயணித்த 22 வீரர்களும் உயிரிழந்ததாக ஆயுதப்படை ஊழியர் ரஸ்லான் தெரிவித்துள்ளார்.

தேசிய நெடுஞ்சாலையின் ஓரமாக விமானம் வீழ்ந்து நொறுங்கி தீப்பிடித்து எரிந்துகொண்டிருந்ததை அறிந்த மீட்புப் படையினர் விரைந்து சென்று தீயை அணைத்துள்ளனர்.

விமான விபத்திற்கான காரணம் குறித்து விசாரணை முன்னெடுக்கப்பட்டுள்ளது.

கொரோனா தடுப்பு மருந்து பயன்பாட்டிற்கு வரும்முன் உலகளவில் வைரஸ் தொற்றால் இருபது லட்சம் பேர் உயிரிழக்கலாம் என உலக சுகாதார நிறுவனம் எச்சரித்துள்ளது.

உலக நாடுகள் ஒன்றிணைந்து செயல்படவில்லை என்றால் இந்த எண்ணிக்கை மேலும் அதிகரிக்கக்கூடும் என உலக சுகாதார நிறுவனத்தின் அவசர நிலைகளுக்கான தலைவர் மைக் ரேயான் தெரிவித்துள்ளார்.

இதுவரை உலகளவில் கொரோனா தொற்றால் பத்து லட்சம் பேர் உயிரிழந்துள்ளதுடன் 32மில்லியன் பேர் பாதிக்கப்பட்டுள்ளனர்.

குளிர்காலம் நெருங்குவதால் வட துருவ நாடுகள் பலவற்றில் கொரோனா தொற்றில் இரண்டாம் அலை தொடங்கியுள்ளது.

ஐரோப்பா முழுவதும் பல பகுதிகளில் மீண்டும் தொற்று பரவ தொடங்கியுள்ளதால் ஊரடங்கு கட்டுப்பாடுகள் விதிக்கப்பட்டு வருகின்றன.

இதுவரை அமெரிக்கா, இந்தியா, பிரேசில் ஆகிய நாடுகளில்தான் அதிகம்பேர் கொரோனா தொற்றால் பாதிக்கப்பட்டுள்ளனர்.

கொரோனா தொற்றுக்கான சிகிச்சை மேம்பட்டுள்ளதால் உயிரிழப்புகள் குறைந்துள்ளன. ஆனால் நல்ல சிகிச்சையோ அல்லது தடுப்பு மருந்துகளோ இருந்தாலும், இருபது லட்சம் பேர் உயிரிழப்பதை தடுக்க இயலாது என அவர் தெரிவித்துள்ளார். #கொரோனா #தடுப்புமருந்து #உலகசுகாதாரநிறுவனம் #உயிரிழப்புகள்

கொரோனாவை மறைக்க உலக சுகாதார நிறுவனம் உதவியதாக, சீனா வைராலஜி நிபுணர் லீ மெங் யான் என்பவர் தொிவித்துள்ளார். உலகம் முழுவதும் பாதிப்பை ஏற்படுத்துள்ள கொரோனா வைரஸ் தொற்று குறித்து சீன அரசு மீது விமர்சனங்கள் எழுந்து வருகின்ற நிலையில் கடந்த சில தினங்களுக்கு முன், லீ மெங் யான்கொரோனா வைரஸ் உகான் மாகாண ஆராய்ச்சிக் கூடத்தில் உருவாக்கப்பட்டதாக கூறியிருந்தாா்.

இந்நிலையில் செவ்வாய்க்கிழமை இதுகுறித்து பேசிய லீ மெங் யான், கொரோனா வைரஸ் குறித்து உலகத்திற்கு தெரிவதற்கு முன்பே சீன அரசு அதுகுறித்து அறிந்திருந்ததாகவும், உலக சுகாதார நிறுவனம் இதனை மறைக்க சீன அரசாங்கத்திற்கு உதவியதாகவும் தெரிவித்துள்ளார்.

சீன அரசு மீது தொடர்ச்சியாக குற்றச்சாட்டுகளை சுமத்தி வரும் லீ மெங் யான் தற்போது அமெரிக்காவில் வசித்து வருகிறார் என்பது குறிப்பிடத்தக்கது. #கொரோனா #உலகசுகாதாரநிறுவனம் #லீமெங்யான் #சீனா

தென் கொரிய அதிகாரி ஒருவர் வட கொரிய இராணுவத்தினரால் சுட்டுக் கொல்லப்பட்டு எரிக்கப்பட்டதாக தென் கொரிய பாதுகாப்பு அமைச்சு தெரிவித்துள்ளது.

இருநாட்டு எல்லை அருகே ரோந்து கப்பலில் இருந்து காணாமல் போன குறித்த அதிகாரியின் உடல் பின்னர் வட கொரிய கடல் பக்கம் கண்டெடுக்கப்பட்டதாகவும் இது ஒரு மிருகத்தனமான செயல் எனவும் தென்கொரியா தொிவித்துள்ளது

வட கொரிய ராணுவத்தினா் அவரை சுட்டு, பின்னர் அவரது உடலின் மீது எண்ணெயை ஊற்றி எரித்துள்ளதாகவும் பலதரப்பட்ட உளவுத்துறை விசாரணையிலே இது தெரிய வந்துள்ளதாகவும் தென் கொரியா தொிவித்துள்ளது.

எனினும் இது குறித்து வட கொரியா இதுவரை எந்த கருத்தையும் தெரிவிக்கவில்லை என்பது குறிப்பிடத்தக்கது #தென்கொரிய #அதிகாரி #வடகொரிய #இராணுவத்தினரால் #கொல்லப்பட்டு #எரிக்க

உலக அளவில் கடந்த 14-ம் திகதி முதல் 20-ந் திகதி வரை ஒரு வாரத்தில் மட்டும் சுமார் 20 லட்சம் பேர் புதிதாக கொரோனா தொற்றுக்கு ஆளாகி இருப்பதாக உலக சுகாதார நிறுவனம் தகவல் வெளியிட்டு உள்ளது.

சீனாவில் கடந்த ஆண்டு இறுதியில் தோன்றிய கொரோனா வைரஸ் கடந்த 9 மாதங்களாக உலகம் முழுவதும் வேகமாக பரவி வருகிறது. இதற்கு எதிரான தடுப்பு மருந்துகள் இன்னும் தயாராகவில்லை என்பதால், வைரசின் தாக்கத்தை கட்டுப்படுத்த முடியவில்லை. இதனால் நாளுக்கு நாள் தொற்றுக்கு ஆளாவோரின் எண்ணிக்கை அதிகரித்து வருகிறது.

அந்த வகையில் கடந்த 14-அம் திகதி முதல் 20-ஆம் திகதி வரையிலான ஒரு வாரத்தில் மட்டும் உலக அளவில் சுமார் 20 லட்சம் பேர் புதிதாக கொரோனா தொற்றுக்கு ஆளாகி இருப்பதாக உலக சுகாதார நிறுவனம் தகவல் வெளியிட்டு உள்ளது. இது கொரோனா கண்டறியப்பட்டது முதல் இதுவரை இல்லாத அளவுக்கு அதிகம் எனவும் அந்த அமைப்பு கூறியுள்ளது.

முந்தைய வாரத்தை ஒப்பிடுகையில் இது 6 சதவீதம் அதிகம் என கூறியுள்ள உலக சுகாதார அமைப்பு, இந்த வாரத்தில் பலி எண்ணிக்கை 10 சதவீதம் குறைந்திருப்பதாகவும் குறிப்பிட்டு இருக்கிறது. மேற்படி 7 நாட்களில் மொத்தம் 36 ஆயிரத்து 764 பேர் கொரோனாவால் மரணத்தை தழுவி உள்ளனர்.

இந்த 20 லட்ச பாதிப்பில் அதிகபட்சமாக 38 சதவீதத்துக்கும் அதிகமானோர் வட மற்றும் தென் அமெரிக்க நாடுகளை சேர்ந்தவர்கள் ஆவர். பலி எண்ணிக்கையை பொறுத்தவரை, ஐரோப்பா மிக மோசமாக பாதிக்கப்பட்டு உள்ளது. ஏனெனில் முந்தைய வாரத்தை ஒப்பிடும்போது இந்த வாரம் ஐரோப்பாவில் 27 சதவீத பலி எண்ணிக்கை அதிகரித்து இருப்பதாக ‘ஸ்புட்னிக்’ வெளியிட்டுள்ள அறிக்கையில் கூறப்பட்டு உள்ளது.

மொத்தத்தில் உலகம் முழுவதையும் தனது கட்டுப்பாட்டுக்குள் வைத்திருக்கும் கொரோனா தொற்று, மனிதர்களுக்கு தொடர்ந்து சவாலாகவே விளங்கி வருகிறது.

தென்னமெரிக்க நாடான கொலம்பியாவில் அரசுக்கு எதிராகக் கிளர்ச்சி செய்து வரும் தேசிய விடுதலை ராணுவம் எனும் போராளிக் குழுவின் தலைவர் வில்வர் வில்லேகாஸ் பலோமினோ குறித்து தகவல் வழங்குபவா்களுக்கு ஐந்து மில்லியன் அமெரிக்க டொலர்கள் சன்மானம் வழங்கப்படும் என அமெரிக்க அரசு அறிவித்துள்ளது.

இந்த அறிவிப்பை அமெரிக்காவின் வெளியுறவுச் செயலர் மைக் பாம்பேயோ கொலம்பியாவுக்கு பயணம் மேற்கொண்டு இரண்டு நாட்களின் பின்னா் தனது ருவிட்டா் பக்கத்தில் பதிவிட்டுள்ளார்.

தற்போது 38 வயதாகும் வில்வர் வில்லேகாஸ் பலோமினோ 20 ஆண்டுகளுக்கும் மேலாக அமெரிக்காவில் கொக்கைன் போதை பொருள் விநியோகிக்கும் நடவடிக்கையில் ஈடுபட்டு வருவதாக அமெரிக்கா குற்றம் சுமத்தியுள்ளது

இ.எல்.என் என்று அறியப்படும் தேசிய விடுதலை ராணுவம் கொலம்பியாவில் 50 ஆண்டுகளுக்கு மேலாக இயங்கிவரும் மார்க்சியப் போராளிக் குழுவாகும்.

கொலம்பியாவில் நிலவும் பொருளாதார ஏற்றத்தாழ்வுகளை எதிர்த்து, நிலம் மற்றும் வளங்களை சமமாகப் பிரித்து வழங்கும் நோக்கில் 1964ஆம் ஆண்டு நிறுவப்பட்ட இந்த அமைப்பில் சுமார் 2000 பேர் உறுப்பினர்களாக உள்ளார்கள்.

1959இல் நிகழ்ந்த கியூபப் புரட்சியின் உந்துதலால் இந்த அமைப்பு ஆரம்பமாகியது என்பது குறிப்பிடத்தக்கது #போராளிக்குழு #தலைவா் #சன்மானம் #கொலம்பியா #கியூபப்புரட்சி

அவுஸ்ரேலியாவின் டஸ்மானியா (Tasmania) கடற்கரையில் சிக்கிய 270 திமிங்கிலங்களில் 90 திமிங்கிலங்கள் உயிரிழந்துள்ளன.

சிக்கியுள்ளவற்றில் மேலும் பல திமிங்கிலங்கள் உயிரிழக்கக்கூடுமென அஞ்சப்படுகின்றது.

டஸ்மானியா தீவின் மேற்குக் கடற்பகுதியில் திமிங்கிலங்கள் சிக்கிக்கொண்டிருப்பது நேற்று (21.09.20) கண்டறியப்பட்டது.

இந்தநிலையில் எஞ்சியுள்ள திமிங்கிலங்களின் உயிரைக் காப்பாற்றுவதற்கான முயற்சிகளில் கடல்வாழ் உயிரினங்கள் தொடர்பான நிபுணர்கள் ஈடுபட்டுள்ளனர்.

இதற்காக தந்திரமான நடவடிக்கைகள் சில மேற்கொள்ளப்படுவதுடன், அதற்கு சில தினங்கள் எடுக்குமெனவும் சுட்டிக்காட்டப்பட்டுள்ளது.

திமிங்கிலங்கள் கரை ஒதுங்கியமைக்கான காரணம் என்னவென்பது இதுவரை ​தெரியவில்லையென அறிவிக்கப்பட்டுள்ளது.

சீனாவில் பக்ரீரியா மூலம் புதிதாக ஒரு காய்ச்சல் பரவி வருவதாகவும் இதன்மூலம் பாதிக்கப்படும் ஆண்களுக்கு மலட்டுத்தன்மை   ஏற்படும் அபாயம் காணப்படுவதாகவும் தொிவிக்கப்பட்டுள்ளது.

சீனாவிலிருந்து இந்த ஆண்டு தொடக்கத்தில் கொரோனா வைரஸ் உருவாகி உலகம் முழுவதும் பரவி லட்சக்கணக்கான உயிர்களை காவு கொண்டுள்ள நிலையில் இவ்வாறு புதிதாக ஒரு பக்ரீரியா பரவி வருவது தெரியவந்துள்ளது

வடமேற்கு சீனாவிலுள்ள கன்சு மாகாணத்தின் தலைநகர் லான்ஷோவில் இருந்து இது பரவுவது தெரியவந்துள்ளமையை அந்நாட்டு சுகாதார ஆணையகம் உறுதிப்படுத்தியுள்ளது.

இதுவரை 3,245 பேர் இந்த நோயால் பாதிக்கப்பட்டுள்ளனர் எனவும் இந்த நோய் மிகவும் தீவிரத் தன்மை கொண்டதுடன் வாழ்நாள் முழுவதும் பக்க விளைவுகளை ஏற்படுத்தக் கூடியதாக உள்ளதாகவும் ஆய்வுகள் தெரிவிக்கின்றன. மேலும். இந்த வகை நோய் ஆண்களை மலட்டுத்தன்மையடையச் செய்யக் கூடும் என்றும் அந்த ஆய்வு முடிவுகள் தெரிவிக்கின்றன.

இந்த நோயினால் பாதிக்கப்பட்டவா்களுக்கு தலைவலி, தசைவலி, காய்ச்சல், உடல் சோர்வு ஆகியவை இருக்கும் எனவும் இந்த அறிகுறிகள் உள்ளவர்களில் சிலரை குணப்படுத்தலாம் எனவும் சிலருக்கு வாழ்க்கை முழுக்க அதன் பாதிப்பு தொடரக்கூடும் எனவும் இது தொடா்பில் அமெரிக்காவின் நோய் தடுப்பு மற்றும் கட்டுப்பாட்டு மையம் (சிடிசி) வெளியிட்டுள்ள அறிக்கையில் தொிவிக்கப்பட்டுள்ளது.

மேலும் மூட்டு வீக்கம் அல்லது உடல் உறுப்பு வீக்கம் போன்றவற்றை இந்த பக்ரீரியாஏற்படுத்தும்ி அதேவேளை மனிதர்களிடமிருந்து மனிதர்களுக்கு இந்த நோய் பரவுவது மிகவும் அரிதாகக் காணப்படும் எனவும் கூறப்பட்டுள்ளது. #சீனா #பக்ரீரியா #காய்ச்சல் #கொரோனா #பக்கவிளைவு

கொரோனா வைரஸ் பெருந்தொற்று தொடர்பாக உலகளாவிய அளவில் ஆய்வுகள் மேற்கொள்ளப்பட்டு வருகின்ற நிலையில் மூக்கு கண்ணாடி அணிந்தால், கொரோனாவில் இருந்து பாதுகாப்பு கிடைக்கக்கூடும் என விஞ்ஞானிகள் கண்டுபிடித்துள்ளனர்.

சீனாவில் உள்ள சுய்ஜோ ஜெங்டு மருத்துவமனையின் கொரோனா நோயாளிகளை கொண்டு விஞ்ஞானிகள் மேற்கொண்ட ஒரு ஆய்விலேயே இந்த விடயம் கண்டறியப்பட்டுள்ளது.

சீனாவின் நாஞ்சாங் பல்கலைக்கழகத்தின் இரண்டாவது இணைந்த மருத்துவமனை ஆராய்ச்சியாளர்களும் பங்குபற்றிய இந்த ஆய்வின் முடிவு மருத்துவ இதழ் ஒன்றில் வெளியிட்டுள்ளனர்.

அதில் நீண்ட நேரம் மூக்கு கண்ணாடி அணிபவர்கள் அசாதாரணமானவர்கள் என கண்டறியப்பட்டுள்ளதுடன் அவர்களுக்கு கொரோனாவில் இருந்து பாதுகாப்பு கிடைக்கிறது என கூறப்பட்டுள்ளது.

ஒரு நாளில் 8 மணி நேரம் தொடர்ந்து கண்ணாடி அணிகிறவர்களுக்கு கொரோனாவில் இருந்து பாதுகாப்பு கிடைக்கிறது எனவும் அவா்கள் கண்ணாடி அணிவதால், அவர்கள் கண்களை அடிக்கடி தொடுகிற வாய்ப்புக்கு அது ஒரு தடையாக அமைந்திருக்கிறது எனவும் குறிப்பிடப்பட்டுள்ளது.

இது ஒற்றை ஆய்வாக அமைந்துள்ள நிலையில் இதை உறுதி செய்வதற்கு கூடுதலான ஆய்வுகள் தேவைப்படுகின்றன எனவும் பல இடங்களில் பெரிய அளவுகளில் ஆய்வு நடத்தப்பட வேண்டும் எனவும் குறிப்பிடப்பட்டுள்ளது

இந்த முடிவானது தொற்றுநோயியல் கண்ணோட்டத்தில், ஒரு ஒற்றை ஆய்வின் முடிவு என்பதால் கவனமாக இருக்க வேண்டும் எனக் குறிப்பிட்டுள்ள அமெரிக்காவின் ஜான்ஸ் ஹாப்கின்ஸ் பல்கலைக்கழகத்தின் தொற்றுநோயியல் நிபுணர் லிசா மராகசிஸ் கண்ணாடிகள் , அசுத்தமான கைகளில் இருந்து கொரோனா பரவுவதற்கு எதிராக செயல்படக்கூடும் என்பதனை ஒப்புக்கொண்டுள்ளார். #மூக்குகண்ணாடி #கொரோனா #பாதுகாப்பு #விஞ்ஞானிகள்

கொரோனா தொற்று ஆரம்பமாகியது முதல் உலக அளவில் கல்வி, வீடு, ஊட்டச்சத்து, சுகாதாரம் அல்லது தண்ணீர் போன்ற அத்தியாவசிய தேவைகள் கிடைக்காமல் மேலும் 15 கோடி குழந்தைகள் வறுமையில் தள்ளப்பட்டு இருப்பதாக கண்டறியப்பட்டு உள்ளது

ஐ.நா.வின் குழந்தைகள் நல அமைப்பான யுனிசெப்பும், குழந்தைகளை பாதுகாப்போம் என்ற தொண்டு நிறுவனமும் இணைந்து கொரோனாவுக்கு பிந்தைய குழந்தைகள் நிலை குறித்து மேற்கொண்ட ஆய்விலேயே இந்த விடயம் கண்டறியப்பட்டுள்ளது.

70-க்கும் மேற்பட்ட நாடுகளில் மேற்கொள்ளப்பட்ட இந்த ஆய்வில் கொரோனா தொற்று தொடங்கியது முதல் உலக அளவில் கல்வி, வீடு, ஊட்டச்சத்து, சுகாதாரம் அல்லது தண்ணீர் போன்ற அத்தியாவசிய தேவைகள் கிடைக்காமல் மேலும் 15 கோடி குழந்தைகள் வறுமையில் தள்ளப்பட்டு இருப்பதாக கண்டறியப்பட்டு உள்ளது.

இதன் மூலம் மேற்படி வசதிகள் இல்லாமல் வறுமையில் வாடும் குழந்தைகளின் எண்ணிக்கை சுமார் 120 கோடியாக உயர்ந்திருப்பதாகவும் இதில் 45 சதவீத குழந்தைகள் மேற்படி அத்தியாவசிய தேவைகளில் ஒன்றுகூட கிடைக்காமல் அவதிப்படுவதாகவும் யுனிசெப் நிறுவனம் வெளியிட்ட அறிக்கையில் சுட்டிக்காட்டப்பட்டுள்ளது.

கொரோனாவும், அது பரவலை கட்டுப்படுத்த போடப்பட்ட ஊரடங்கும், கோடிக்கணக்கான குழந்தைகளை வறுமையின் ஆழத்துக்கு கொண்டு சென்றிருப்பதாக யுனிசெப் நிர்வாக இயக்குனர் ஹென்ரியட்டா கவலையுடன் தொிவித்துள்ளாா்.

கொரோனா தொற்று உலக கல்வியில் பெரும் பாதிப்பை ஏற்படுத்தியிருப்பதாக கூறியுள்ள குழந்தைகளை பாதுகாப்போம் தொண்டு நிறுவன தலைமை செயல் அதிகாரி இங்கர் ஆஷிங், கல்வி கிடைக்காததால் குழந்தை தொழிலாளர் முறை மற்றும் குழந்தை திருமணம் அதிகரிக்கும் எனவும், இதனால் வறுமை சுழற்சியில் அவர்கள் சிக்கி விடுவார்கள் எனவும் அச்சம் வெளியிட்டுள்ளாா். #குழந்தைகள் #வறுமை #கொரோனா #சுகாதாரம் #யுனிசெப்

பாடசாலைகளில் கொரோனா தொற்றுப் பரவல் அதிகரித்ததைத் தொடர்ந்து 81 பாடசாலைகளை மூடுமாறு பிரான்ஸ் அரசு உத்தரவிட்டுள்ளது.

ஓகஸ்ட் மாதம் முதல் பிரான்சில் கொரோனா வைரஸ் தொற்று அதிகரித்து வருகிறது எனவும் கடந்த வாரத்தில் மட்டும் புதிதாக பிரான்சில் 2,100 மாணவர்களுக்கு கொரோனா தொற்று உறுதிப்படுத்தப்பட்டுள்ளதுடன் ரென்னஸ் பல்கலைக்கழகத்தில் பயிலும் 83 மருத்துவ மாணவர்களுக்குக் கொரோனா தொற்று உறுதிப்படுத்தப்பட்டுள்ளது எனவும் பிரான்ஸ் கல்வி அமைச்சு தொிவித்துள்ளது

பிரான்சில் கடந்த சனிக்கிழமை மட்டும் 10,000 பேர்வரை கொரோனாவால் பாதிக்கப்பட்டுள்ள நிலையில் பிரான்சின் மார்சேய் மற்றும் லியோன் ஆகிய நகரங்கள் கொரோனா தொற்றால் அதிக பாதிப்பைச் சந்தித்துள்ளதாக தொிவிக்கப்பட்டுள்ளது.

பிரான்சில் முடக்க காலத்தில் 4,000 என்ற அளவில் கொரோனா தொற்று காணப்பட்டிருந்த நிலையில் அண்மைய நாட்களாக கொரோனா தொற்று மீண்டும் பரவி வருகிறது.

இதனைத் தொடர்ந்து பிரான்ஸ் ஜனாதிபதி மக்ரோன் கொரோனா வைரஸைக் கட்டுப்படுத்த அதிகாரிகளுடன் ஆலோசனை நடத்தியுள்ளாா்

உலகையே அச்சுறுத்திவரும் கொரோனா வைரசினால் இதுவரை உலக அளவில் 2.8 கோடி பேர் பாதிக்கப்பட்டுள்ளதுடன் 9 லட்சத்துக்கும் அதிகமானவர்கள் பலியாகி உள்ளனர் என்பது குறிப்பிடத்தக்கது #பாடசாலைகள் #கொரோனா #பிரான்ஸ் #முடக்ககாலம்

லிபியாவில் அகதிகள் படகு கடலில் கவிழ்ந்து விபத்துக்குள்ளானதில் 24 பேர் பலியாகியுள்ளதாக தொிவிக்கப்பட்டுள்ளது. உள்நாட்டு போர் மற்றும் வறுமை காரணமாக பல்வேறு நாடுகளில் இருந்தும் ஆயிரக்கணக்கான மக்கள் டத்திய தரைக்கடல் வழியாக சட்டவிரோதமாக படகுகளில் பயணம் செய்து ஐரோப்பிய நாடுகளுக்கு புலம்பெயாந்து செல்கின்றனா்.

இவ்வாறு மிகச் சிறிய படகுகளில் அளவுக்கு அதிகமான மக்கள் சட்டவிரோதமாக நீண்ட கடல் பயணங்கள் மேற்கொள்ளும் ாபாது பல விபத்துக்களும் நிகழ்ந்து பல உயிாிழப்புகளும் ஏற்படுகின்றன.

இந்த நிலையில் லிபியாவின் ஜ்வாரா கடல்பகுதியில் அகதிகளை ஏற்றிக்கொண்டு சென்ற 3 சிறிய படகுகளில் ஒன்று எதிர்பாராத வகையில் திடீரென கடலில் கவிழ்ந்தது. இதில் கப்பலில் இருந்த அனைவரும் நீரில் மூழ்கினர்.

தகவலறிந்த லிபிய கடலோர காவல் படையினர் உடனடியாக சம்பவ இடத்துக்கு சென்று தீவிர மீட்பு பணியில் ஈடுபட்ட போதும் 24 போின் உயிழந்த உடல்களைத்தான் மீட்க முடிந்தது. மேலும் இந்த விபத்தில் மேலும் பலர் காணாமல் போயிருக்கலாம் எனத் தொிவிக்கப்படுமுகின்ற நிலையில் அவர்களை தேடும் பணி தொடா்ந்து நடைபெற்று வருகிறது. #லிபியா #அகதிகள் #படகுவிபத்து #உயிாிழப்பு

உலகம் முழுவதும் கடந்த 24 மணி நேரத்தில் 3,07,900 பேருக்குக் கொரோனா தொற்று உறுதிப்படுத்தப்பட்டுள்ள நிலையில் இது 24 நேரத்தில் கண்டறியப்பட்ட அதிகபட்ச தொற்று எண்ணிக்கை என உலக சுகாதார அமைப்பு தெரிவித்துள்ளது.

கடந்த செப்டம்பர் 6 ஆம் திகதி உலகம் முழுவதும் 3,06,857 பேர் கொரோனா தொற்றால் பாதிக்கப்பட்டதே அதிகபட்சமாக இருந்தது. தற்போது உலகம் முழுவதும் 2,86,37,952 பேர் கொரோனா தொற்றால் பாதிக்கப்பட்டுள்ளதுடன் இதுவரை 9 லட்சத்துக்கும் அதிகமானவர்கள் உயிாிழந்துள்ளனர்.

கொரோனா பாதிப்பு மற்றும் உயிாிழப்பு எண்ணிக்கையில் அமெரிக்கா தொடர்ந்து முதலிடம் வகிக்கின்ற அதேவேளை வடக்கு மற்றும் தெற்கு அமெரிக்காவில் கொரோனா தொற்றால் பாதிக்கப்பட்டவர்களின் எண்ணிக்கை அதிக அளவில் உள்ளது எனவும் தெரிவிக்கப்பட்டுள்ளது உலக சுகாதார அமைப்பு தெரிவித்துள்ளது

உலகின் பல முன்னணி நாடுகளும் கொரோனா தடுப்பூசி தயாரிப்பில் ஈடுபட்டுக் கொண்டிருக்கும் நிலையில், ஒக்ஸ்போர்ட் - ஆஸ்ட்ரா செனெகா நிறுவனத்தின் கரோனா தடுப்பூசி, வல்லுநர்களின் நம்பிக்கையைப் பெற்றிருந்தது.

அந்தத் தடுப்பூசி இறுதிக்கட்ட சோதனை நிலையை எட்டியிருந்தநிலையில் பாிசோதனையில் பங்கேற்ற ஒருவருக்கு மிகவும் கடுமையான பக்க விளைவுகள் ஏற்பட்டுள்ளதையடுத்து சோதனை நிறுத்தி வைக்கப்பட்டுள்ளது.

எனினும் குறித்த தடுப்பு மருந்தின் 3-ம் கட்ட பரிசோதனை நிறுத்தப்பட்ட சூழலில், மீண்டும் தொடங்குவதற்கு பிரித்தானியாவின் மருத்துவ சுகாதார ஒழுங்குமுறை ஆணையகம் அனுமதியளித்துள்ளமை குறிப்பிடத்தக்கது #தடுப்பூசி #கொரோனா #உலகசுகாதாரஅமைப்பு #ஒக்ஸ்போர்ட்

அமெரிக்காவின் மேற்கு கடற்கரையோர மாகாணங்களில் பெரும் காட்டுத்தீ பேரழிவை ஏற்படுத்தி வருகிறது. நேற்று முன்தினம் ஒரே நாளில் 1 வயது குழந்தை உள்பட 8 பேர் தீயில் கருகி உயிரிழந்துள்ளனர்.

அமெரிக்காவின் மேற்கு கடற்கரையோரம் அமைந்துள்ள கலிபோர்னியா மாகாணத்தில் கடந்த ஒருமாதமாக பற்றி எரியும் காட்டுத் தீயால் 30 லட்சத்து 20 ஆயிரம் ஏக்கர் வனப்பகுதி எரிந்து சாம்பலாகி உள்ளதுடன் 4 ஆயிரத்துக்கும் மேற்பட்ட கட்டிடங்கள் தீக்கிரையாகியுள்ளன.

மேலும் பெரும் தீ காரணமாக மின்சாரம் துண்டிக்கப்பட்டுள்ளதால் 5 லட்சத்துக்கும் மேற்பட்டோர் மின்சார வசதியின்றி உள்ளனா்.

கொளுந்து விட்டு எரியும் நெருப்பு காரணமாக கலிபோர்னியாவின் பெரும்பகுதியில் வெப்பநிலை உயர்ந்துள்ளது.கலிபோர்னியா மாகாணத்தில் 28 இடங்களில் பற்றி எரிந்து வரும் காட்டுத் தீயை அணைக்கும் பணியில் 16 ஆயிரத்துக்கும் அதிகமான தீயணைப்பு வீரர்கள் ஈடுபடுத்தப்பட்டுள்ளனர்.

அதேவேளை கலிபோர்னியாவில் பற்றிய நெருப்பு அங்கிருந்து ஒரேகான் மற்றும் வோஷிங்டன் மாகாணங்களுக்கும் பரவியதனால் ஒரேகான் மாகாணத்தில் இதுவரை 10 லட்சம் ஏக்கர் வனப்பகுதி எரிந்து சாம்பலாகி உள்ளது.

ஒரேகான் மாகாணத்தில் காட்டுத் தீயால் 5 சிறிய நகரங்கள் முற்றிலும் அழிந்து விட்டதாகவும், சுமார் 40 ஆயிரம் மக்கள் வீடுகளை இழந்து நிவாரண முகாம்களில் தங்க வைக்கப்பட்டுள்ளதாகவும் மாகாண ஆளுநர் கேட் பிரவுன் தெரிவித்துள்ளார்.

மேலும் நெருப்பினால் ஏற்பட்ட புகையால் அங்கு சுற்றுச் சூழல் கடுமையாகப் பாதிக்கப்பட்டுள்ளது.

அந்த மாகாணத்தில் காற்றின் தரம் மிகவும் மோசமாக இருப்பதாக தெரிவித்துள்ள தேசிய வானிலை ஆய்வு மையம், அத்தியாவசியத் தேவைகளைத் தவிர்த்து வேறு எதற்காகவும் மக்கள் வெளியே வராமல் வீடுகளுக்குள்ளேயே இருக்கும்படி அறிவுறுத்தியுள்ளது.

இதேபோன்று வோஷிங்டன் மாகாணத்தில் பற்றி எரிந்து வரும் காட்டுத் தீயால் சுமார் 2 லட்சம் ஏக்கர் வனப்பகுதி அழிந்துவிட்டதாகவும் நூற்றுக்கணக்கான மக்கள் வீடுகளை இழந்து உள்ளதாகவும் தகவல்கள் வெளியாகி உள்ளன.

காட்டுத்தீயில் சிக்கி கலிபோர்னியா மாகாணத்தில் மட்டும் இதுவரை 19 பேர் உயிரிழந்துள்ளதுடன் பலா் காணாமல் போயுள்ளதாகவும் தொிவிக்கப்படுகின்றது.

இதனிடையே ஒரேகான் மாகாணத்தில் காட்டுத்தீயில் சிக்கி நேற்று முன்தினம் ஒரே நாளில் 7 பேர் உயிரிழந்தனர். அங்கு ஏற்கனவே ஒருவர் காட்டுத்தீக்கு பலியான நிலையில் பலி எண்ணிக்கை 8 ஆக உயர்ந்துள்ளது.

அதேபோல் வோஷிங்டன் மாகாணத்தில் நேற்று முன்தினம் 1 வயதான குழந்தை காட்டுத்தீயில் சிக்கி உயிரிழந்தது. இதன் மூலம் மேற்குத் கடற்கரையோர மாகாணங்களில் காட்டுத்தீக்கு பலியானோர் எண்ணிக்கை 28 ஆக உயர்ந்துள்ளது.

காட்டுத் தீயை கட்டுக்குள் கொண்டுவர ஆயிரக்கணக்கான தீயணைப்பு வீரர்கள் இரவு பகல் பாராமல் போராடி வருகின்றனா் என்பது குறிப்பிடத்தக்கது #அமெரிக்கா #காட்டுத்தீ #பேரழிவு #உயிாிழப்பு #கலிபோர்னியா#வோஷிங்டன்

கொலை குற்றச்சாட்டு சுமத்தப்பட்டுள்ள இளம் மல்யுத்த வீரர் ஒருவரை விடுவிக்க வேண்டுமென்ற சர்வதேச நாடுகளின் கோரிக்கையை நிராகரித்த ஈரான் அவருக்கு மரண தண்டனையை நிறைவேற்றியுள்ளது.

2018இல் அரசாங்கத்துக்கு எதிராக நடைபெற்ற போராட்டத்தின் போது பாதுகாப்புக் காவலர் ஒருவர் கொலை செய்யப்பட்ட வழக்கில் 27 வயதான நவீத் அஃப்காரிக்கு மரண தண்டனை விதிக்கப்பட்டது. ஒப்புதல் வாக்குமூலம் கொடுக்க வைப்பதற்காக தான் சித்திரவதை செய்யப்பட்டதாக வீத் அஃப்காரி தொிவித்து வந்த நிலையில் அவருக்கு நிறைவேற்றப்பட்டுள்ள மரண தண்டனையை நீதியின் பரிதாப நிலை என சர்வதேச மனித உரிமை அமைப்பான அம்னஸ்டி இன்டர்நஷனல் அமைப்பு குறிப்பிட்டுள்ளது.

மரண தண்டனை நிறைவேற்றப்படுவதற்கு முன்பு அஃப்காரி பேசிய பதிவு ஒன்று கசிந்துள்ளது. அதில், ஒருவேளை நான் தூக்கிலிடப்பட்டால், நான் ஓர் அப்பாவி என்பதையும், இதற்கு எதிராக முழு பலத்தோடு போராடிய போதிலும், தூக்கிலிடப்பட்டேன் என்பதையும் நீங்கள் அறிந்து கொள்ள விரும்புகிறேன் எனத் தொிவித்துள்ளாா்.

ஈரானின் தெற்குப்பகுதியிலுள்ள நகரமான ஷிராஸில் அஃப்காரி தூக்கிலிடப்பட்டார் என்று அந்த நாட்டின் அரசு ஊடகங்கள் தெரிவித்துள்ளன.

தூக்கிலிடப்படுவதற்கு முன்னர் அவா்களது குடும்பத்தினரை சந்திக்க ஈரானின் சட்டம் அனுமதியளித்துள்ள போதிலும், அஃப்காரிக்கு அந்த உரிமை மறுக்கப்பட்டதாக அவரது வழக்கறிஞர் தெரிவித்துள்ளார்.

நவீத் அஃப்காரிக்கு விதிக்கப்பட்ட மரண தண்டனையை நிறுத்துமாறு உலகெங்கிலும் 85,000 விளையாட்டு வீரர்களை உறுப்பினர்களாக கொண்ட தொழிற்சங்கம் உட்பட, பல்வேறு தரப்பிலிருந்தும் கோரிக்கைகள் எழுந்திருந்தன.

போராட்டங்களில் பங்கேற்றதற்காக அவர் அநியாயமாக குறிவைக்கப்பட்டார் எனவும் மரண தண்டனையை நிறைவேற்றினால் ஈரான் உலக விளையாட்டிலிருந்து வெளியேற்றப்பட வேண்டும் எனவும் உலக வீரர்கள் சங்கம் தெரிவித்திருந்தமை குறிப்பிடத்தக்கது #ஈரான் #தூக்கிலிடப்பட்ட #கொலைக்குற்றம் #மல்யுத்தவீரர்  #நவீத்அஃப்காரி

கொரோனாவிற்கான ரஸ்யாவின் தடுப்பூசியின் மக்களுக்கான வினியோகம் ஆரம்பமாகியுள்ளதாக அதிகாரப்பூர்வமாக அறிவிக்கப்பட்டுள்ளது. கொரோனா வைரஸ் பெருந்தொற்று நோயை தடுத்து நிறுத்துவதற்காக ரஸ்யாவில் ஸ்புட்னிக்-5 என்ற தடுப்பூசி உருவாக்கப்பட்டுள்ளது.

அந்த நாட்டின் பாதுகாப்பு அமைச்சும், கமலேயா தேசிய தொற்றுநோயியல் மற்றும் நுண்ணுயிரியல் ஆராய்ச்சி மையமும் இணைந்து உருவாக்கியுள்ள இந்த தடுப்பூசியை ரஸ்யா முறைப்படி பதிவு செய்துள்ளது.

இந்த தடுப்பூசியை மனிதர்களுக்கு செலுத்தி பார்க்கும் 3-வது இறுதிக்கட்ட மருத்துவ பரிசோதனையும் ஆரம்பமாகியுள்ள நிலையில் இந்த சோதனையின்போது 31 ஆயிரம் தன்னார்வலர்களுக்கு தடுப்பூசி போட்டு சோதிக்கப்படுகிறது.

இதற்கு மத்தியில், கொரோனா பாதிப்புக்கு ஆளாகாமல் தடுப்பதற்கு மக்கள் பயன்பாட்டுக்காக இந்த தடுப்பூசியின் வினியோகம் தொடங்கி உள்ளதென ரஸ்ய சுகாதார அமைச்சு நேற்றையதினம் அதிகாரப்பூர்வமாக அறிவித்துள்ளது.

கமலேயா தேசிய தொற்றுநோயியல் மற்றும் நுண்ணுயிரியல் ஆராய்ச்சி மையத்தால் உருவாக்கப்பட்ட தடுப்பூசியின் முதல் தொகுதி ரஸ்ய பிராந்தியங்களுக்கு அனுப்பப்பட்டுள்ளது. முதல் வினியோகமானது, தடுப்பூசியை பரவலாக்கும். மிகவும் பாதிக்கப்படக்கூடிய மக்களுக்கு கொரோனா தடுப்பூசி முதலில் போடப்படும் என ரஸ்ய சுகாதார அமைச்சு வெளியிட்ட அறிக்கையில் கூறப்பட்டுள்ளது.

உலகிலேயே ரஸ்யாவில்தான் கொரோனா தடுப்பூசி முதன்முதலாக மக்கள் பயன்பாட்டுக்கு வருகிறது என்பது குறிப்பிடத்தக்கது. #கொரோனா #ரஸ்யா #தடுப்பூசி #அதிகாரப்பூர்வ #ஸ்புட்னிக்-5

பிாித்தானியாவின் ஒக்ஸ்போர்ட் பல்கலைக்கழகத்துடன் இணைந்து ஆஸ்ட்ரா செனகா நிறுவனம் மேற்கொண்டு வந்த கொரோனாவுக்கு எதிரான தடுப்பு மருந்து தயாரிக்கும் நடவடிக்கை மீண்டும் தொடங்கப்பட்டுள்ளது.

கொரோனா வைரஸ் தொற்றுக்கான தடுப்பு மருந்தை கண்டுபிடிக்கும் பணியில் பலநாடுகள் தீவிரமாக ஈடுபட்டுள்ள நிலையில் ஒக்ஸ்போர்ட் பல்கலைக்கழகத்துடன் இணைந்து ஆஸ்ட்ரா செனகா நிறுவனம் பாிசோதனை செய்து வந்த   AZD1222- என்ற தடுப்பூசிதான் உலக அளவில் மிகவும் எதிர்பார்க்கப்படும் தடுப்பு மருந்தாக கருதப்பட்டது.

உலக அளவில் இறுதி கட்ட பரிசோதனையில் உள்ள 9 தடுப்பூசிகளில் ஆஸ்ட்ரா  செனகாவும் ஒன்றாகவிருந்த நிலையில் பாிசோதனைக்குள்ளான தன்னார்வலருக்கு ஏற்பட்டுள்ள உடல் நலக்குறைவால் ஆஸ்ட்ராசெனகா தடுப்பூசி பரிசோதனை நிறுத்தப்பட்டிருந்தது.

முதல் மற்றும் இரண்டாம் கட்ட பரிசோதனைகள் வெற்றிகரமாக முடிவடைந்த நிலையில், சந்தைக்கு வரக்கூடிய முதல் கொரோனா தடுப்பூசி இதுவாக இருக்கலாம் என கருதப்பட்ட நிலையில் தடுப்பூசி பரிசோதனை நிறுத்தப்பட்டிருந்தது.

இந்நிலையில் பிரித்தானியாவின் மருந்து ஒழுங்குமுறை ஆணையகத்தின் ஒப்புதலுக்குப் பின்னா் பரிசோதனை மீண்டும் தொடங்கப்பட்டுள்ளதாக ஆஸ்ட்ராசெனிகா நிறுவனம் நேற்று தெரிவித்துள்ளது.

பரிசோதனைக்கு உட்படுத்தப்பட்ட தன்னார்வலருக்கு ஏற்பட்ட பாதிப்பு குறித்து, விசாரணைக் குழு ஆய்வு செய்து, மீண்டும் பரிசோதனை தொடங்குவது பாதுகாப்பானது என ஆணையகத்துக்குப் பரிந்துரை செய்துள்ள நிலையில் மீண்டும் பரிசோதனை மேற்கொள்ள அனுமதி வழங்கப்பட்டுள்ளது.

இந்த விவகாரம் தொடர்பாக மேலதிக தகவல்களை வெளியிட முடியாது என மருந்து தயாரிப்பு நிறுவனம் தெரிவித்துள்ளமை குறிப்பிடத்தக்கது #ஒக்ஸ்போர்ட் #கொரோனா #தடுப்புமருந்து #நிறுத்தம் #ஆஸ்ட்ராசெனகா #தன்னார்வலர்

கொங்கோ நாட்டில் தங்க சுரங்கம் இடிந்து விழுந்ததில் 50 தொழிலாளர்கள் உயிரிழந்ததாக தகவல் வெளியாகி உள்ளது. கொங்கோ நாட்டில் கிழக்கு பகுதியில் உள்ள கமிட்டுகா அருகே உள்ள தங்க சுரங்கத்தில் தொழிலாளர்கள் பலர் பணியாற்றிய நிலையில் அப்பகுதியில் பலத்த மழை பெய்தது.

இதனால் தங்க சுரங்கம் இடிந்து விழுந்தது. இதில் மண்ணுக்குள் தொழிலாளர்கள் பலர் சிக்கி கொண்ட நிலையில் 50 தொழிலாளர்கள் உயிரிழந்துள்ளதாக உள்ளூர் சுரங்க தன்னார்வ தொண்டு நிறுவனம் தெரிவித்துள்ளது. #கொங்கோ #தங்கசுரங்கம் #தொழிலாளர்கள் #பலி

லெபனானின் பெய்ரூட் துறைமுகத்தில் வாகன ஒயில், ரயர்கள் மற்றும் உதிரிப்பாகங்கள் சேமிக்கப்பட்டிருந்த களஞ்சியம் ஒன்றில் பெரும் தீ பற்றியுள்ளதாக செய்திகள் வருகின்றன.

நகரை நிர்மூலமாக்கிய பெரும் வெடிப்புகள் நிகழ்ந்து ஒருமாதத்துக்கும் சற்று அதிக காலப்பகுதிக்குள் அதே துறைமுகப்பகுதியில் ஏற்பட்டிருக்கும் இந்தத் தீ அனர்த்தம் நகரவாசிகளை மீண்டும் கிலி கொள்ள வைத்திருக்கிறது.
துறைமுகப்பகுதியில் இருந்து பெரும் கரும்புகை மண்டலம் மேலெழும் காட்சிகளை பலரும் சமூக வலைத்தளங்களில் பதிவிட்டுள்ளனர்.

துறைமுகத்தின் சுதந்திர வர்த்தக வலயப்பகுதியில் உள்ள களஞ்சியம் ஒன்றிலேயே தீ பரவியுள்ளது என்பதை இராணுவம் உறுதி செய்துள்ளது. தீயை அணைக்கும் முயற்சியில் ஹெலிக்கொப்ரர்கள் ஈடுபட்டிருப்பதை அரசுத் தொலைக்காட்சி ஒளிபரப்பி உள்ளது.

நிலைமையை அவதானித்து வருவதாகத் தெரிவித்திருக்கும் பிரான்ஸின் அதிபர் மாளிகை வட்டாரங்கள் தேவையேற்பட்டால் தீயணைப்பு உதவிகளை வழங்கத் தயாராக இருப்பதாகத் தெரிவித்துள்ளன.
இந்தத் தீயினால் பொது மக்களுக்கு பெரிய அளவில் பாதிப்பு ஏதும் இல்லை என்று லெபனான் செஞ்சிலுவைச்சங்கப் பிரதிநிதி ஒருவர் தெரிவித்துள்ளார்.

எனினும் மக்களை அப்பகுதியை விட்டு வெளியேறுமாறு அறிவிக்கப்பட்டுள்ளது.

பெய்ரூட் துறைமுகப்பகுதியில் கடந்த மாதம் 4ஆம் திகதி பெருந்தொகையில் அமோனியம் நைத்ரேட் இரசாயனம் சேமிக்கப்பட்டிருந்த களஞ்சியங்கள் வெடித்துச் சிதறியதில் நகரின் பெரும்பகுதி அழிவுண்டமை தெரிந்ததே. இந்த அனர்த்தத்தில் 192 பேர் உயிரிழந்தனர். ஆறாயிரத்து 500 பேர்வரை காயமடைந்தனர்.

Kumarathasan Karthigesu FB

கிரீஸ் நாட்டில் உள்ள ஐரோப்பாவின் மிகப்பெரிய அகதிகள் முகாமில் பயங்கர தீ விபத்து ஏற்பட்டது. இதனால் 13 ஆயிரம் பேர் தங்குமிடத்தை இழக்கும் சூழல் ஏற்பட்டுள்ளது.

கிரீஸ் நாட்டின் லஸ்போஸ் தீவின் மொரியா நகரில் அமைந்துள்ள இந்த குடியிருப்பு பகுதியில் 13 ஆயிரம் அகதிகள் தங்கவைக்கப்பட்டுள்ளனர்.

இந்த அகதிகள் குடியிருப்பில் 70 சதவிகிதம் பேர் ஆப்கானிஸ்தான் நாட்டை சேர்ந்தவர்கள் தங்கியுள்ள நிலையில் அந்த குடியிருப்பு பகுதியை சுற்றிலும் தடுப்புச்சுவர்கள் அமைக்கப்பட்டுள்ளது.

குறித்த அகதிகள் குடியிருப்பில் தங்கி இருந்து 35 அகதிகளுக்கு கொரோனா தொற்று உறுதி செய்யப்பட்டிருந்தததையடுத்து அவர்களை தனிமைப்படுத்த அதிகாரிகள் முயற்சி மேற்கொண்ட போதும் அவா்கள் தங்கள் குடும்பத்தை விட்டு பிரிந்து வர விரும்பவில்லை.

இதனால் அகதிகள் குடியிருப்பு பகுதியில் கொரோனா பரவலாம் என்ற அச்சம் நிலவி வந்தநிலையில், இந்த அகதிகள் குடியிருப்பு பகுதியில் நேற்று அடுத்தடுத்து பயங்கர தீவிபத்து ஏற்பட்டுள்ளது.

குடியிருப்பில் வசித்து வந்த அகதிகள் சிலர் வேண்டுமென்றே திட்டமிட்டே இந்த தீ விபத்தை ஏற்படுத்தி இருக்கலாம் என குற்றச்சாட்டுகள் எழுந்துள்ள அதேவேளை அங்கு தங்கியிருந்த அகதிகளுக்கும், கிரீஸ் பாதுகாப்பு படையினருக்கும் நேற்று திடீரென மோதல் ஏற்பட்டதாகவும் இந்த மோதலின் காரணமாக இந்த தீவிபத்து ஏற்பட்டதாகவும் குற்றம் சாட்டப்பட்டுள்ளது.

அத்துடன் அகதிகள் குடியிருப்பு அமைந்துள்ள பகுதியில் வசித்து வரும் கிரீஸ் நாட்டு மக்கள் இந்த குடியிருப்பு தங்கள் பகுதியில் இருப்பதை விரும்பவில்லை எனவும், அவர்கள் தான் குடியிருப்புக்கு தீ வைத்துள்ளனர் எனவும் குற்றச்சாட்டுகள் எழுந்துள்ளன.

எனினும் குடியிருப்பு பகுதியில் பல இடங்களில் ஏற்பட்ட இந்த தீ விபத்துக்கான உண்மையான காரணம் தற்போது வரை வெளியாகவில்லை.

இந்த தீ விபத்தால் அகதிகள் குடியிருப்புகள் முழுவதும் தீக்கிரையாகி முற்றிலும் அழிந்து விட்டது எனவும் தீயை அணைக்கவந்த தீயணைப்பு படையினரை அகதிகள் சிலர் தாக்கியதாகவும் குற்றச்சாட்டுகள் எழுந்துள்ளன.

தீ விபத்தால் அகதிகள் முகாம்களில் தங்கியிருந்த 13 ஆயிரம் பேர் தங்கள் குடியிருப்பை இழந்துள்ளனர். அவர்கள் மொரியா நகரவீதிகளில் தஞ்சமடைந்துள்ளனர். இந்த சம்பவத்தை தொடர்ந்து பாதுகாப்பு பலப்படுத்தப்பட்டுள்ளது. மேலும், மொரியா நகரில் இருந்து அகதிகள் யாரும் வெளியே செல்லாத அளவிற்கு நகரின் எல்லைகள் மூடப்பட்டுள்ளதாக தொிவிக்கப்பட்டுள்ளது

இந்த சம்பவத்தை தொடர்ந்து அகதிகளுக்கான தற்காலிக முகாம்களை அமைக்கும் பணிகள் தீவிரமாக நடைபெற்று வருகிறது. மேலும், இந்த தீவிபத்துக்கான காரணம் குறித்து விசாரணை நடைபெற்று வருகிறது. #கிரீஸ் #ஐரோப்பா #அகதிகள்முகாம் #தீவிபத்து

பிாித்தானியாவில் எதிா்வரும் திங்கட்கிழமை முதல் ஆறு போ் மட்டுமே ஒன்று கூட முடியுமென பிரதமா் பொரிஸ் ஜோன்சன் அறிவித்ஹதுள்ளாா்.

பிாித்தானியாவில் கொரோனா வைரஸ் தொற்றுப் பாதிப்பு கடுமையான உயர்வு ஏற்பட்டுள்ளமையை சுட்டிக்காட்டியுள்ள பிரதமா் பொரிஸ் ஜோன்சன், கொரோனா வைரசின் இரண்டாவது அலையை நிறுத்த பிாித்தானிய மக்கள் ஒத்துழைக்க வேண்டும் எனத் தொிவித்துள்ளாா்.

அந்தவகையில் மக்கள் கூடுவதனை ஆறு பேராக குறைப்பதற்கான தனது முடிவை பிரதமர் அறிவித்துள்ளாா். காலப்போக்கில் இந்த கட்டுப்பாட்டு விதிகள் மிகவும் சிக்கலானதாகவும், குழப்பமானதாகவும் மாறிவிட்டன என்பது தனக்குத் தெரியும் என அவா் குறிப்பிட்டுள்ளாா்.

ஆறு பேர் மட்டும் கூடுவது என்பது எந்த இடத்திலும் உள்ள அனைத்து கூட்டங்களுக்கும் பொருந்தும் எனவும் அவா் தொிவித்துள்ளாா்.

மேலும் இந்த அறிவித்தலானது இரண்டாவது முடக்கநிலை அல்ல எனக் குறிப்பிட்டுள்ள பிரதமா் இதன் நோக்கம் இரண்டாவது தேசிய பூட்டுதலைத் தவிர்ப்பதுதான் எனவும் தொிவித்துள்ளாா்.

மேலும் தனியார் வீடுகள், பூங்காக்கள், விடுதிகள் மற்றும் உணவகங்கள் உள்ளிட்ட உட்புற மற்றும் வெளிப்புற கூட்டங்களுக்கு இந்த தடை பொருந்தும் எனவும அவா் தொிவித்துள்ளாா்.

இதேவேளை வீடு அல்லாத 6 பேரை விட அதிகமாக இருக்கும் இடம் அல்லது வேலைத் தளங்கள், கல்விக் கூடங்களுக்கு விதிவிலக்கு அளிக்கப்படும் எனவும் இது போல், திருமணங்கள், இறுதி சடங்குகள் மற்றும் ஒழுங்கமைக்கப்பட்ட குழு விளையாட்டுகளுக்கும் விலக்கு அளிக்கப்படும் எனவும் குறிப்பிட்டுள்ளாா். #பிாித்தானியா #ஒன்றுகூட #பொரிஸ்ஜோன்சன் #கொரோனா

பத்திாிகையாளா் ஜமால் கஷோகி கொலை வழக்கில் குற்றம் சுமத்தப்பட்ட 5 பேரின் மரண தண்டனை ரத்து செய்யப்பட்டு அவா்களுக்கு 20 ஆண்டு சிறைத் தண்டனை வழங்கி உச்சநீதிமன்றம் உத்தரவிட்டுள்ளது.

சவுதி அரேபியாவைச் சேர்ந்த பத்திரிகையாளரான ஜமால் கஷோகி அமெரிக்காவின் பிரபல பத்திரிகையில் சவுதி அரசின் கொள்கைகளுக்கு எதிராகவும், பட்டத்து இளவரசருக்கு எதிராகவும் கட்டுரைகளை எழுதி வந்த நிலையில் கடந்த 2018 ஒக்டோபர் மாதம் துருக்கியின் இஸ்தான்புல் நகரில் உள்ள சவுதி அரேபியாவின் தூதரகத்துக்கு சென்ற நிலையில் கொல்லப்பட்டிருந்தாா்

சவுதி அரேபியா அரசு தான் இந்த கொலையைத் திட்டமிட்டு நிகழ்த்தியதாக தொிவித்த துருக்கி அதற்கான ஆதாரங்களையும் வெளியிட்டிருந்தது.

மேலும், ஜமால் கொலை செய்யப்பட்டதின் பின்னணியில் சவுதி அரேபியா பட்டத்து இளவரசர் முகமது பின் சல்மான் இருப்பதாகவும் துருக்கி தொிவித்தது.

எனினும் தன் மீதான குற்றச்சாட்டை பட்டத்து இளவரசர் திட்டவட்டமாக மறுத்த நிலையில் ஜமால் கொலை தொடர்பாக சவுதி அரேபியாவில் 11 பேர் கைது செய்யப்பட்டனர். அவர்களில் கொலையில் நேரடியாக தொடர்புடைய 5 பேருக்கு மரண தண்டனையும், 3 பேருக்கு சிறைத் தண்டனையும் விதித்து சவுதி அரேபியா உச்சநீதிமன்றம் கடந்த டிசம்பர் மாதம் தீர்ப்பு வழங்கியது.

இந்த நிலையில் தற்போது ஜமால் கொலை வழக்கில் மரணதண்டனை விதிக்கப்பட்ட 5 போின் மரண தண்டனையை சவுதி அரேபியா உச்சநீதிமன்றம் ரத்து செய்து அவர்களுக்கு சிறை தண்டனை விதித்துள்ளமை குறிப்பிடத்தக்கது #ஜமால்கஷோகி #கொலை #மரணதண்டனை #ரத்து #சவுதி #பத்திாிகையாளா்