SPORTS

විස්සයි 20 තරඟාවලියේ ජය ඉන්දියාවට

ශ්‍රී ලංකාව සමග පැවති තුන්වන හා අවසන් 20 යි 20 තරගයෙන් කඩුලු 5 ක ජයක් ලබාගැනීමට ඉන්දීය කණ්ඩායම ඊයේ (24) සමත් විය.

කාසිය වාසිය දිනූ ඉන්දීය කණ්ඩායමේ ආරාධනයෙන් පළමුවෙන් පන්දුවට පහර දුන් ශ්‍රී ලංකා කණ්ඩායම නියමිත පන්දු වාර 20 අවසානයේ කඩුලු 7ක් දැවී ලකුණු 135ක් ලබා ගැනීමට සමත් විය.

ශ්‍රී ලංකා කණ්ඩායම වෙනුවෙන් අසේල ගුණරත්න ලකුණු 36ක් හා දසුන් ශානක නොදැවී ලකුණු 29ක් ලබා ගත්තේය.

පන්දු යැවීමේදී ජාදෙව් උන්ද්කාත් සහ හර්දික් පාන්ඩ්යා කඩුලු දෙක බැගින් බිඳ හෙළිමට සමත් විය.

පිළිතුරු ඉනිම සඳහා පන්දුවට පහරදුන් ඉන්දීය කණ්ඩායම පන්දුවාර 19 යි පන්දු 2 ක් අවසානයේ කඩුළු 5ක් දැවී ජයග්‍රාහී ඉලක්කය පසු කිරීමට සමත් විය.

මනීෂ් පාන්ඩේ ලකුණු 32 ක් හා ශ්‍රෙයාස් අයියර් ලකුණු 30 ක් ලබාගත් අතර රෝහිත් ශර්මා ලකුණු 27 කට දැවී ගිය අතර දිනේශ් කාර්තික් නොදැවී ලකුණු 18 ක් ලබා ගත්තේය.

පන්දු යැවීමේදී දුෂ්මන්ත චමීර සහ දසුන් චානක කඩුුලු 2 බැගින් බිඳ හෙළීමට සමත් විය.

ඒ අනුව තරග 3 කින් සමන්විත 20 යි 20 තරගාවලිය 3 ට බින්දුවක් ලෙස ඉන්දියාවට ජය හිමි කරගත්තේය.