இலங்கை பிரதான செய்திகள்

பன்னங்கண்டி மக்களின் போராட்டம் 39 வது நாளை எட்டியுள்ளது:-

கிளிநொச்சி கரைச்சி பிரதேச செயலக பிரிவுக்குட்பட்ட பன்னங்கண்டி கிராம மக்கள் காணி உரிமை கோரி ஆரம்பித்த போராட்டம் இன்று சனிக்கிழமை முப்பத்தொன்பதாவது நாளை எட்டியுள்ளது.

குறித்த மக்கள் 1990 களிலிருந்து குறித்த பிரதேசங்களில் குடியிருந்து வருகின்ற போதும் அவர்கள் குடியிருக்கும் காணி தனியாருக்குச் சொந்தமானதாக இருப்பதனால் காணி உரிமம் இன்றியே வாழ்ந்து வந்துள்ளனர். இதனால் வீட்டுத்திட்டம் உள்ளிட்ட உதவி திட்டங்களை பெறமுடியாது மிகவும் நெருக்கடியான நிலைமைகளில் வாழ்ந்து வருகின்றனர். ஏற்கனவே வறுமைக் கோட்டிற்குள் வாழ்ந்த மக்களுக்கு மீள்குடியேற்றத்திற்கு பின்னர் அரச அரசசார்பற்ற நிறுவனங்கள் மூலம் வழங்கப்பட்ட எவ்வித உதவிகளும் கிடைக்காமையினால் அவர்களின் பொருளாதார நிலைமைகள் மேலும் பின்தள்ளப்பட்ட நிலையிலேயே மக்கள் இந்த கவனயீர்ப்பு போராட்டத்தை ஆரம்பித்துள்ளனர்.

தங்களுக்கு காணி உரிமம் வழங்கப்பட்டு அதன் பின்னர் வீட்டுத்திட்டம் உள்ள்pட்ட அடிப்படை வசதிகளையும் ஏற்படுத்தி தருமாறு கோரிக்கையை முன்வைத்தே கவனயீர்ப்பு போராட்டத்தை ஆரம்பித்துள்ளனர்.

Add Comment

Click here to post a comment

Your email address will not be published. Required fields are marked *