இலங்கை பிரதான செய்திகள்

உழவு இயந்திரத்தால் மோதி நண்பனை கொன்ற நண்பன்

 

குளோபல் தமிழ்ச்செய்தியாளர்

யாழ். வடமராட்சி பகுதியில் உழவு இயந்திரத்தால் மோதி குடும்பஸ்தர் ஒருவரை அவரது நண்பர் கொலை செய்துள்ளார் என பருத்தித்துறை காவல்துறையினர்; தெரிவித்துள்ளனர்.   பருத்தித்துறை முதலாம் கட்டை பகுதியை சேர்ந்த 3 பிள்ளைகளின் தந்தையான சிதம்பரப்பிள்ளை சிவபாலன் (வயது 48) என்பவரே அவ்வாறு கொலை செய்யப்பட்டார்.

குறித்த சம்பவம் தொடர்பில் தெரியவருவதாவது ,

கொலையுண்ட நபர் பேக்கரி உரிமையாளராவார். அவர் தனது நண்பர்களுடன் இணைந்து இன்று சனிக்கிழமை அதிகாலை 1 மணியளவில் மது அருந்தி உள்ளார்.    போதை நிலையில் நண்பர்களுக்கு இடையில் கருத்து முரண்பாடு ஏற்பட்டு உள்ளது.

அதன் பின்னர் கொலையுண்ட நபர் அங்கிருந்து சென்றுள்ளார். இதனைத்தொடர்ந்து  அவருடன் முரண்பட்ட நண்பர் தனது உழவு இயந்திரத்தை எடுத்து சென்று , உழவு இயந்திரத்தால் மோதி அவரை கொலை செய்துள்ளார்.

குறித்த சம்பவம் தொடர்பில் விசாரணைகளை மேற்கொண்ட  காவல்துறையினர் அதேயிடத்தை சேர்ந்த 43 வயதுடைய உழவு இயந்திர சாரதியை கைது செய்துள்ளனர்.

Add Comment

Click here to post a comment

Leave a Reply