අමෙරිකානු ජනපතිවරණයෙන් ජයගත් රිපබ්ලිකන් පක්ෂ අපේක්ෂක ඩොනල්ඩ් ට්‍රම්ප්ට ජනපති මෛත්‍රිපාල සිරිසේන සහ අග්‍රාමාත්‍ය රනිල් වික්‍රමසිංහ යන අය සිය ට්විටර් ගිණුම් හරහා සුබපතා තිබේ.
ඓතිහාසික ජයග්‍රහණයක් ලබා ගනිමින් ඇමරිකාවේ ජනාධිපති ධුරය සඳහා තේරුණු ඩොනල්ඩ් ට්‍රම්ප් වෙත උණුසුම් සුබ පැතුම් පිරිනමන බව ශ්‍රී ලංකා ජනාධිපති මෛත්‍රිපාල සිරිසේන මහතා පවසයි.
මේ අතර අග්‍රාමාත්‍ය රනිල් වික්‍රමසිංහ මහතාද ට්‍රම්ප්ගේ ජයග්‍රහණයට සුබපතමින් සඳහන් කර ඇත්තේ ධවල මන්දිරයට යන මං පෙතේ දී ලැබූ අපූර්ව හා ඵෙතිහාසික ජයග්‍රහණයට සුබ පතන බවත්, අමෙරිකානු ජනපති ඇතුළු කණ්ඩායම සමග ඉදිරියේදී ශ්‍රී ලංකාව සහයෝගයෙන් වැඩ කිරීමට බලාපොරොත්තු වන බවයි.
ඊයේ පැවැති අමෙරිකානු ජනාධිපතිවරණයෙන් ඇමරිකා එක්සත් ජනපදයේ 45වැනි ජනපති පදවියට රිපබ්ලිකන් පක්ෂ අපේක්ෂක ඩොනල්ඩ් ට්‍රම්ප්ට තේරීපත්විය.
Add Comment