යාපනය දිස්ත්‍රිකයේ මයිලඩි ධිවර වරාය (Myladi Fisheries Harbour) සහ තවත් ආරක්‍ෂක හමුදාවන් විසින් භාවිතා කරන ලද අක්කර 54ක භුමි ප්‍රදේශයක් අද ( 03) මහජනතාව වෙනුවෙන් නිදහස් කිරීමට යාපන ආරක්‍ෂක සේනා මුලස්ථානය කටයුතු කර තිබේ.
ඉකුත් ඉඩම් දිස්ත්‍රික්ක දිසාපතිවරයා වෙත භාරදී ඇති අතර, එම ප්‍රදේශයේ පවුල් 50ක පමණ ජනතාව නැවැත පදිංචීමට නියමිත බව ද පැවැසේ.
විශේෂයෙන් මයිලඩි වරාය සහ අවට ඉඩම් අක්කර 54ක්ම වසර 27කට පසු නිදහස් කර තිබේ. ඒ අනුව මයිලඩි වරාය ඇතුළු ඉකුත් ඉඩම්වල ඔප්පු ලේඛණ යාපනය දිස්ත්‍රික්ක හමුදා ආඥාපති හෙට්ටියාරච්චි මහතා විසින් යාපනය දිස්ත්‍රික්ක දිසාපති එන්. වේදනායකම් මහතා වෙත නිල වශයෙන් භාරදී තිබේ.
Add Comment