පැල්මඩුල්ල සහ මාලබේ ප්‍රදේශවල සිදු වූ අනතුරුවලින් පුද්ගලයින් දෙදෙනෙකු ජීවිතක්ෂයට පත්ව තිබේ.
පැල්මඩුල්ල විද්‍යාල මාවත හන්දිය අසලදී මාර්ගය හරහා ගමන් කළ පදිකයෙකු කැබ් රථයක ගැටීමෙන් සිඳුවූ අනතුරෙන් බරපතල ලෙස තුවාල ලැබූ ඔහුව පැල්මඩුල්ල රෝහලට ඇතුලත් කිරීමෙන් අනතුරුව ජීවිතක්ෂයට පත්ව තිබේ. අනතුර සම්බන්ධයෙන් කැබ් රථයේ රියදුරු අත්අඩංගුවට ගෙන ඇති අතර, අනතුරෙන් රත්නපුර ප්‍රදේශයේ පදිංචි පනස් හතර හැවිරිදි පුද්ගලයෙකු ජීවිතක්ෂයට පත්ව ඇති බව හදුනාගෙන තිබේ.
මේ අතර මාලබේ ප්‍රදේශයේදී පදික කාන්තාවක් බස් රථයක ගැටීමෙන් සිඳුවූ අනතුරේන බරපතල ලෙස තුවාල ලැබූ ඇයව නෙවිල් ප්‍රනාන්දු රෝහලට ඇතුළත් කෙරුණු අතර වැඩිදුර ප්‍රතිකාර සදහා ජාතික රෝහලට මාරු කර යවා තිබේ. එහිදී එම කාන්තාව ජීවිතක්ෂයට පත්ව තිබේ. අනතුර සම්බන්ධයෙන් බස් රථ රියදුරු අත්අඩංගුවට ගැනුණු අතර අතුරුගිරිය පොලීසිය වැඩිදුර විමර්ශන පවත්වයි.
Add Comment