පළාත් පාලන මැතිවරණය පැවැත්වීමට පෙර එහි අපේක්ෂකයන් හට අදාළ මැතිවරණය සඳහා මුදල් වියදම් කළ හැකි සීමාවන් දක්වන නීති හඳුන්වා දිය යුතු බව පැෆ්රල් සංවිධානය අවධාරණය කර සිටියි.
පැෆ්රල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා විසින් මෙම අදහස් පළ කර සිටින අතර අදාළ නීති හදුන්වාදීමට කටයුතු නොකළහොත් මැතිවරණයේදී මනාප මිලදී ගැනීමේ තත්ත්වයක් උදාවනු ඇති බවත් ඒ මහතා වැඩිදුරටත් අවධාරණය කර සිටියි.
මේ අතර, සීමා නිර්ණය කිරීමේ කටයුතු අවසන් කළ හෝ දැනට කල් ඉකුත් පළාත් පාලන ආයතන වල මැතිවරණය වහාම පවත්වන ලෙස මැතිවරණ කොමිසම ඇතුළු බලධාරීන්ට නියෝග කරන ලෙස ඉල්ලා පැෆරල් සංවිධානය විසින් ගොනු කැරුණු මූලික අයිතිවාසිකම් පෙත්සම ලබන මස 19 වැනිදා සලකා බැලීමට ශ්‍රේෂ්ඨාධිකරණය අද (12) තීන්දු කර තිබේ.
Add Comment