මට්ටක්කුලිය – ජුබිලි පාර ප්‍රදේශයේදී අද සිදුවූ වෙඩි තැබීමකින් පුද්ගලයෙකු ජීවිතක්ෂයට පත්ව තිබෙනවා. ත්‍රිරෝද රථයකින් යමින් සිටියදී යතුරුපැදියකින් පැමිණි දෙදෙනෙකු මොහුට මෙම වෙඩි ප්‍රහාරය එල්ල කර ඇති බවයි පොලීසිය සඳහන් කළේ. මියගිය පුද්ගලයා මට්ටක්කුලිය, සමිත්පුර ප්‍රදේශයේ පදිංචි ගයාන් ජීවන්ත නොහොත් ඉසුරු නමැති 24 හැවිරිදි දෙදරු පියෙකු බව සඳහන්.
වෙඩි තැබීම සිදුවන අවස්ථාවේදී මියගිය පුද්ගලයාගේ බිරිඳ සහ දරුවෙකුද ත්‍රිරෝද රථය තුළ සිට ඇති බවට වාර්තාවනවා.වෙඩි වැදීමෙන් බරපතල තුවාල ලැබූ පුද්ගලයා කොළඹ ජාතික රෝහලට ඇතුලත් කිරීමේදී මියගොස් ඇති බවයි පොලිසිය පැවසුවේ.මේ අතර පසුගිය වසරේදී එම ප්‍රදේශයේම සිදුවූ වෙඩි තැබීමකින් පුද්ගලයින් 05 දෙනෙක් මිය ගියා.
Add Comment