පසුගියදා ඇති වු ගංවතුර හා නායයෑම් නිසා විපතට පත් කළුතර දිස්ත්රික්කයේ ජනතාවට සහන සැලසීම සඳහා රජය විසින් මේ වන විට රුපියල් මිලියන 260.5 ක මුදලක් වැය කර තිබේ.මැයි මස 26,27,28 යන තෙදින සඳහා පිසු ආහාර ලබාදීම වෙනුවෙන් රුපියල් මිලියන 173 ක් ද, සතියකට වියලි සලාක ලබාදීම සඳහා රුපියල් මිලියන71ක මුදලක් ද වැයකර ඇත.
දිස්ත්රික්කයේ ප්රාදේශීය ලේකම් කාර්යාල 14 තුළ පිහිටි ග්රාම නිලධාරි වසම් 427 ක පවුල් 51256 ක් ගංවතුර හා නායයෑම් නිසා විපතට පත් වූහ. මෙම ආපදාව හේතුකොටගෙන මිය ගිය පුද්ගලයන් 66 දෙනා සඳහා එක් අයෙකුට රුපියල් ලක්ෂය බැගින් රුපියල් මිලියන 6.6 ක් වන්දි මුදලක් ඔවුන්ගේ ඥාතින් වෙත පිරිනමා ඇත.
ජාතික ස්වාභාවික ආපදා රක්ෂන ආවරණ වැඩසටහන යටතේ නිවාස හා ගෘහඋපකරණ හානි සඳහා රුපියල් 10000 ක අත්තිකාරම් වශයෙන් තවත් රුපියල් මිලියන 9.9 ක මුදලක් ආපදාවට ලක් වූ ජනතාව වෙනුවෙන් මුදා හැර තිබේ.