රුපියල් ලක්ෂ 37ක් වටිනා හෙරොයින් ග්‍රෑම් 370ක් සමග පාකිස්තාන ජාතිකයෙකු කටුණායක ගුවන් තොටුපලේදී අත්අඩංගුවට ගෙන තිබේ. බැංකොක් නුවර සිට දිවයිනට පැමිණි සැකකරුගේ ගමන් මල්ලේ සූක්ෂම ලෙස මෙම හෙරොයින් අසුරා තිබූ බව රේගු නිලධාරීන් සඳහන් කරයි. වැඩිදුර පරීක්ෂණ සදහා මෙම සැකකරු පොලිස් මත්ද්‍රව්‍ය නාශක කාර්යාංශයට භාරදීමට පියවර ගෙන ඇති බව රේගු නිළධාරින් වැඩිදුරටත් පවසා තිබේ.
මේ අතර, හෙරොයින් සමග පුද්ගලයින් දෙදෙනෙකු වැලිසර හා එප්පාවල ප්‍රදේශවලදී අත්අඩංගුවට ගෙන තිබේ. පොලීසිය විසින් සිදුකළ මෙහෙයුමකින් අනතුරුව එප්පාවල කටියාව ප්‍රදේශයේ දී හෙරොයින් පැකට් 31ක් සමග පුද්ගලයෙකුව අත්අඩංගුවට ගෙන තිබේ. වැලිසර ප්‍රදේශයේදී ද හෙරොයින් ග්‍රෑම් 10යි මිලිග්‍රෑම් 660ක් සමග තවත් සැකකරුවෙකු බස්නාහිර පළාත උතුර දිසා අපරාධ කොට්ඨාසය විසින් අත්අඩංගුවට ගෙන තිබේ.
Add Comment